PN 班 ~ 兒歌/唐詩朗誦比賽

二月時

學校出左通告

問家長會否讓自己的小朋友參加校內舉行的

"兒歌/唐詩朗誦比賽"

我就試下問小霸王佢想唔想玩下

估唔到佢一口答應

咁我就從佢學校書本中揀左佢最熟的"一隻麻雀" (唔記得係兒歌/唐詩??)

一隻麻雀     二隻貓

三隻白兔     四隻馬

五隻小狗     一齊走

內容佢本身就好熟，所以我就教下佢簡單地扮下動物的表情

**********************************************************************

三月時

比賽係三月中學校舉行 

(當然係上課時段，家長冇得睇)

比賽之後

我都問佢小霸王比賽點呀? 

佢答我: 輸左囉!!

唔緊要啦! 就當是一個小小經驗吧!! 

**********************************************************************

四月時 

學校派返張相，奇怪?? 點解唔洗俾錢呢?

難道參加的小朋友就有相派??

♥ 好開心小霸王肯乖乖地影相留念 ♥

**********************************************************************

五月時

通常學校都會派一張通告告知家長下個月有咩特別事

原本已經淡忘左的記憶

突然俾我見到熟悉的名字而"叮"一聲返晒黎

OMG.... Nam 李XX 

不是小霸王的名字嗎?

唔係輸左咩?? 

好意外原來佢係得到"亞軍"

o個一刻真係好好......好感動呀!!

即刻摟住個女黎錫，當然都有讚揚佢啦!!

人生第一個自己參與的比賽  取得如此成績

媽咪我都覺得好滿足

小霸王，你要繼續努力呀! 

i proud of you

媽咪永遠支持你....

(講得大長遠.....♥)

Welcome to S.K.Y. Lovely Family

▌日の料理 ▌自家制檸檬醋

繼上個月浸左青梅蘋果醋

呢個月又攪攪震浸下另一樣

就係好多人浸的檸檬醋

先介紹下材料:

白醋、檸檬、冰糖 (可用其他糖) 

做法: 

1. 將檸檬洗乾淨、吹乾，切片 (頭尾唔要)

2. 將檸檬同冰糖分別一層層隔住咁放入樽內 (見圖)

3. 加入白醋，不用過多，只要蓋過檸檬就可以

4. 攪掂! 放埋陰涼地方等一排就飲得

"等一排" ??? 即係幾耐???

有經驗人士 - 就話要等半年以上，越耐越好

網上資料 - 浸兩星期就可飲

所以...... 冇一個確實日期

不過有經驗人士 (即小霸王姑婆) 俾左一小樽浸左一年以上的檸檬醋我試

真係勁正囉!!  ♥

只係加半匙檸檬醋 + 一杯水就可以

最好食埋片檸檬.... 連皮咁食...

食完喉嚨勁舒服，簡直令人愛上 ♥

檸檬醋有乜好處?? 多啦!! (從網路上介紹)

可美白、減肥，增強消化，消暑解渴，預防感冒，潤腸通便，

清爽除口臭，排除體內毒素，促進尿酸代謝，強壯肝臟機能，

防止心臟病、高血壓，清除壞的膽固醇，可治便秘.....

以上的好處我都唔知係咪真係WORK

但治便秘就真係堅囉!!

好似我呢D 平時都係 2-3日先一次的人

飲左後 ..... 日日有囉!! 哈哈~

有興趣的話，不妨試下啦!

Welcome to S.K.Y. Lovely Family

▌日の料理 ▌自家制"糉"

每年端午節前婆婆都會約定我"包糉"

因為包糉的過程需時 + 婆婆年紀大包得唔多

所以佢一定會叫我幫手

向來唔食街外糉的我

為左要食自家制"糉"   不得不出手 ♥

今年婆婆會整三款糉 

花生糉、紅豆咸肉糉、綠豆咸肉糉

花生糉 の材料: 

米 + 花生 (炒一炒 + 攪碎)

紅豆咸肉糉、綠豆咸肉糉 の 材料: 

米、紅豆/綠豆、乾瑤柱、咸蛋黃、蝦米、豬肉 (用五香粉調味)

做法: 

睇圖吧!! (特別嗚謝婆婆)

呵呵~ 話咁快就包好啦!!

包完之後，要用明火加水煮 3-4小時

自家制"糉" 出爐啦!! 

包左咁多年糉，今次特別寫呢個POST

主要係因為怕自己唔記得

婆婆每年包親糉都會話:

『明年我都唔知包唔包到糉啦! 你快D學識，唔係冇糉食。』

唔知係咪自己年紀開始大

怕真係唔知幾時會有呢一日，而家記低為妙吧!!

說真的，小霸王的太婆婆就係咁

連再見都冇講到就離開左

佢出名的自家制"客家茶果" 就突然失傳左囉!! 

♥ 太可惜啦!! ♥

Welcome to S.K.Y. Lovely Family

Date:   2015.06.14 (Sun) 2y11m1d

Place:  婆婆家

HaPPY Pre-Father's Day

哈哈~ 

Happy Father's Day! 

其實我們家早早在上上星期已預祝左父親節

(因為婆婆話唔想端午節蓋過左父親節喎)

唔緊要啦! 幾時慶祝對我媽咪黎講係冇所謂 ^_^

不知不覺父親節蛋糕的名牌已變得咁長了

好攪笑囉!! 哈哈~ 

李爸B - 要返工不能出席 (小霸王爸B)

劉爸B - 不願上鏡 (小霸王舅父)

最後就有 公公同姨丈做代表

有我們家的三個古惑小朋友

張相好似特別funny 咁

尤其係呢兩位等食的小朋友

Welcome to S.K.Y. Lovely Family

Date:   2015.06.13 (Sat) 2y11m0d

Place:  婆婆家

笑笑小語錄 @ 35 個月

話咁快就35個月啦! 下個月就踏入3歲了

呢個月 佢的日常習慣大致上都冇咩大改變

飲食呀~ 作息呀~  都KEEP 住有好、有唔好啦

(回顧: 成長進度 @ 34 個月)

肌肉發展:

- 手指仔的靈活度比之前有小小進步啦! 可以數到1-10，但V字仲係........ 鈍! (哈哈)

自理能力: 

- 已做到的 - 著鞋子 (冇鞋帶款)、除拉鍊+鞋子、除襪子+除褲
- 未做到的 - 著衫褲、除衫、自己去廁所

性格及行為方面: 

- 脾氣及喜好暫時都冇乜點變

- 開始覺得自己有選擇權利，例如: 揀衫褲、揀玩具.... (我會盡量俾佢揀，但有點野就唔俾)
- 佔有慾大左好多，佢要你陪佢時，你根本冇得拒絕，連同其他人講下野都唔得 (講真，又點捨得拒絕佢呢?)


笑笑小語錄: 

【痴身事例】 

我: 一陣我同爸B落街買奶奶，你留係屋企玩好嗎?

小: 唔好

我: 我好快返黎架，你同爺爺嫲嫲玩住先啦!

小: 唔好，我都要去買奶奶呀!

我: 咁不如媽咪陪你玩，爸B 自己去買奶奶，好嗎?

小: 好呀! 媽咪陪我玩

我: ......... (無奈) 唔好啦! 都係我同爸B落街買奶奶，你留係屋企玩啦!

小: 唔好呀! 我都要去買奶奶呀! (開始喊晒咁口) 

我: 咁你問爸B 你去唔去得?

小: 爸B，我又去買奶奶得唔得呀?

爸: 得，你著鞋鞋啦! (愛囡心切的人)

【頂嘴事例】

事緣係我間中會攞學習筷子俾小霸王練習夾野，呢日我又係咁做

我: 今晚我地又要練夾野 

小: ........

我: 夾俾媽咪睇下 (俾對筷子佢)

小: 我唔夾呀! (推開我隻手, 仲要語氣係勁惡囉! O_O)

我: .... (我梗係勁生氣啦)

我:你唔可以咁答我架喎，你知唔知道自己錯?

小: 我冇錯

我: 冇錯? 你去罰企冷靜下

小:  我唔去呀! (爆喊+ 發脾氣)

我: 咁你都唔知錯囉!  你去罰企冷靜下  (佢堅持爆喊，我唯有捉佢過去)

我: 唔好再喊啦! 冷靜啦!

小: 媽咪抱抱!

我: 媽咪唔抱呀，我問你媽咪有冇鬧你先?

小: 冇! 

我: 媽咪都係平心咁同你講野，但係你好惡咁答我，係咪有錯先?

小: 係，沂沂錯

我: 咁錯左要點做?

小: Sorry 媽咪

我: 下次仲敢唔敢?

小: 唔敢!! 媽咪抱抱!

我: 你雙手揸住耳仔講"沂沂知錯，下次唔敢"

小: 沂沂知錯，下次唔敢! 媽咪抱抱!

我: 咁咪乖囉! 好啦! 媽咪抱返!

【口甜事例】 
我: 乖囡，你錫媽咪定嫲嫲多d?
小: 媽咪多d
我: 咁你錫媽咪定爸b 多d?
小: 媽咪多d
.....
問左n次n人，最後答案都係 ♥ "媽咪多d"  ♥  (勁甜)

Welcome to S.K.Y. Lovely Family

爸B新玩具 Action Cam

爸B 好早前都已經有問我俾唔俾佢買新玩具架啦!

但我一直都唔知係乜東東? 

影Video 用相機咪得囉! 

攪乜鬼要買多樣野呢??

難得佢不放棄地不斷分享人地用新玩具拍出黎的video

唔知係咪睇得多呢?   又真係唔錯喎!!

答應俾佢買之後的第二日佢就走左去買啦!  

講左咁多野，介紹下佢個新玩具先

Action Cam

山狗第六代SJ6000

1200萬高清，170度廣角鏡頭

 2.0吋LTPS大屏幕 

手機APPS實時操控

防水外殼可以深度防水30米

機身尺寸： 闊57 x 高44 x 深28.5毫米

可以影相及錄影

仲可以加上唔同的配件，令你無需雙手揸機

如: 防水殼、防水殼支架、單車支架、多功能夾、攝錄機夾....

哈哈~ 咁我就可以同時用相機影相+ action cam 影video!

想睇下拍出黎的video 可以click

(▌香港一遊 ▌流浮山太婆壽宴)

Welcome to S.K.Y. Lovely Family

▌香港一遊 ▌流浮山太婆壽宴

又到一年一度的太婆壽宴啦!!

今年同往年一樣係去流浮山食飯

待小霸王瞓埋個午覺  我地先換衫出發

行到西鐵站附近..... 俾我見到我的『宿敵』

本來想即走   但俾爸B 叫返黎幫小霸王影相

無奈  >....<   唯有硬住頭皮唔好咁近吧!

唉! 好彩都係玩幾分鐘咋!! 

坐巴士入流浮山  一落車就已經見到最愛了

左睇睇  右睇睇

眼睛完全不想離開個魚缸

一路行一路大叫 

流浮山 處處都聞到曬咸魚、曬蠔.... 的味道

好香呀!! 

呢日流浮山天色明朗  五點幾都仲好鬼曬

其實流浮山唔係只係得魚缸的海鮮睇架

周圍仲有好多得意的動物

例如: 海蟑螂、關公蟹、招潮蟹、彈塗魚...

小霸王係書本就睇得多

原來睇完真實的  佢會更加了解呢 D 小動物

親親大自然 真的是一個不錯的學習! 

嘻嘻~ 有三人照啦!! 

呢日我地帶左爸B 的新玩具出街玩下

又真係幾好玩喎!!

(新玩具介紹: 爸B新玩具 Action Cam)

Welcome to S.K.Y. Lovely Family

Date:   2015.06.07 (Sun) 2y10m25d

Place:  流浮山

▌香港一遊 ▌ 大尾篤掘蜆日

成日都好想親親大自然的爸B

一放假就想同陽光玩遊戲 ♥

見呢日咁好天    又撞正水退時間

哈哈~ 咁就0夾埋公公婆婆一齊去掘蜆囉!

食飽飽 + 做足準備後出發

由婆婆屋企附近坐巴士入大尾篤

呵呵 ♥  話咁快就到啦!!

 ♥ 呢兩公孫急不及待去玩  ♥

哇哇!! 退得好犀利呀!  ♥

原本係全海水   而家係全泥地

第一次去掘蜆的小霸王

興奮指數: 100% (爆晒燈) 

辛苦晒各位了!! 

由於我的任務係湊女、睇女、陪女玩

所以掘蜆就交俾你地三位囉! 

三位掘蜆專員一手掘另一手放入筒

小霸王就一手攞出黎另一手丟左佢

點知~ 小霸王突然間停左手?  受驚的樣子? 

我就知佢俾野咬到啦~ 

兇手??

咪係佢囉!! 

爸B 本身係捉俾小霸王睇下   冇諗過佢會咬佢

真係唔好睇小D小朋友

佢地的復仇指數都係爆燈的

篤呀~ 篤呀~ 篤呀

玩呀~ 玩呀~ 玩呀

小霸王: 你隻蟹仔居然敢咬我，問你知驚未? 投唔投降? 

(設計對白)

玩完蟹仔後  轉玩泥濘

平時一條頭髮點到隻手都會大叫的小霸王

居然唔怕 dirty 係咁玩水玩泥

簡直當 d 泥係 play doh 咁玩

♥ 在水中找尋小魚 ♥ 

(但失敗)

小霸王: 公公，你睇下?

公公: 睇咩呀?

小霸王: shell 呀! (跟住隨手丟左佢)

公公: 你個衰妹，又攪亂檔!

佢地的對話真係笑四我啦!! ♥

俾公公話完冇得再攪亂檔   唯有自己玩吧

玩到成面都係泥

不停地走黎走去   玩都冇停過的小霸王

終於肯停下去休息下食個包先 ♥

醫飽肚又再黎過

今次唔再俾佢去d 濕泥/ 海水到 

佢就同舅父玩沙

呵呵~ 經過兩個多小時的掘掘掘

今次係大豐收呀!~

雖然唔係好大食，但好好味呀!

yummy yummy! 下次再 encore 先!

Welcome to S.K.Y. Lovely Family

Date:   2015.05.31 (Sun) 2y10m18d

Place:  大尾篤