單人相 @ YOUR Memory

話明係佢O既小回憶   梗係唔小得單人相啦! ♥

日日都影佢的話   早已知佢係一個唔影的小朋友

佢明知鏡頭係邊   卻刻意唔望呀~ 你叫佢望東，佢望西

完全唔會理你影唔影到   (好有個人Style... 激死!!)

今次佢係合作左，但都係唔鍾意望鏡頭

唔緊要  最重要影得佢開心自然就好了

今次冇刻意去諗組型啦!~  做返個小女孩吧! ♥

平時出街/屋企熱四辣辣  通常一定摘起晒d頭髮

係studio 就唔怕啦~  留下倩影都好

♥ 影左過百張中，我最鍾意呢張相 ♥

(主要係望鏡之餘仲笑得好自然)

呢張.... 影得佢好大個囡 ♥ 少女味出晒黎

好記得影到最後呢個look，小霸王佢問左一個問題

小:  媽咪，點解影咁耐o既? 幾時影完呀?

o個刻真係好好笑，唔知點答佢?

(我估下年佢會答我..... 唔想影!  點算好呢?)

♥ 回顧往日♥  
2015 - 個人照 @ YOUR Memory
2015 - 家庭照 @ YOUR Memory
2013 - 影樓拍攝 @ Vita Pixel 

Welcome to S.K.Y. Lovely Family

三人相 @ YOUR Memory

下個月我家小霸王就四歲啦!~

今年生日前同樣先送份小回憶俾佢

好讓佢自己將來可以睇返三歲十一個月時的自己

影相前  都頭痕左一陣

Outdoor? Indoor? Studio?

最後... 由爸B 決定.... Indoor @ YOUR Memory

(男人係咪個個都唔鍾意諗野架呢?)

我個人就冇所謂的，只要有得影就可以!! 哈哈!!

上年 YOUR Memory 的相片我好滿意

今年呢.... 當然都好鍾意啦! 

拍攝過程舒服輕鬆真係最重要

今次影相，小霸王開始與我搶爸B 啦!

明明 오빠（oppa) 爸B係我架嘛

 ♥ 佢居然話爸B係佢오빠?  ♥

(不過見到佢地咁Sweet, 我又好開心喎!!)

呢輯相除左係小霸王的小回憶   亦都係我地的大回憶

陪伴佢一起長大  不自覺地自己都一年比一年老啦!

真心希望自己繼續保持到身心美麗、健康!

   

♥ 回顧往日♥  
2015 - 個人照 @ YOUR Memory
2015 - 家庭照 @ YOUR Memory
2013 - 影樓拍攝 @ Vita Pixel 

Welcome to S.K.Y. Lovely Family

DIY ♥ 小香磚 ♥

近期真係小小愛上左DIY天然野

繼Bug off balm 後，哈哈~ 呢次係小小香磚

上網搵過好多分享，佢地多數都係用蜂蠟+ 硬脂酸

硬脂酸??? 我唔知係乜? 亦唔知係邊到有得買

最後見oil sis group 友分享... 唔係用硬脂酸

做法仲要係勁簡單，咁就試下先!!

材料: 

石膏粉，水，精油

** 份量要幾多?? 大約 4:3， 即係100g 粉, 75g 水  ** 

做法: 

1 & 2. 將水加入石膏粉，攪拌至粉溶晒

3. 倒入矽膠模具，待乾

4. 乾透後，取出。 

5. 在表面滴上喜歡的精油

6. 最後放入小紗袋就完成。

** 小提示: 精油味道冇晒，只要再滴上精油在香磚，就可以再用 **

係咪好好好.... 簡單呢?

至於用咩精油?  就要視乎咩用途

如果係驅蚊蟲，我會介紹

Lemongrass、Peppermint、Citronella、Purification

如果係放入衣櫃，我會介紹

Lavender、 Thieves、Lemon

♥ ♥ 用石膏粉做香磚，真係方便、便宜又環保!!  ♥ ♥ 

Welcome to S.K.Y. Lovely Family

笑笑小語錄 @ 46 個月

※【得意事例  (一)】※
曾經爸B同我講，小霸王會跟隨住唔同年紀而鍾意其他野..... 係... 冇錯! 但係....只係對某D 野囉! 小霸王對魚魚的熱愛好似只有增而冇減到囉......  

我:  BB，不如我地換衫出去行下囉!!
小:  好呀! 去邊到呀?
我:  唔!! 你想呢? 
小:  去睇魚魚啦!
我:  去邊到睇呀?
小:  去百佳又得，去街市都得架!
我:  ....................(乜小朋友唔係鍾意去公園玩多D 架咩?)

我:  BB，有你至愛呀!
小:  係咩? 睇下!! O... 大眼雞呀! 我最鍾意架啦!
我:  咁不如你揸住佢地俾我影相啦!
小:  好呀! 哈哈~
我:  ..................  (平時叫你俾我影，你SO都唔SO下我!)

♥   真係要好好記低佢有幾鍾意魚，等佢長大睇返.....  ♥

※【攪笑事例  (一)】※
某日晚上見小霸王靜靜地坐係地上，佢係到照顧緊佢的玩具BB，突然我有個諗法就問佢.....

我:  BB，第日媽咪60歲退休冇野做，不如幫你湊囡囉!!
小:  唔得
我:  吓? 點解呀? 我退左休冇野做好悶架!
小:  唔得呀!
我:  咁邊個幫你湊囡呀?
小:  阿嫲囉! 阿嫲湊囉
我:  ....................
我:  好呀! 咁我湊邊個呀?
小:  我囉!

♥   妒忌心咁重架? 真係俾佢笑死!  ♥

Welcome to S.K.Y. Lovely Family

DIY ♥ Bug Off 蚊膏 ♥

一到夏天除左要同陽光玩遊戲之外，當然唔少得要同D蚊蚊打下仗啦!!

今年仲多左隻叫做.... 蠓.... (細隻到你睇佢唔到囉! 痴線)

向來好惹蚊的我，生左個女同樣都係好惹蚊

我真係勁討厭D 蚊呀~ 瘙呀~ 昆蟲呀~ 

(可唔可以唔好跟住我地呢?)

搵唔到惹蚊的原因，就唯有搵方法去避開佢地

蚊水呀~ 蚊膏呀~ 蚊貼呀~ 蚊帶呀~  蚊機呀~

防得到的都用齊，但當然市面上大多數都有化學成份

用得多...... 對小朋友未必好，更何妨要日日用呢?

冇錯! 係要日日用呀?  

因小霸王學校附近周圍好多花花草草，再加上下雨天後更多蚊蟲

試過咬到手腳腫到一蚊硬幣咁大，仲要係幾處位置

♥ 你話點會唔心痛呢? ♥

於是.... 我就扚起心肝試下 DIY 蚊膏

呵呵~ YEAH!! 

材料: 

椰子油、杏桃核仁油 、乳木果油、蜂蠟 、精油

精油推介:

Citronella (香茅) 、Lemongrass (檸檬草)、Peppermint (薄荷)、Eucalyptus (尤加利)

作用:  驅蚊及驅蟲、止痕

Lavender (薰衣草)、Tea Tree (茶樹)

作用: 消腫、抗敏消炎

做法: 

 1. 把所有材料 (除精油)放進燒杯

2. 將燒杯以隔水加熱的方法一邊加熱一邊打攪拌至溶化

3. 稍為冷卻加入精油，再倒入容器，凝固後就可使用。

製作過程完全唔複雜架! 

經過我及家人/朋友的試用，大家都覺得好正，好有效!

Encore 再 Encore 

呢個蚊膏除左可以預防蚊叮蟲咬之外，

萬一唔記得左搽而俾蚊咬左後，都可以搽返，可以幫助止痕消腫。

咁正的蚊膏當然要同大家分享下啦!~

(有興趣/問題的話，不妨留言俾我，我好樂意解答)

♥  100% Natural ♥  100% Handmade ♥ 

Welcome to S.K.Y. Lovely Family

她與她的30條小錦鯉

....................................

....................................

....................................

....................................

真係唔知講乜好?? 

估唔到.... 最後我都係失手!  點解咁講? 

因為我覺得呢.... 養動物係一世的，唔可以玩玩下

所以... 由小霸王鍾意魚開始，屋企成日都會有人話買魚俾佢玩

玩?? 呢個Concept 唔得囉!!  我當然係"強烈反對"啦! 

而好彩佢地都打消左呢個念頭!

直至..... 近日大魔鬼肥舅父又出現

佢問都冇問，就攞左30條小錦鯉返黎 (佢老闆送俾佢)

而愛囡心切的爸B 又肯買小小設備喎

再加上係o係婆婆屋企養

完全係..... 冇得say no 的情況下   就唯有接受吧!

一星期小霸王只係見到佢地一、二日

平日又有專人打理 (大魔鬼肥舅父都好鍾意魚)

開頭我以為小霸王會勁攪d 魚

點知... 又唔係喎! 佢完全唔會打擾佢地，仲靜悄悄地望住佢地

係時候培養下佢有責任感都好喎!!

小錦鯉，你地要好好長大呀!! 

Welcome to S.K.Y. Lovely Family

幼兒芭蕾舞爵士舞班 Level 3

剛過去的星期六  係小霸王芭蕾學院的開放日

家長仲可以陪小朋友上課+觀課

雖然一年得一次機會，但我選擇左返工.... 唔去!! 

因為我知佢一定會怕醜唔跳俾我睇，所以我就叫爸B去

爸B將佢上堂的一舉一動拍攝下來

我可以睇相啦~ 睇Video....  (辛苦晒爸B)

只係睇Video 我都可以感動得眼濕濕 (想像唔到如果我有去,.. 我會點??)

真係大得好快呀! 唔可以話跳得好叻，但都叫做有進步!

見到佢好開心咁跳、好投入咁跳

相信佢真係好鍾意跳舞

話咁快又升班啦!!  LEVEL 3 要繼續加油呀!

明年就會分班... 到時唔知揀 『芭蕾舞』定 『爵士舞』 好呢?

回顧:

幼兒芭蕾舞爵士舞班 Level 2

學前芭蕾爵士課程 Level 1

Welcome to S.K.Y. Lovely Family