▌電影 ▌快樂尋回犬

『11歲的贊仔（劉勝浩飾）與6歲的妹妹細妹（金香琪飾）兩人相依為命。贊仔在妹妹生日當天偷了白色小狗送給她作為生日禮物，細妹把小狗叫做小白。一家三口，小白一直忠心耿耿留在小兄妹身邊，直至一次意外細妹掉進薄冰致死，贊仔遷怒小白把牠遺落街頭，隻身前往釜山找尋媽媽；沒想到的是，小白的忠心仍然找尋著贊仔的蹤跡，沿著鐵路一直找尋牠的唯一主人，也是牠唯一的家人……』

《謝謝您
當至親離棄時，仍然守在身旁。
當朋友退縮時，仍然捨身相救。
當絕望無助時，尋回迷失的我。》

唔知點解好想睇呢套電影，我諗係個故事同狗仔有關+有我最愛的金毛尋回犬做主角，幸好尋晚男朋友有空陪我去睇咋!! 唔係我一定會好失落。因為有可能等佢等到落畫都睇唔到.. 哈哈....佢忙ma... 冇計ka...

呢套電影同『小Q』都有D 相似，大家都係由狗仔小時候可愛的樣子講到佢地離去，不過小白的遭遇就比小Q痛苦得多，小白為左保護小主人而多次受人毒打，雙眼幾乎失明都不放棄，好偉大架!!

其實我都唔算係眼淺的人，平時我都好小會喊，之但係睇親『溫情/親情片』就好似例外咁，尤其係同狗仔有關的，我喊得更厲害，所以呢次我當然係【喊爆】左啦!!! 之但係我冇諗過自己睇左冇幾耐就已經忍唔住喊 (睇小Q都係差唔多尾段先喊爆..)，真係冇鬼用呀!! 我唔想架.... 咁電影中有好多片段都令我諗起小寶貝ma

，尤其係小白舒服地在主人身旁離去o個刻，我.... 痛哭tim 呀!!! 仲有， 小白俾人打o個陣，哇... 簡直心痛到爆呀!! 差小小忍唔住大叫【夠啦!!】好彩冇... 唔係又出醜。(我男朋友居然唔理我wor... 正衰佬呀!!)

我覺得唔一定係鍾意小狗的人先去睇，唔鍾意都可以睇下。因為你就會明白人與狗之間的感情，唔係你地所講咁膚淺架!!

仔仔.... 我好掛住你呀!!

Ole Gunnar Solskjaer

記得初初認識曼聯球隊時，我只係對幾個球員比較有印象，佢地就係 碧咸、傑斯、史高斯、蘇斯克查，前三個大多數都能o係球賽中見到佢地，但係蘇斯克查係比較小見到。

點解我會記得佢個名? 哈... 咪因為佢可愛的樣子law，好似咁多年都冇乜點變過。依然係咁『殺食』!!!
唉... 好可惜，今日從報紙上見到佢掛靴的新聞，真係有點失落。唔知將來有冇機會再o係電視上見到佢呢?? 希望有啦!!

幾時可以搬office呀???

一等再等... 到現在已經等左成八個月有多啦!! 仲要等到幾時先搬呀??
救命呀... 我忍唔住啦... 頂唔順啦!!

『走得未呀...... 走得未呀.... 走得未呀.....』(係咪好長氣呢??)

以前的我係唔會理o個個人係咩性格，
總之如果我想o個個人幫自己手的話，
我就會不厭其煩地重覆再重覆咁哀求佢幫我，
當然有時會成功啦!! 哈哈..
但係自從我知道唔係人人受落之後，我已經好少會咁做。

不過，最近我居然見到某人用同樣的方法去哀求別人(佢把聲梗係比我的『鵝公喉』好d d 啦)，
可惜佢唔知自己係用錯對象呢?? 攪到有人向我求救數次。呵呵...

唔知話佢【蠢】定係【叻過頭】好呢?
點解咁講??
因為曾經我哀求過同一個對象，o個時你卻同對象講『好煩呀佢... 你幫佢啦!!』
你當時用【煩】來形容，
咁而家我係咪應該同樣地話你【煩】呢??
當然我冇咁做law..

佢應該知人人性格都不同，
為何要將唔適合自己的性格放在自己身上，
會唔會有點牽強呢??
你靚又靚過我、身材又正過我、學歷又高過我.... (真定假.. 自己估下吧??)
點解呢??
可能你會話你冇學我... fine.. 當我多心啦!!
咁你keep on going吧!!

Marry Me, OK??

" Marry me, OK? I love you always and forever"

呢句話係寫o係佢送俾我的百合花中的咭仔上，哈哈.. 十個字都唔夠呀??? 咁就算係『求婚』呀?? 一點浪漫都沒有wor。

其實我都知以佢呢種唔識浪漫的人，求婚一定係好簡單，

... 不過慘得過我又受wor!! 真係攪笑呀!!

算啦...睇在佢做晒求婚必備o既野....

有我..... 至愛的百合花、深情的求婚句子 (寫英文wor... 真係令我好意外!! 哈!!) 、最重要的求婚戒指都有...

 

我冇理由拒絕佢架ma.. 係咪???

咁就身份唔同左啦我... 哈哈...

2007年8月18日..我正式成為佢的『未婚妻』!!! (咁咪要改口law... 哈哈!!)

PS: 仔仔... 唔洗擔心啦... 佢好快就會實踐曾經對你許下的承諾!!

好姊妹... 放心... 冇咁快wor.. 都係同我講的時間一樣冇變到... 唔洗驚!! 哈哈