意外收穫

今日係HAPPY FRIDAY，返工梗係特別想早D收工架啦!! 好彩... 都可以好準時收工!! YEAH...

收工之後.... 就o係公司樓下坐村巴去元朗，唉.... 冇法啦... 二對一.. 冇得唔去元朗唱K.. ，不過架村巴又真係幾快WOR，45分鐘唔洗就去到(咁七個幾月後我咪可以好早返到屋企囉!!) 。

咁早落到又冇乜野做,唯有行住街等o個二位大小姐，點知...就咁又洗咗$$ 買咗D 衫啦... 激鬼死!!! 哈哈..

講開又講, 我都有成大半年冇去唱K，難得有得出黎RELAX 下，真係好開心。三個白痴婆又o係K房玩傻咗!! 唱唱下咁就唱到12點，好彩男朋友仔肯揸車接我返屋企咋，唔係有排先返到。哈哈...

噢.... 返到屋企，我見到房有部新電話SE C902，問下係邊個的... 點算原來係男朋友仔靜靜地買俾我架!! O... 真係令我好意外呀... 簡直係黎唔切俾反應佢。 問佢仲乜買俾我... 佢就話：『你話電話壞壞地嘛!! 咪買俾你囉!!』吓.... 估唔到佢會上晒心。

其實我自己一直想出部新電話，但係就睇唔中，怕買咗會後悔。今次難得有呢意外的禮物，YEAH,.... 可以慳番D $$ !!

↑對於呢部手機... 我真係冇發現佢的存在... 好彩你係黑仔... 都幾O岩FEEL.. 就俾你跟我啦!! THANKS LOVELY HONEY... I LOVING IT

我發現自從計劃咗結婚之後男朋友仔好似變咗，佢變得... 會製造意外驚喜，好奇妙... 唔知點解仲覺得好唔自然咁... 可能真係太耐冇咁做。 希望單身的last birthday呢個大日子，佢會識做啦!!

下雨天

今日天氣真係勁唔好呀... 下雨+潮濕，攪到成個人勁冇MOOD咁!! 原本親子團BBQ之旅都要被迫取消，唉.... 所以我地改咗去... 科學園

↑環境真係好清淨... 好大..

↑YEAH... 四朵金花.. HAHA..

↑婆婆+孫女...

其實我地O係科學園逗留咗唔係好耐，因為間唔中都會落雨。 唯有轉地方... 去沙田市廣場行街，行下行下就行咗幾個鐘啦!! 我... 冇收穫.. .

諗咗好耐.. 要去邊到食晚餐.. 最終CHOOSE 咗去大尾督食THAI ...

↑ 忠記... D 野都幾好味... 唔係太辣.. 價錢都OK 啦...

↑因為有熟人可以有免費甜品... 好味!!

我真係覺得自從小豆兒出咗世之後... 我D時間真係唔多夠用呀... 星期六同日.. 有時真係會FULL BOOKING俾晒小豆兒!! (希望好姊妹佢地唔好介意吧!!)

大埔天后誕

尋日難得係一年一度的天后誕，天氣錯(我指上午)，所以我同媽咪一早食咗早餐後，就同小豆兒一齊去咗大埔中心睇巡遊。

好彩唔係好多人咋... 比起元朗... 就只好用勁少人黎形容

可能係由細到大... 所以特別鍾意睇舞龍、舞獅... yeah ..

好可愛的小和尚...

第一次見到 好大的獅子呀....

見到大埔第一次有呢d咁大型巡遊... 雖然冇元朗咁大型，但係都唔錯架啦.... 如果明年有假的話... 我希望可以去元朗睇番!!

紅磚屋

今日無所事事，諗咗好耐都諗唔到去邊到，又有理由唔出街架...(男朋友仔放假ma..)

後來諗咗好耐... 就決定去下... 錦田的紅磚屋

↑哇... d 豆腐真係好好味呀!!

開頭諗住會有好多行，點知全部都係賣古董傢俬...有小小冇mood 架!!

因為落開元朗，所以就約咗未來奶奶、老爺一齊食dinner，哈... 我仲特別要求食龍蝦... sorry呀... 男朋友仔的荷包....

Ocean Park

自從小豆兒出世後，我地屋企就開始成立咗個『小豆兒親子團』。一到放假，我地就會諗吓去邊到。

難得放長假，家姐就攪咗個ocean park 之旅。我自己就真係年年都會去，但小豆兒叫到... 大姨又點會唔去呢???

↑↓上次去就係功夫熊貓，今次就轉咗『荒失失奇兵』

↑ 小豆兒呀... 你咁得人歡心... 大姨又點會唔錫到你燶呢???

↑未來姨丈都係因為小豆兒先俾面出席咋!!! 佢呀... 而家掛住同小豆兒玩唔理我啦!! 衰佬!!!

↑真係好耐未試過三姊妹一齊玩game啦... 真係好鬼攪笑... 估唔到生完bb的家姐會細膽咗好多，反而細妹就大膽咗wor.... .. 我諗遲d 我都會變細膽.. 哈哈

今次去ocean park 感覺真係好唔同，一家人能夠一齊嘻嘻哈哈其實真係一件勁開心的事，希望九月時我同未來姨丈可以join 到日本親子團啦!!