六歲♥ 我的生日♥

年年都話唔想攪   但年年最後都係攪

今年唔講啦! ~ 點都攪架啦!~ 😜

小小年紀... 唔開生日會點收禮物先??? 

💗學校生日會💗

Last year 啦~ 

呢個係小學唔會有的 Party，只係K生先有

(我估小朋友會唔開心多D)

💗 正日生日 💗

今年正日冇同小霸王公主去迪迪尼啦!~

因為三月先去過，唔想咁快又去，留返下年吧!!

所以今日就在家吹吹蠟燭就算了

HAPPY BIRTHDAY 

 💗 迷你生日會 💗

年年都要的.... 小生日會

今日主題.... 係My little Pony

(冇錯... 真係年年都不同)

🎪Banner - 淘返黎 (唔錯架，係薄布料唔易爛)

🍰Cake - H記雪糕蛋糕 (太多朱古力同糖皮.... 有D漏)

🎁禮物 - 多謝晒大家送上咁多馬馬

祝我家小公主 

日日都

開開心心💓

健健康康💪

回顧:

五歲生日

四歲生日

三歲生日

二歲生日

一歲生日

快快樂樂♥復活假期♥

對於即將告別幼稚園生涯的小霸王公主黎講

長假期好似來得特別珍貴  

一年得四個長假  每個最小放兩星期 (小學應該唔會放咁多長)

而復活假期已經係第三個長假啦! (剩返暑假)

  

雖然冇得去旅行  但我地都有周圍去下

得到小霸王公主的批准  放我倆出走一個晚上  (太開心)

呢晚  我陪左大情人去睇佢的日本女神

門票唔平架  但可以近距離睇女神  又真係好正囉  好彩有陪佢睇咋!! (^_^)

二人世界一晚咁多架咋  之後就要...... 陪足晒佢啦!!

※ 睇佢想睇的"比得兔"  - 好好笑好好睇 ※

※ 小型巴士展  - 得兩架巴士太小了※

※ 到海灘玩下沙沙 - 天氣唔太熱, 唔怕曬親 玩得好舒服※

※ 與迪士尼公主影相  - 公主迷 點可以唔去呢※

※ 參觀嘉道理農場  - 可以親近大自然  不錯架※

※ JAZZ A.T.O.D EXAM  - 合格就可以升班啦※

※ 家姐表弟仔來我家  - 三個小朋友都可以係一個墟  勁嘈※

※ 跟著媽咪上班去  - 佢恨左好耐  仲好想再黎※ 

(其實有乜咁好呢??  但媽咪都好開心有佢陪我上班一日咁多)

不論長假或短假  能夠陪著你成長

我就覺得好幸福 ^^

我的八天新年假期

新年假期轉眼就完結，返工的返工，返學的都要返學啦

放左兩星期多假期的小霸王公主  又出現小小分離症

當然我預左佢會咁  所以數日前開始已經話定佢知

我放到幾時? 佢幾時要返學?

好彩K3的她已經冇細個時咁   大個左真係好DD

只係扭小小計  但都可以接受

不過講真，大人都會唔想返工，更何妨小朋友呢? (係咪?)

連續八日陪住佢的機會? 一年又真係只得新年囉

所以我都唔捨得返工!! 哈哈~

放假雖然會比返工忙碌，

但在職媽咪的我真係覺得開心過返工!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第一天  (年三十)

行程: 領取護照 → YOHO Mall  → 上學習班  → 申請兒童戶口 → 行花市

一早預約定呢一日早上去領取護照，排隊申請的人真係好好好多

好彩我先郵寄申請左，呢日只係去領取咋!! (唔洗10分鐘就攪掂)

跟住就去左YOHO MALL 行下，仲去左"老父子"餐廳食左個早餐

不過~ 可能多人，我個人覺得服務一般，食物味道太濃 (有點喊)，價錢OK !!

行完就要去學KUMON，再順路去渣打開埋個兒童戶口

點解揀渣打??? 原因.... 近屋企咋!! 仲有係Disney account吧!

係屋企食埋團年飯後，就出左元朗行左陣花市

小霸王公主仲買左一隻大柴犬

** 呢日我貪玩幫小霸王攪攪個髮型，變左做 "包租婆"!! 哈哈~ **

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第二天  (狗年大年初一)

行程:  拜神 (婆婆娘家)  → 老家  (年年不變)

恭喜發財  年年有餘

大吉大利  身體健康

龍馬精神  花開富貴

YEAH!!  終於到左十二生肖中最鍾意的"狗"年啦!~

仲唔係我的世界，哈哈~  

狗年年初一又黎親子唐裝 (新年先有呢個機會)

再出動埋私伙珍藏布甸狗手袋仔

一於要係"狗年行個大大大運"先!!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第三天  (狗年年初二)

行程:  酒樓開年  → 婆婆家  → 姑婆家

年年一樣，我地一早去酒樓開左年先

跟住就返婆婆家再食個午飯

最後，再出發去三姑婆家團拜

小朋友任玩 Nintendo Switch

大人任打麻雀

開開心心玩左一個晚上!! 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第四天  (狗年年初三)

行程:  濕地公園  → 婆婆家

雖然前一晚玩到半夜先返屋企
但第二日我地都有出街
近近地去左見下"貝貝" (哇! 真係好肥美)
逗留左一個多小時，俾婆婆急CALL 去開枱!
所以我地又大戰四方城一個晚上 (今次真係打到零晨三點)

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第五天  (狗年年初四)

行程:  V City  → 屯門市廣場

大戰過後真係唔可以再咁做出街
呢日約左好友Sandy 姨姨行下街街、傾下計
仲可以影下狗仔  輕輕鬆鬆!!

屯門時代廣場 X 豆柴‧三兄弟

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第六天  (狗年年初五)
行程:  朗豪坊  → 青衣城  → 荃灣綠楊坊 / 千色匯 → YOHO Mall

紅日過後，估計冇咁多人下，我地二個就出動搵狗仔影相囉!!!

朗豪坊  X 忠犬麻糬柴犬

第一站揀朗豪坊，係因為怕晏D 會多人
我地11點到，人唔多，快快手影完就去第二到
經過LINE 又可以影下相

青衣城 X  SHIBAinc 柴犬

荃灣綠楊坊 / 千色匯  X 萌爆哥基

坐港鐵真係好方便，呢日可以去到三個地方影相

D 狗仔真係好得意，拍拖影相大滿足，但腳仔都好累下

YOHO MALL

影夠相後，我地就返去YOHO MALL買預售飛(二日後)睇戲

再去公園玩下 就返屋企囉!!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第七天  (狗年年初六)

行程:  家姐仔劍擊比賽  → 九龍公園  → 1881 → 家姐仔屋企

呢日重要任務就係睇家姐仔劍擊比賽
第一次睇劍擊比賽的小霸王公主，睇到好緊張
不停叫"加油加油"，最後家姐仔16強止步 (下次再努力!)

比賽完去食元氣補充返體力
之後去左九龍公園、1881、海港城影下相
再返家姐仔屋企玩餐飽

呢三老表一齊的話，真係好好..... 嘈!!
(能夠有你地二個陪住小霸王公主長大，我真係好開心)

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第八天  (狗年年初七)
行程:  YOHO Mall  →  家姐仔屋企

真係估唔到.... 小霸王公主會主動提議睇戲???   佢揀左"快D啦牛牛"
完全唔知套戲講乜? 好唔好睇? 的情況下，兩個就拍拖去睇早場!

"快D啦牛牛"
我覺得都幾好睇，幾好笑!!
而小霸王公主都尚算OK，睇左個幾鐘先問走得未?
最後佢都肯乖乖睇晒全套先走

睇完戲，我地又......去左搵老表啦!!

相聚半日後就返屋企食晚飯

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

我的八天新年假期，正式完結
真係好充實! 好滿足!!

期待下一個小長假

忙碌♥開心♥傷感♥ 的十一/十二月

接近三個月冇更新了， 呢三個月的生活實在太充實

上班時間完全冇停手 (想偷下懶都唔得)

下班就.... 完全累到冇朋友.....

工作上過左年尾，終於忙完七七八八了

剩下來的.... 對我來說都算輕鬆!! ^^

工作就唔再多講，講返我家小霸王公主吧!!

呢二個月都冇乜點帶佢周圍玩

因為佢星期日好多時間都用左去彩排跳舞

好彩佢鍾意咋! 唔係.....

♥ 野餐 @ 紅磡嘉里酒店草地♥

十一的天氣都仲係熱熱地，但都好適合野餐

本來就計劃去迪迪湖的，可惜小霸王公主病病地就改左去近D 地方玩一陣

我地一點左右到，冇乜人好舒服，係就係冇遊戲設施

但小朋友都有地方走黎走去，玩得都好開心

最重要係玩完，仲可以近近地去黃埔行陣街街

♥ 攤位遊戲 @ 元商中學♥

好小會帶佢去玩，因怕多人
幸好呢日居然冇乜人，都玩左唔小攤位

♥ 平安夜表演 @ 愉景新城♥

彩排左一個月的表演，大成功!
最重要係佢能夠開心同投入地跳舞，更加增強左自己的自信心!!
期待你下次的表演

♥ 聖誕節 @ 屯門 ♥

問佢想去邊到?? 佢答你屯門.... 吓?
一來可以買聖誕禮物，二來可以去埋"爬蟲館"
真係唔知道有乜咁好睇?? (其實係得我怕咋)
聖誕大餐... 佢揀左去食有高速線的元氣，有得玩有得食
佢超開心囉!! 哈哈

♥ Boxing Day @ 天水圍 ♥

近近地去下公園玩下，行下街街咁就算囉!

♥ 除夕BBQ @ 大埔麥師傅♥

一行十幾人去任食BBQ.... 由七點幾燒到第二日零晨二點幾
生完阿囡之後，真係第一次玩到咁夜呀!
但一家人能夠開開心心BBQ，係一件好幸福的事!!

*************************
點解最後會用個"傷感"黎形容呢?
十一月..... 自行派位.... 冇我地份....
十二月..... 一個親人離開左我地.... 好唔捨得....
估唔到.... 來到 2018年尾先發生咁難過的事
希望2019年我的家人繼續健健康康 ，開開心心!!

身心疲累♥困惑♥ 的十月

開左學已經兩個月了，估唔到黎到 K3都會發生好似 K1的黑暗日子

我指的黑暗日子係....... 

『小霸王公主居然扭計+喊爆唔肯返學足足一星期』

K1就話唔習慣，K3呢? 叫乜呀??

最好笑..... 就係.... 十月頭先黎喊?? 咩事呀?  

我自己有仔細地諗過，當然都有問下班主任

有咩野係改變左?

♥ 十月頭紅假連住上，變相我陪多左佢，所以唔想分開? ♥

♥ 嫲嫲幫表妹湊左阿B女，令佢感覺失寵? 唔習慣 ? ♥

♥ K3 分離症?  小一恐懼症? 佢知道自己就黎要上小學 ♥

三個原因都有可能，但係..... 應該似係 K3分離症+小一恐懼症

因九月尾揀學校，又有小一面試等.....

所以.... 

為左佢情緒唔好再咁大上落，暫時我地都唔會係佢面前提小學

.............................................

........... 唉 ........

好彩呢個黑暗的日子只維持左兩個星期左右就結束

暫時佢已經回復返正常，希望唔好X 100 再發生!!

雖然十月大部分時間都係激到你炆的日子，

但儘有小小開心的回憶! 

♥ 角色扮演 @ 童夢城 ♥

唉.... 正正係黑暗日子中，唔鍾意的佢完全唔肯扮/玩

好彩最後佢肯乖乖地扮下護士湊下BB同整下杯面

唔係.... 真係激四我架啦!! 

♥ 第一個JAZZ比賽 @ 德藝雙馨 ♥

 好喜歡見到佢自信滿滿的樣子，亦都好鍾意佢得獎時興奮的舉動

雖然只係得到優異獎，大家口中的第四名

但係佢係全隊中表現得最開心最滿足的一個

排名/ 得獎與否，唔係最重要架! 

開心地享受比賽不是更好嗎??

♥ 晚宴 @ 流浮山 ♥

圍村叫做"食汕頭"的晚宴，每年都會出席

順便帶小霸王睇下日落影下相

隨住10月的過去，放榜的日子開始倒數啦!!

(只能在我心中倒數)

入學/面試相 @ Legendary

話咁快，下星期1/9開學日，我家小霸王就K3啦!~

雖然話就話仲有一年時間，但我已經有小小唔捨得

大得真係太快了，我的Baby Girl去左邊呀? (嗚嗚~ >...<)

由於本身幼稚園有幫佢影開學生相，所以一直我都冇刻意出外影的打算

直至朋友介紹下+價錢抵，就預約影下

$200 

包三個造型 +所有數碼檔+25張1.5x2"相

未影已經覺得抵，影完後覺得勁抵囉

先比較下價錢: 

快x美:  $75/6張

其他: $300-$500不等，仲要包1個造型

Legendary: $200 包三個造型

你話係咪抵啦?

時間: 

快x美: 5-10分鐘

其他: 1小時內

Legendary:  2小時呀!~ 

再講埋質素:

其他: 出面質素好與壞就真係一半半

Legendary: 我個人好滿意，因攝影師叔叔好用心+有耐性地拍攝

其實小霸王公主對鏡頭係好..... 敏感

佢會刻意唔望/ 避開鏡頭，所以係唔容易影的小朋友

但攝影師叔叔都能夠 KO 到佢，我真係好開心!! 哈哈~ 

以下係我個人好鍾意的攪笑及自然相片

(仲有好多張我都好滿意)

而呢三張就係攝影師叔叔的正式作品

你話係咪用黎面試?? 我答你: 有用當然會啦，咁靚，但我唔希望要用到囉!! (哈哈)

不過就算唔係面試，我覺得留一個回憶俾自己都唔錯

一個成長的印證  

K3係小朋友一個轉換點

Baby Girl 變成小女孩

有興趣就快D BOOK 黎影，因我知好多媽媽Group 已經搶住BOOK

完全唔係Hard sell 你，係真心分享!! 

Legendary Production: https://www.facebook.com/LegendaryPho/?fref=ts

她♥愛上了"森林家族"♥

早前提過為左獎勵小霸王公主K2的努力，就送上佢人生第一個森林家族玩具

點知.... 原來開左個頭真係冇得返轉頭的，只會.... 想擁有更多

其實唔只係小霸王公主鍾意，小FAN 我自己都好鍾意

因為森林家族D公仔、屋仔真係好得意

想買森林家族.....香港真係好貴，要等佢地做PRO 先會諗

但係... 日本呢... 就真係.... 平好多呀!~

以下呢張"魔鬼相片"係姨媽媽七月中去名古屋時影俾我架

仲要五日影足四日咁多，係處處都能見到

30% OFF ~ 30% OFF~  30% OFF~ 30% OFF ~

救命呀~ 你話.... 點可以唔心動呢????  ♥ ♥ ♥ 

姨媽媽講明屋仔就真係.... 無能為力啦! 細件的就可以!

所以我就入手公仔啦!!

登~登~登~登~

芝娃娃家族 (HK$260)

玩具貴婦狗家族 (HK$260)

攜帶小盒系列﹣BB與滑梯 (HK$65)

攜帶小盒系列﹣BB與蹺蹺板 (HK$65)

攜帶小盒系列﹣BB與鞦韆  (HK$65)

森林家族海邊遊玩設施套裝 (HK$199)

總數: HK$914 (呢個o係香港買的總價錢)

但係我.... 最後埋單的是...... 

HK$390

唔係眼花呀!~ 

"森林家族海邊遊玩設施套裝" - 

呢個係姨媽用500Yen 係legoland 出面間鋪頭抽中的，所以我唔洗出錢

其他呢? 全部購自BIG CAMERA的玩具部

香港價HK$715, 我卻可以以接近半價價錢買到，

係咪好好好......... 抵呢?

小霸王公主一次過收到咁多森林家族

佢梗係勁開心啦! ~ (好彩慳咁多咋，我荷包都冇咁肉痛)

真係唔敢想像自己去日本時會唔會..... 冇得走.... 哈哈~

五歲生日♥ 迪士尼之約會♥

踏入小霸王公主的生日月/暑假，就係我請年假最高峰的時間

一個七月頭就請左六日啦~ crazy.... 太誇吧!! 

為左小公主開心，冇法~  

應承左小公主生日一定同佢去迪迪尼，

所以就算天氣幾咁熱都要去! 

天公造美，今年冇去落大雨

呢日，小霸王公主一早起身牙都未刷就問我

小: 媽咪，你知唔知今日係咩日子

我: 知! 你生日嘛!

小: 咁你要記住買D 咩?

我: 吓? 有咩買呀?

小: 咁重要你都唔知?

我: 咩咁重要呀?

小: 你唔知? (開始炆炆地)

我: 吓? 唔知呀，你講我知咪得囉!!

小: 唉... 係蛋糕呀! 生日蛋糕呀! 今日我生日

我: 又買? 咪送左俾你囉!  仿且我地今日去迪迪尼點食呀?

小: ........... 

我: 入迪迪尼睇下有冇其他取代啦! 好唔好?

小: 好啦! 

(真係笑四我啦!~)

可能天氣真係太熱，所以呢日都唔太多人

可以玩好多遊戲設施

咖啡杯、降落傘、小小世界、3D米奇、旋轉木馬、小飛象.....

仲睇埋獅子王、魔法書房，爸B 亦可玩埋新的 Ironman 同 Marvel

最令我意外的是.... 今次居然可以同迪士尼人物影相

未生小霸王公主前，我入園一定會搵我鍾意的人物影相

但自有佢份去，佢就唔肯/唔俾我去影，所以都好幾年冇同佢地Say hello

今次個睡公主真係好靚女!

好記得我第一, 二次入園，一入到去，就第一時間入店舖買本簽名簿

跟住就排隊同迪士尼人物影相+簽名，個時的我真係好開心架!

但係...而家已經唔見人攞簽名啦~ 

(下次睇下小霸王公主想唔想試下先，呢個集名回憶真係要玩下)

小霸王公主呢日好合作，叫佢影相擺POSE都好樂意

最難得的係... 終於睇到夜間巡遊啦!~ 

幾驚又落雨要取消

能夠睇埋雙彩虹，令呢日迪迪尼遊玩變得更完滿!

下次再見!!  See U

回顧: 

2016 - 四歲生日♥ 迪士尼之約會♥

2014 - 開開心心 ● 迪士"樂"尼

2013 - 一歲生日♥ 迪士尼之約會♥

五歲♥ 我的生日♥

登~燈~登~燈~  又係到左我家小霸王公主生日月啦~ 

今年.... 佢都係不停地提我佢幾時生日、要乜蛋糕、要乜生日禮物.....

(知啦~ 媽咪爸B 又點會唔記得你生日呢?)

小霸王公主の生日月~ 真係可以令你忙足幾星期

學校生日會♥~ 舊曆生日♥~ 迷你生日會♥~ 新曆生日♥~ 

呢四個慶祝活動好似一個都不能小咁，

今年仲多埋一個小旅行 (咁岩撞正姐)

真係... 忙完之後，身心要休息兩個星期先回復正常

不過佢開心就乜都值得的

♥學校生日會♥

♥舊曆生日♥

♥迷你生日會♥

今年小霸王公主要以Ariel做主題，所以特別搵人訂製左個Ariel生日蛋糕俾佢

佢收到真係好開心!! 好鍾意!! 

唔好話佢，我都好鍾意個蛋糕，做得靚之餘仲好好味，店主仲好好人!

連小霸王公主都已經下定單話明年要XXX蛋糕

(真心推介俾大家 Js Cakery) 

冇錯呀~ 主題係Ariel，生日禮物梗係要配返啦!~

多謝晒愛錫小霸王公主的姨媽姨丈、細姨哥哥、Sandy 姨姨

送上一系列紅魔女 (Ariel 小公主)，一對手都抱唔晒啦~♥

亦都多謝家人們、朋友們的利是同禮物

♥真心感謝你們愛錫我家的小霸王公主♥

Happy Birthday to our lovely little Princess Myolie

爸B媽咪 祝願你  每天都開開心心、幸福快樂、身體健康!

至於 ♥ 新曆生日♥~ 同樣留待下一篇吧!!

回顧:

四歲生日

三歲生日

二歲生日

一歲生日