K1 班 ~ ♥ 暑假完結了♥

整整兩個月的暑假隨著九月一日的來臨正式完結

我的心情  真係有點兒矛盾架

咁當然我係好想佢返學~ (日日係屋企食、玩、瞓... 真係悶架)

 但係.... 返學就.... 又出現更大煩惱... 功課

真係唔敢諗住.... 希望..... 佢乖啦!! (哈哈~)

先唔好提 K2 的大煩惱住，諗返D 開心事

兩個月的暑假中，我地冇出國旅行而選擇留港消費

(如果早知7月頭已開始放，我一定去旅行啦!!)

除左去晒兩個主題樂園外，都有周圍去飲下、食下、玩下O既

小霸王生日 ♥ 去迪迪尼

爸B媽咪生日 ♥ 去海洋公園

2016 ♥ 下水禮 ♥

 ♥ 2016 美食博覽 @ 灣仔會展  ♥

不停試食、試飲，簡直食唔停口、買唔停手!~  (唔係我... 哈哈!)

♥「Sanrio Characters 塗氣競技場」@ 屯門市廣場 ♥ 

♥  B.Duck @ V City ♥ 

♥ BBQ @ 大尾篤麥師傅 ♥

有得食、有得玩，正!!

♥ 玩玩玩@ 天水圍公園 ♥ 

呢個暑假，我任由小霸王自己決定上咩興趣班

最後，佢揀左返學校上英語班+麵粉花班

校外的... 只有學緊的芭蕾舞!

本來叫佢去試下學游水? 彈琴? 語言? 或其他

點知? 一一俾佢拒絕晒! 

原因?

"我唔想學"

"冇人陪... 我都係唔學"

"唔係學校學，我唔要學"

"媽咪你教咪得囉"

唉....呢個古靈精怪的小女孩，有時真係令我又愛又恨架!

K2 希望佢能夠放膽D去嘗試接受更多新挑戰/事物/環境

繼續好好享受幼稚園的學習生涯

Fighting Fighting

Welcome to S.K.Y. Lovely Family

K1 班 ~ 小總結

不知不覺，話咁快一年的 K1新丁學生生涯就咁完結啦!

九月升上K2 小霸王就會當上小小學姐

聽同學仔媽媽講話.... 三年都唔會轉班主任，暫時唔知係咪真呢?

當然我希望係真啦! (因小霸王K1班主任都不錯)

唔講K2住，講返K1先

回顧下小霸王K1呢一年先!

K1 上學期  -- 手工/勞作 /畫作

 

K1 下學期  -- 手工/勞作 /畫作

 

K1 下學期  - 麵粉花興趣班的完成  (左) 

K1 上及下學期  -  學習表現好，學校送的小禮物 (右)

K1 上/ 下學期  -  得到的小獎盃 (共四個)

係K1呢一年，感恩小霸王表現尚算不錯!

可能因為K1未係正式寫字的學年，所以相對上我同佢都比較輕鬆好多。

可以話係HAPPY YEAR!  

真係唔敢想像 明年開始多功課/學習我地會點?

(唯有見步行步吧! Fighting!!) 

Welcome to S.K.Y. Lovely Family

K1 班 ~ 第24屆畢業暨頒獎典禮

踏入七月第一天，小霸王已經提早放暑假

學校正式放係9/7，但係七月頭一星期係畢業典禮+家長日

K1 & K2 小朋友基本上係不用上課，所以..... 

小霸王係足足可以放兩個月暑假，真係擔心佢放散左個心

(哈哈.... 七月係有報到學校興趣班....^^ 好彩都係散一個月♥)

放暑假 = K1 完結

原本諗住 K1 應該冇乜機會參與畢業典禮

點知.... 卻收到學校的邀請  (真係... 好意外!)

而班主任亦有親自打電話告知我一個小喜訊

........................................

小霸王 得到『學習表現卓越獎』

每一班，頭三名先有 (冇排名次)

7月5日 畢業典禮  於元朗劇院舉行

時間: 2:30 (但我地要 1:15 到)

我地被安排坐係領獎生座位  (好前呀~ ♥)

♥ 我同小霸王都係第一次黎呢到，有D 大鄉里感覺 ♥

由於大會講明唔準攝影，所以.... 我冇帶相機  (之後先覺笨... 個個都係到影)

畢業典禮程序:

1. K3生唱畢業歌 

2. 校長報告

3. 頒獎

4. 舞蹈 表演

5. K3生畢業話劇

(相片.... 特別感謝嫲嫲偷影!! 等大會俾相... 唔知要等到幾時?)

整個畢業典禮 大約三小時

好開心呢日可以參與畢業典禮，

雖然唔係小霸生畢業，但睇住D K3哥哥姐姐係台上唱歌表演

自己都不禁眼濕濕，好感動! 

(真係唔敢想像小霸王畢業我會點?????)

能夠同囡囡一齊上台攞獎，我覺得好幸福、好滿足

呢個獎完完全全係靠佢自己努力而攞到

不只佢自己開心，作為媽媽的我更加開心

希望佢能夠繼續努力!

(明年我地又一齊再參與畢業典禮，哈哈~ ♥)

Welcome to S.K.Y. Lovely Family

K1 班 ~ 親子同樂日+大滿足日

期待左兩個多月的親子同樂日終於都到啦!!

又可以同小霸王親子下.... 真開心♥ 

好興幸今次活動舉行地點係體育館 (上星期又凍又有雨)

全部室內遊戲，而且都只係玩三小時左右

所以唔洗怕凍親、唔洗怕運動量會爆燈

對比上一年PN時的運動會

今年的小霸王明顯長大左，玩遊戲呀~ 跳舞呀~  唱歌呀~ 

都投入左好多同懂得享受過程

還記得去年佢一與我分開就爆喊

今年雖然仲有喊，但係係玩到一半先開始扭計喊

都叫做有進步架啦! ~ (繼續努力吧!~♥)

好欣賞呢間學校的校長對小朋友的體貼

『小朋友有參與就會得到獎杯，

不論名次係咩? 獎杯大與小? 

小朋友心中最重要係佢都有獎

人人開心，皆大歡喜』

事實真係見到現場所有小朋友都玩得好開心

最開心的時候就係抱住個獎杯

而多謝老師的安排，(取代冇黎玩的同學仔)

我家小霸王可以參與兩項遊戲，得到兩個獎杯仔

對我黎講名次真係唔重要，

♥最重要係小霸王能夠投入同享受比賽♥

玩左一個早上，真係有D 累架!

食個午餐返屋企休息一陣，問小霸王想去邊? 

佢話: 去公園玩滑梯

叮... 咁就不如去YOHO MALL 啦!

點知.... 個公園居然拆左???? O NO... 

佢好失望囉! 好彩..... 行到又新街有個小小公園咋!

(即刻開心返晒 ♥)

嘻嘻~ 仲俾我搵到一直好想去試食的手燒拓餅

我地揀左章魚味! 一大片 $32

哇! 估唔到真係好好好薄+脆囉! 大力小小都會脆晒呀

味道唔太濃、好香章魚味、食到有章魚位置會有小小韌

食完小食後，見天色唔多好

我地就轉返室內....... 冒險XX啦!

平日+5:30後的冒記唔多人，所以就俾佢玩下波波池

$80任玩 (包一個小朋友及大人)

足足俾佢放左一個鐘電，真係佢唔累我都累呀!

跟住去左元氣食晚餐，食完爸B話帶我地去食埋甜品 ♥

事緣係有人... 

前一晚同朋友去左食甜品冇預佢兩個情人

呢晚咪要補償返囉!! 哈哈~!

唔好笑.... 我同小霸王都係第一次食心太軟咋!~

真係架..... 心太軟一直俾我的感覺係好甜好漏

所以.... 我完全唔敢食

呢次去食，係因為爸B同小霸王咋!

味道~?? 哈哈~ 睇下第二行的相就知道啦!

第一張係....佢已經好眼瞓，但又好想食 (等食中)

第二張係...  食到眼仔都發晒光啦! 

一路食一路講..... 

『哇! D 朱古力咁好味o既!』

說真的，個人覺得真係不錯，唔太漏唔太甜

我地叫的係朱古力情人，有 2個 L Size的心太軟

好似都係$9x，3個人食剛剛好

呢一日，無論係玩呀~ 食呀~

都大滿足呀!~ ♥幸せだね ♥ 

食店資料:

Sugar Mama 甜心良品:    元朗康樂路8號康樂廣場地下9號舖

Chichi House 滋の屋:      元朗又新街38號恆富大廈地下10A號舖

Welcome to S.K.Y. Lovely Family

K1 班 ~ 一人一花種植比賽

還記得去年PN 都有參加過一人一花種植比賽

但最後......種唔到花之餘... ,... 係謝埋囉!!

到今年 K1，小霸王話要種喎! 咁咪又俾佢試下囉!!

我有晒心理準備... 唔會得....

所以收到花苗時，相都冇影.... (哈哈!~)

點知..... 今次呢朵"長春海棠"居然..... 

冇謝之餘.... o係交番學校的前一天開埋花.....♥

真係令我意想不到囉! CRAZY....

估唔到.... 

呢朵小海棠o係爺爺悉心的栽種下

為小霸王帶來小小喜悅

就係..... 原來全班只有三位小朋友的小海棠長花

♥ 小霸王是其中的一位 ♥

從老師送的相片中見到佢的喜悅

回顧: 

PN 班 ~ 一人一種植比賽

Welcome to S.K.Y. Lovely Family

K1 班 ~ 親子賀年咭設計比賽

之前都有講過下  小霸王呢間學校唔係好多親子活動

所以.... 輕鬆好多   唔洗個個月做勞作

話說放聖誕假前   

學校出左通告邀請家長們同小朋友一齊設計賀年咭

冠軍仲會印刷為學校本年的賀年咭

個心諗    唔係連咁小機會都唔參加嘛....

所以設計時我都係抱住參加下   交下功課咁   唔好讓小朋友失望  

(對於零天份的小FAN真係咁諗)

點知..... 上星期收到通告

吓..... 唔係嘛?? 優異獎?? 冇可能....

O個刻真係唔敢相信囉!~ 

根住就問小霸王  

我:  嫲嫲陪你去攞獎好唔好?

小: 唔好，我想媽咪陪我攞獎呀!

♥ 佢出到聲，我一定陪啦! ♥

好彩有陪咋! 點解...?

其實呢? 我未攞過獎，

我以為幼稚園攞獎通常都係俾張證書你咁

咁簡單... 就唔想刻意請假嘛!! (係咪?) 

攞獎當日，接左小霸王返學後

我就係學校外面等到夠鐘先入去

入到去.... 哇!! 見到D 得獎作品，真係有小小唔好意思囉!

人地O個D 真係靚到哇哇聲

簡直冇得比呀!!

說真的   ♥ 真係好多謝學校的欣賞+厚愛 ♥

亦感激佢地  令我可以陪小霸王一齊擁有佢人生中第一個獎杯

原來小朋友係好鍾意攞獎杯架   佢地咁細就明白攞獎的喜悅

希望下次係小霸王靠自己攞佢人生中的第二、三、四..... 獎狀/獎杯

而我就在佢身邊分享佢的喜悅 ♥

(Dreaming.......^^)

Welcome to S.K.Y. Lovely Family
Date:   2015.01.11 (Mon) ~ 3y5m29d
Place: Kindergarden

K1 班 ~ 生日+聖誕聯歡會

自小霸王上左 K1後，我真係少左 update佢的校園生活

PN時每月都一定最少一次，但K1呢.... 變左不定時囉!

開學都三個多月啦! 比較過 PN & K的幼稚園

K呢間幼稚園真係冇咁多親子活動/聯歡會

有好有唔好囉~ 哈哈

好 - 係我唔洗做咁多親子勞作或請咁多假

唔好 - 少左機會觀察佢的校園生活

唔緊要啦!! 小霸王鍾意間幼稚園咪得囉!

原以為學校連聖誕聯歡會都冇， 見佢地冇出通告

點知好彩係生日會加埋聖誕聯歡會一齊攪

唔係真係會有點兒失望架!

生日+聖誕聯歡會同樣係冇家長份  只係小朋友參與

我只能夠靠小霸王把口得知佢的喜悅

估唔到佢有兩張聖誕咭收呀!! 犀利呀! 

哇.... CRAZY! 

點解會有咁多違禁品拎返黎架?

叫得違禁品.... 梗係要.... 充公?

非食物的... 佢全部可以攞走

違禁的食物....就.... 只俾佢揀一/二樣，最後佢揀左紫菜同CRUNCH朱古力

其他就.... 俾我收晒囉!@

有違禁品食... 佢梗係九秒九KO晒啦! 

唉.... 唔怪得小朋友咁鍾意開PARTY 囉!

聯歡會過後，小霸王正式放佢的悠長聖誕假期

足足 2星期多呀.... 放到明年4/1先返學

♥ 真開心! ♥

Welcome to S.K.Y. Lovely Family
Date:   2015.12.18 (Fri) ~ 3y5m5d

K1 班 ~ 秋季親子旅行

自小霸王上左 K1之後  我都好期待學校的親子活動

終於等到 11月最後的一個星期六啦!!

首個親子旅行呀!  好興奮好期待呀!  ♥

爸B 唔得閒一齊去  所以今次就我單拖陪佢去玩吧! 

8點半在學校附近集合

GO ♥ GO ♥ GO~  ♥

由學校到目的地都只係30 分鐘左右咋!  好快!

首先  所有人在入口處影張大合照

跟住就去大草原玩親子遊戲

我家的小霸王對親子遊戲真係冇乜興趣

反而對旁邊的小魚興趣大D

咁當然我地都有玩到親子遊戲

玩左差不多一小時   就可以自由活動囉!! 

(大約有3個多小時俾我地自己玩)

見地圖有個鯉魚池  就諗住帶佢去睇返夠本

點知...... 係吉池囉!! (乜都冇)... 激死人

攪到小霸王好失望   咁就唯有睇第二樣吧!

呢到最叫座活動之一   - 餵飼小動物

 餵飼小動物 NO. 1 - 小白兔

完全係唔怕佢咬佢囉! ~ 餵完再餵 

 餵飼小動物 NO. 2 - 小葵鼠

小霸王: 黎啦! 你快 D 食啦!

完全係自我好淘醉

 餵飼小動物 NO. 1 - 小山羊

D 山羊都唔係小架，大隻過小霸王囉!!

(其實佢地個樣都幾醜下..... CRAZY)

你地冇睇錯.... 佢係又再去餵過小白兔

D 小白兔見到佢一定好開心囉!

餵飽晒佢地 又滿足晒小霸王之後

我地就周圍行下搵野玩下

懷舊水車 - 唔錯!  ♥

淋花 - 佢最愛啦!  ♥

(PS: D 水係要自己打水的)

大草地玩波波 

 (係學校送的)

佢梗係..... 有姿勢冇實際啦!

冇計! 似媽咪運動細胞係零! ♥

玩到十二點幾   小霸王叫肚餓

我地隨意搵個地方坐下享受午餐

登~♥ 登~♥ 登~♥ 登~♥ 

DIY 愛心午餐

見到佢食得咁開心

♥ 就算要我半夜四點起身整  我都覺得係值呀! ♥

食飽午餐，休息左一陣後，又去玩過啦!!

其實呢到都有好多遊戲設施架

只不過我的寶貝佢太細膽，話唔玩喎!  我都唔勉強佢

好彩佢都肯玩一D 唔激的遊戲設施

小草馬

小貨車

全日都可以見到你燦爛的笑容

係媽咪呢日最大的收穫 ♥

Love your Smile, Baby! ♥ 

小鞦韆

呼拉圈

(學校用品)

見佢好努力地嘗試轉個呼拉圈

雖然係用手扮轉   但你的努力足以令我俾 ♥滿分♥你 

玩到三點幾我地就回程囉!

呢隻小豬仔一知道回程，未上車已經在我手上瞓左啦!

足以証明佢今日玩得好開心、好累、好投入...

唔! 個人覺得呢到一般囉! 

地方唔大，環境唔算衛生，地點都幾僻下

自己唔會有興趣再黎，寧願去錦田/大棠

Welcome to S.K.Y. Lovely Family
Date:   2015.11.28 (Sat) ~ 3y4m15d
Place: 上水假日農場

*** Holiday Farm:  http://holidayfarm.intimex.hk/landing.htm