(╯_╰) 想你‧思念你 (╯_╰)

2013.08.13

『0813』對我黎講係個好有紀念的日子
還記得 1995.08.13 的下午
我第一次與牠相遇
牠只有一隻手掌大
好得意、好可愛、白雪雪的...

想不到已經是18年前的事了
而牠也離開6年多
時間真的不等人呀!!

**************************************************************仔仔:
我真係好掛住你!!
你有想我嗎??
與你緊握小手的感覺仍在,
是熱熱的。

你知道嘛? Myolie 跟我一樣很喜歡dog dog
如果你還在的話, 相信你會很照顧她
而她亦會很愛你!!

謝謝你!! 給我太多美好的回憶
我現在過得很好, 不用擔心!!

勿念!

媽咪

**************************************************************

☆ Expired?? Soon... ☆

▌ ☆ Expired?? Soon... ☆ ▌

午飯後

收到不名電話來電

原來係『再見寵兒』即係
仔仔的靈位又到期了

一直心裏記得的
是五月先到期
真... 善忘吧!!

唔緊要啦...
幸好佢地提我咋

…。…。…。…。…。…。…。 …。…。…。…。…。

諗一諗
即係咁就一年啦

冇心肝的我
原來一年冇探仔仔啦

真對不起!!

轉眼間
仔仔就走左7年多
而我就一年比一年懶惰
由個個月去探 -> 幾年月探 -> 一年俾錢時先探一次
我真係... 唔要得呀!!

不過我知仔仔佢一定唔會怪我
應該咁講...
佢都懶得理我

我有諗過...
不如把仔仔的骨灰... 土葬
但..
諗左好耐
都好似唔捨得咁....
因為土葬左... 就冇晒
最後留下來的... 都冇埋

唉...
又再俾我諗多諗先

三年前的今天....

三年前的今天.... 我失去了牠....
原來已經三年啦... 時間走咗，但係就冇帶走埋我的傷痛、我的思念... 我真的很想念牠 - 我的心肝寶貝。
唔知道佢O係天國的另一方正在做緊咩呢?? 有冇掛住我呢?? 幸福嗎??
我好想話佢知... 老公仔已經實踐我地三人約定的承諾啦... 我知道仔仔佢會好開心，因為媽咪嫁得出... !! 唔知仔仔有冇搵到女朋友仔呢??
仔仔... 好耐冇夢見你了... 媽咪今天特別住你呀... 好多話想同你講，但係唔知點解總是說不出.... .. 我真係冇用呀...
**************************************************************************
今晚我獨自一個食晚餐.. (因為老公仔返夜, 奶奶出左街) ，一個人咪o係屋企留下的美心隨便叫個石頭鍋飯食，一路食一路望下周圍... 見到好多人都係獨自一個食飯，當然以男人比較多，突然覺得好唔開心....
我在想... 爸爸每天都係自己一個食飯... 原來係好孤單架... 而我起碼都仲有奶奶陪下，(我諗我要多d 陪下爸爸食飯!!) 如果日日都自己一個人.... 唔知我會變成點呢?? 好強烈的失落感覺呀.... 我唔要呀...
未結婚前..我都唔係好怕孤單.. 點知結咗婚之後，好唔想自己一個人呀... (多麼的希望老公仔可以每天陪住我呀... 我知道冇呢個可能，而我亦唔想令佢唔開心!! 唯一辦法... 努力學習一個人吧!!)

↑ 美心的石鍋飯... 一般啦!! 多d kimchi 會好好多!! ^^

結婚開心程度

今朝睇報紙發現原來結婚開心程度... 女性係低於男性一倍，點解會咁架呢??

我唔知係咪真，但就好肯定結婚開心程度唔係我預期中咁多囉!!

我記得一年多前的我，懷著興奮的心情等待男朋友的求婚，點知... 不懂浪漫的他，只係輕率地問我嫁唔嫁，愛你的我又點會唔應承呢?? (只係心中有點可惜而已)

到開始獨自著手攪呢個婚宴之後，左煩下... 右又煩下、在雙方家長之意見不同下，煩惱就更加掩蓋左開心。唔係話我唔開心，只係感覺唔到又或者係唔識去開心。o個種煩惱已經將開心迫左埋一邊，慢慢地把唔開心拉左出來。

別人常問我婚期將近，心情係咪好緊張同興奮呢?? 我都唔知點答佢地.... 答佢地唔係.. 佢地又會反問我 .. 點解，但係答佢係... 又真係唔係ma... 講真@ 緊張係有... 但興奮就未有囉!!多愁善變的我，究竟點先可以令自己唔好諗咁多野而做個開開心心的新娘呢??

親子裝???

上星期同家姐行街街，見到呢件衫就好鍾意，跟住就問sales... 有冇小朋友??... 有wor... 梗係問下家姐俾唔俾先la.... 佢肯我先買架... 咁話晒親子裝多數係mummy 同女女或者daddy 同仔仔ka ma....

小豆兒佢見到件衫一樣...佢都好興奮.. 而我當然係... 開心到爆啦!!

↑ 得得戚戚的小豆兒最令我喜愛...

PS: 我地一齊著出街都有人以為我地係母女...(哇... 我都想.... 但做大姨會好D LAW...)，當我否認時，佢地的反應勁大... 仲反問我... 唔係母女仲乜著親子裝呀??? 佢地咁串... 我當然都勁串REPLY 佢地....『唔得咩??』

我地套親子裝就係O係呢到買... 唔算貴!!

http://www.cottoncandykids.net/index.php?gOo=shop.dwt

My Last Single Birthday

HE..HE... 因為工作令我太忙，時間又唔夠洗。攪到過咗成二個week 先有時間update下...

**************************************************************************

2009.08.06

因為第二日我會放annual leave，所以一班好好的同事就同我提前慶祝，真係好感動、好touch!!

↑ 估唔到個hair colour 會咁sharp... 但係個個同事都話好正!!

**************************************************************************

2009.08.07

今日我同男朋友仔一齊放假，目的係... 去新天地試衫 for 影我人生第二輯婚紗相 (我講到口水乾晒，連老脾都發埋，先攪掂咋... 不過真係好開心佢肯就我! )，我都唔係試咗耐，total 都係試咗10套以下，佢地的服務態度都ok，起碼唔會因為coupon而冇禮貌，真係好難得!! 而我亦幸運地成為其中一對最後o係九龍塘影樓試衫的新人，哈哈... 冇得再影室景，我都失望咗好耐架!! 不過~ 已成事實，冇得改變，唯有期待新影樓同外景會有新的feeling 吧!!

試完衫，我地就隨意行.... 又一城... 尖沙咀.... 行到累，我地就去咗"Marco Polo Prince Hotel" 食buffet... 提早慶祝我倆的生日..

唔... 味道一般啦!! 但款式真係唔係好多law... 唯一就係勁多人... (冇法LA... 想去的hotel 又full booking... 事但la!! 明年再去吧!!)

↑ 自制的窩夫加上美味的haggen dazs strawberry 雪糕... 勁正!!

↑ 好正的龍蝦... yummy

食到飽.... 當然要行下啦...

↑ 尖沙咀新景點.... 夜晚睇.. 真係幾靚o既!!

↑ 回望呢條廣東道... + 271 巴士... 我就會諗起... 六年前我同男朋友仔... 一個難忘的約會...

**************************************************************************

2009.08.08

今日我至愛的屋企人特別地o係大家姐屋企為我同男朋友仔慶祝生日，好耐都冇試過攪birthday party 啦... (對上... 好似o係18定19歲生日... 好耐啦!!)

↑ 由小豆兒送上的生日cake，i loving it...

↑ 好開心小豆兒能夠陪我渡過last single birthday...

**************************************************************************

2009.08.09

生日正日... 點過?? 好多人都咁問我.... 哈哈.... 好攪笑地話你地知，我地冇一齊... 點解?? 都唔可以話一齊o既???

o個日我地都有一齊去睇傢俬架!! 之不過夜晚... 就各自各返屋企咋ma... 哈哈... 好似好奇怪咁... 但又好似唔係...

唔緊要啦....

o... bye bye to my last single birthday!! and Happy Birthday to my honey!! 希望佢踏入三字頭會更加錫我、愛我、就我、最重要係愛錫自己身體呀!!

報告結果

今日收到姑娘電話話攞得report，心情立即變得好緊張，心諗... 點算呀??? 好驚呀!!
要面對的始終都要面對，唯有硬住頭皮去見醫生啦!!

唔知點解診所今日居然冇乜人，入到去等咗唔洗五分鐘就到我，醫生一個一個result 咁話我知，心跳就一下比一下快，到咗最後.... 佢話ok 冇事，所有result 正常 (哇... 我只係test 幾樣野姐... 都咁驚.. 如果全身check 晒咪... 真係唔敢想像!!)

醫生仲同我講：『你打埋支 HEP B 抗體，就可以安心生仔啦!!』 (真係俾佢激死呀... 我都係CHECK 定先姐... 冇話過好急要生... )

因為之前家姐同我講話... 打埋HEP A 仲好， 所以.... 我一次過打HEP A + HEP B 混合疫苗，哇... 唔知係咪打二樣野...感覺特別痛.. 而家右手臂仲有小小痳痺的FEELING!!

好彩下個月先打第二針，唔係真係唔洗打字!!

冇心肝的未婚妻

有時我覺得自己對男朋友的事唔係好上心，又或者咁講... 我對好多事都係後知後覺架... 點解咁話自己??

連我媽咪都發現得到的事，我居然係... "吓.. 又係wor!! "

我講緊的是.... 『男朋友戒咗煙』，同佢拍拖已經六年幾，叫咗N次佢都唔肯聽我講，事問我又點會上心呢??

O係剛過去的WEEKEND，媽咪問我.. 『佢係咪戒咗煙??』，我仲反問媽咪點解咁問，媽咪就話：『佢咁耐都冇食過一支煙，又不斷食薄荷糖，應該係啦!!』我先識問男朋友... 佢居然答我.. 『戒咗好耐啦!! (超.. 一個WEEK咋MA!!)』

我立即問佢仲乜唔話我知呀... 佢話咁小事.. 唔洗下下話我知...

吓... 我係你未婚妻WOR.. 哼.. 攪到我好似乜都唔知咁... 好冇用架MA.. 妨且.. 我等咗咁耐... 不過算啦... (好過唔知...)

好開心佢終於肯改變，雖然唔知佢係咪為咗我而改，但... 冇所謂啦!!

唔... 我諗我要送樣野俾佢做獎品.... 送咩好呢?? (最值錢O既我.. 就黎都屬於佢KA LA... (真係唔知個醜字點寫)，仲有乜野佢係想要呢??)

抽血.....

今日終於鼓起勇氣去睇開的醫生診所抽血啦!! (其實鼓咗幾日架la... 只係month end 我唔得+醫生又唔係成日係診所, 所以先等咗幾日!! )

對上抽血應該係入hsbc 前做pre-employed check up, o個次感覺唔係太好, 今次當然要怕啦!!

入去前仲扮有自信... 點知姑娘攞住二支針筒(大細各一), 我就打回原形啦!! 陳醫生明知我勁怕, 佢仲扮野諗下揀邊支...仲話佢打唔會痛... 好彩佢揀咗件細咋!!! 亦多謝佢抽得好好... 真係唔痛!! (佢知我唔痛... 就話自己pro law.....係啦!!)

唉...最快可能要星期三先知... 真係好想可以快d 知... 天呀... 希望結果係好吧!!!