新年... (年初三)

赤口諗住會留o係屋企瞓番夠本，點知老豆媽咪話去睇戲... 唉.. 冇計.. 去囉!!
新年睇戲..當然上網訂定票好d la... 點知.. 都係得番一、二行咋.. 最後，揀咗睇"72家租客"，坐第二行... 四個人睇到勁辛苦law.... 好彩套戲勁攪笑咋... 再加上冇乜劇情，唔洗用腦，淨係笑就得... (都值得睇下o既...)

晚餐，我地去咗食元朗的金水壽司... 服務唔太好、食物ok、價錢ok... 真係唔同店的質素都唔同架....

明天要上班了... o... so bad..



新年... (年初二)

昨天初二係回娘家的大日子啦... (藉口)..
一早同老爺奶奶飲完茶之後，先去咗流浮山鳳降村同老公仔的婆婆拜年，當然仲要派利是俾d 表弟妹啦...(唔係佢地點會咁易放過我地呀??? )

派完利是，我地就回娘家啦...
娘家亦都好齊人.... 所有姑姐、姑丈、表弟妹都一齊黎晒團拜.. 勁多人呀... 足夠開三圍mahjong呀...

↑ 仲有我可愛的姨甥女呀...

都唔知打咗幾多圈mahjong... 只係知打到二點幾囉... 累死人呀!!!(好彩只會o係新年先打mahjong咋.... ..唔係就大獲??)

新年....(年初一)

情人節快樂.... 新年快樂...
踏入年初一的零晨時份，我都未捨得回家．．．　哈哈．．．
因為老公仔收咗工之後我地就去咗行元朗的花市，比較大埔的．．．　簡直大好多啦！！　咁夜都勁多人呀！！（所以我都唔係太鍾意行花市，冇計．．老公仔叫到．．點可以唔去呢？？係咪？？）
本來老公仔係任由我揀選我喜愛的花，只可惜．．．　揀唔落手呀！！　好多花都開晒，殘花買黎做乜．．無謂浪費金錢啦！！

↑　最後我就寧願買呢件肥皂紫玫瑰花．．．睇得又放得嘛！！（算死草係我．．．）

↑　情人節又點可以小咗禮物呢．．．　我就隨意揀咗平平地的ＭＪ咭袋仔．．　方便ＭＡ．．．　＾＾　
年初一行程唔算多．．．　只係一早去咗同DADDY & MUMMY 飲茶，然後去拜神（年年都會去．．．　今年當然唔可以例外啦！！），最後呢．．　就再去石崗老公嫲嫲家拜年食飯．．　
食飽飯，又同奶奶出返元朗ＪＯＩＮ返老公仔、佢舅父、阿姨、表弟妹唱Ｋ。
玩到點幾先返屋企．．．　勁累呀！！　

新年.... (年三十)

年三十當然係食團年飯的大日子啦.... 只可惜.. 今年我的身份唔同咗, 令到我變得特別咗!! 特別的是.... 要兩邊走囉!!
先返娘家放低d 賀年禮品.... 再去老公仔嫲嫲家團年.... 然後又再返娘家團年...
足足食咗兩餐飯... 飲咗三四碗湯呀..(好彩醒目... 每餐食d 咋... 唔係肥爆咗!!!), 不過能夠順利地滿足到兩家人, 辛苦我一個又如何呢??? (老公仔要返工呀... )

哇... 今年唔可以再做逗利是的人真係好開心架.... 但冇法la...

嘻嘻．．．　媽咪親手做的年糕係最好味的．．．．(我係唔會食外面d 年糕... 除非係冇野食la... ^^)
食完飯... 我地仲一家人去咗行花市... 不過大埔的花市真係勁細囉!! 超快就行完... 冇癮呀!!!

▌美容 ▌Laneige Spring Collection - Ornament

今日兩個傻婆為咗唔想自己一個留o係屋企，又去出咗去行街啦...
首先，我地去咗YL行咗一個圈，買咗想買的東西(嘻嘻... 就係絲襪...)後，又冇咩地方去，就車去咗TM行下....
去襯TM 都好似好大獲咁.... 今次見到LANEIGE出咗SPRING COLLECTION... 哇.. 勁鍾意隻 LANEIGE Ornament Pact - eye shadow.. (深紫色/薰衣草/ 蜜桃/米白)，我諗係因為宋慧喬搽得好正掛... 本來諗住買埋o個支Dual Top Coat，但點知全線賣晒... so bad .... 希望會再出啦!!

↑ 最後經我個fd + sales 介紹下買咗勁多野... 勁傷.. (我指係錢包!!)
暫時唔shopping 住 la.... ^^

突如其來的... 獎品

今日返到公司就收到E-MAIL 話人人都有張擦擦咭... 哇.. 又會咁好O既??
諗住向來冇乜抽獎運的我... 多數都係"THANK YOU" 架啦... 點知... 呵呵.. 又俾我中咗wor... 後來發現中獎機會率係50/50...中咗都算係lucky 啦!! 雖然只係HK$150，但我都好滿足.. THANKS MY CO... (如果出BONUS 同加人工都咁闊佬就好LA~ )

↓ 可以同老公仔去睇戲啦... YEAH

放咗工，就同咗老公仔去睇電話... (叫咗佢換機好耐... )，最後佢竟然豪買呢部HTC HD2 wor... 真小見呀!! 攪到我都好心動想換手機tim.... 講笑姐... 我寧願買其他野啦!!

↑ 得閒問老公借黎玩咪得law... 唔洗自己擁有的...