全民運動日2015

前篇提過上星期六去左會大佛

今日即上星期日  我就唔想去咁遠  於是我就問小霸王

我: 唔! 囡呀! 你今日想去邊到玩呀?

小: 唔! 去邊到玩?

我: 係呀! 尋日去左會大佛，洗左好多錢，今日我地不如去D 唔洗錢的地方!

小: 唔! 去邊到玩好呢?

我: 你諗下... 你諗下你想去邊到玩? 諗到話我知

小: 唔! 去邊到玩好呢?.... 去邊到玩好呢?.... 

我: 諗唔諗到?

小: 等我諗下先.... 去邊到玩好呢? 

我: 你慢慢諗...諗到話我知

佢真係好專心咁諗左好耐

口仲不停咁講

『去邊到玩好呢?去邊到玩好呢?』

真係睇見都好好笑! (真係人細鬼大 ♥)

其實呢? 我地一早諗定左去邊架啦! 不過就要等其他人答覆去唔去姐

最後.... 收到電話確認行程    我地先同小霸王講

行程 - 大埔泳池SWIMMING

因為今日係全民運動日  所有公眾泳池免費入埸

呢個咁好的機會又點可以錯過呢?

本身係打算早上游泳的   點知... MEISZE & CHIKING 都未瞓醒

就改左做中午 (最曬的時候)

冇計.... 其他時候我怕入唔到埸

唯有.... 做好"防曬"吧 ♥ 

泳池 下午1點正先開  我地早早已經排定隊

早40分鐘排隊.... (都好無聊下)

公公身型咁FIT (全靠佢鍾意做運動)

小霸王你都要努力呀! ♥

準時 1 點入場  足足玩左個半鐘先肯走呀

今次游泳小霸王進步左好多呀

第一次 

一定要你抱住佢，只係玩下水、浮下、踢下

第二次 

著住救生背心仔，唔多識平行 

所以要用手拖住佢，而佢就會用腳仔"young"下水

第三次 (即今次)

同樣地著住救生背心仔，佢自己行落水，Warm up 完後....

佢叫我地唔准扶佢、唔洗理佢，佢要自己游喎!

好意外地佢識得平行 (唔再飲水)，好似"狗仔"咁游到

仲越游越開心    自己慢慢游黎游去 

♥ 好滿足咁款 ♥ 不得不俾個"叻"佢

o個刻都冇諗過佢咁大膽   早知佢咁勇就俾佢學游水啦!

(......).

*********************************

   出左咁多體力後   先去食個下午茶  

再返婆婆屋企休息    諗下好...

全民運動日喎.... 小朋友唔會咁好放過你..... 

返到去... 休息都冇 5 分鐘... 即出外面玩 bubbles 

靚女真係靚女   吹bubbles 都咁斯文

我o個個呢.... "有姿勢冇實際"囉!!♥ 

大大個動作 、大大聲講"a full"

最後一個 bubbles 都冇... 

你都係玩bubbles 槍吧啦!! 

(媽咪真係好對唔住.... 你完全係遺傳晒我"零運動細胞"??)

全民運動日  

雖然免費  但真係大人最疲累的一天

Welcome to S.K.Y. Lovely Family

Date:   2015.08.02 (Sun) ~ 3y0m20d 
Place: 大埔泳池 / 婆婆家