笑笑小語錄 @ 47 & 48 個月

※【攪笑事例  (一)】※
自小小霸王係戒片呀~ 去大小便呀~ 呢方面都不錯! 佢係未試過賴尿 (我指瞓覺時)，點知.... 踏入四歲第一日早上就.... 俾左個surprise 我!

小:  媽咪
我:  咩事?
小:  媽咪，你快d 攞條毛巾入黎 (佢明明仲係房瞓緊? 咩事?)
我:  哦! (我以為佢飲完奶抺嘴? 抺汗?.... 咁我咪攞條沙巾就入房)

我:  仲咩事?
小:  媽咪你睇下? (佢坐左係我瞓個位, 再用手指向佢瞓的位置)
我:  哦... 你賴尿?
小:  (唔出聲... 低頭唔望我)
我:  算啦! 跟媽咪出黎換左褲仔先

♥  第一次賴尿... 見到佢唔好意思個樣真係好好笑!  (你的第一次要好好記下來) ♥

※【攪笑事例  (二)】※
天真的我諗住買副UNO教識小霸王陪我玩，點知.... 教識左就出事....

小:  媽咪，贏左可以錫啖爸B，輸左就唔可以
我:  (心諗... 你呢位小三，又想黎搶我老公? 哈哈~)
小:  知唔知道? 
我:  OK!

UNO 大戰結果係.... 我...慘敗! 十次.... 只贏得.... 一二次... 

小:  我贏左! 可以錫爸B，你冇得錫
小:  我又贏啦!! YEAH!
小:  媽咪，你輸左
小:  哈哈~ 媽咪，你又輸呀?
小:  I'm Winner! Mummy, you're loser!

♥  估唔到... 我會輸得咁慘... 諗住只係一晚運氣差，點知? 差到.... 晚晚都係咁! UNO Loser 非我莫屬  ♥

Welcome to S.K.Y. Lovely Family

笑笑小語錄 @ 46 個月

※【得意事例  (一)】※
曾經爸B同我講，小霸王會跟隨住唔同年紀而鍾意其他野..... 係... 冇錯! 但係....只係對某D 野囉! 小霸王對魚魚的熱愛好似只有增而冇減到囉......  

我:  BB，不如我地換衫出去行下囉!!
小:  好呀! 去邊到呀?
我:  唔!! 你想呢? 
小:  去睇魚魚啦!
我:  去邊到睇呀?
小:  去百佳又得，去街市都得架!
我:  ....................(乜小朋友唔係鍾意去公園玩多D 架咩?)

我:  BB，有你至愛呀!
小:  係咩? 睇下!! O... 大眼雞呀! 我最鍾意架啦!
我:  咁不如你揸住佢地俾我影相啦!
小:  好呀! 哈哈~
我:  ..................  (平時叫你俾我影，你SO都唔SO下我!)

♥   真係要好好記低佢有幾鍾意魚，等佢長大睇返.....  ♥

※【攪笑事例  (一)】※
某日晚上見小霸王靜靜地坐係地上，佢係到照顧緊佢的玩具BB，突然我有個諗法就問佢.....

我:  BB，第日媽咪60歲退休冇野做，不如幫你湊囡囉!!
小:  唔得
我:  吓? 點解呀? 我退左休冇野做好悶架!
小:  唔得呀!
我:  咁邊個幫你湊囡呀?
小:  阿嫲囉! 阿嫲湊囉
我:  ....................
我:  好呀! 咁我湊邊個呀?
小:  我囉!

♥   妒忌心咁重架? 真係俾佢笑死!  ♥

Welcome to S.K.Y. Lovely Family

笑笑小語錄 @ 45 個月

※【甜心事例  (一)】※
升上K1之後，小霸王明顯地改變左，原本佢係小港女而家叫佢幫手做下家務呀~ 執頭執尾呀~ 都一一好樂意地去幫你，就好似呢日我同佢去日X城買家居用品....

我:  BB，不如我地買兩個大膠箱返屋企執好你d玩具，好唔好?
小:  好呀!
我:  咁你揀下要邊款箱?
小:  唔.... 梗係 pink 同 hellokitty 啦!  my favourite 
我:  吓.... 我知.... 梗好啦! 買hellokitty箱你要幫我手執架!!
小:  唔! 好呀!
我:  我想買個噴壺，一齊去搵下有冇?
小:  都冇.... 應該賣晒啦.... 呢行又冇.... 我估真係賣晒...(一路行一路講)
我:  等我問下先  (問完人就搵到)
小:  哦! 原來係呢到! 好啦... 買完啦! 返屋企啦!

♥   為左鼓勵小霸王"自己的事自己做"，暫時..... 都係用物質去滿足，但就唔會買太貴 ♥

※【得意事例  (一)】※
有時我真係好鍾意陪小霸王睇書書，哈哈.... 鍾意陪睇的原因並唔係本書的內容吸引，而係..我身邊呢位小朋友的表情動作真係好鬼得、好誇張下..... 說故事我不在行，我比較鍾意透過食物 / 動物 / 物品圖片去令佢多講多聽多睇.... 生動D嘛!

我:  BB，不如我地講一D 特徵，再估下對方扮緊書中咩動物，好唔好? 
小:  好呀!
我:  It is yellow. It has long neck. 
小:  Giraffe
我:  Bingo! How to spell Giraffe?
小:  G-I-R-A-F-F-E (當然係Open book 啦!)
我:  Very good.  Your turn
小:  It is green in colour.  It can bite you and you are so scared (仲要扮埋震顫咁(下圖)
我:  S-N-A-K-E snake
小:  Bingo

♥   呢D 咁得意的表情，相信書本中一定冇，係咪.... 好吸引呢? (戀囡ing....) ♥

Welcome to S.K.Y. Lovely Family

笑笑小語錄 @ 44 個月

※【甜心事例  (一)】※
上次整芒果糯米飯+韓式拌飯時，多得我家小霸王幫忙碌記下要買乜，唔係一定買漏野......

我:  BB，我地今日要買好多食物，我話你知我要買乜，你提下我好嗎?
小:  哦! 好呀!
我:  我地要買芒果、糯米、椰漿整芒果糯米飯，仲要買牛肉、豬肉、芽菜 、菠菜、甘荀整飯
       (望住我張手寫紙讀左一次俾佢知)
小:   哇.... 要買好多野喎!! 
我:  係呀! 所以你要提提我呀! 唔該晒
小:  咁我地快D去買啦! 

♥   小霸王的記性真係俾我預期犀利，佢真係一路行一路提下我有乜買，以芒果糯米飯的材料佢最記得，佢到而家都仲記得...... (成日都話整芒果糯米飯我食) ♥

※【甜心事例  (二)】※
事緣某日在XX 樂園中左部玩具琴，琴上面印左數字音 (1234567)，仲附上一張電子琴譜，咁我就教小霸王彈下，琴譜得2首佢識的兒歌 (Happy birthday & Are you sleeping) ，估唔到只係教左佢一晚，佢第二晚已經可以唔洗睇琴譜就彈到o個2首歌....OMG..... 見佢咁有興趣彈就上網搵下有咩簡單兒歌，最後我印左接近十首俾佢 (放心.... 未識晒，哈哈!) 但係....每晚佢都....

我:  BB
小:  媽咪，你返黎啦!!我:  係呀! 錫啖先
小:  媽咪，你今晚有咩新琴譜俾我呀!
我:  BB，你都未識彈晒，同埋都冇咁多琴譜
小:  我識彈好多歌啦
我:  我知呀!識彈晒迫先再搵啦!

♥  唉! 每晚放工唔再係迎接我..... 係迎接新琴譜???  都係時候諗諗.... 係咪俾佢學下彈琴? ♥

※【甜心事例  (三)】※
雖然小霸王近期外表同衣著上似返左小小小.... 女仔，但係佢本質都....係男人頭多D，粗粗魯魯咁 (完全似晒我)，所以佢特別鍾意親親大自然..... 一有機會俾佢，佢一定唔會放過... 淋花!

小:  媽咪，我可唔可以淋花呀!
我:  可以! 不過要小小水咁淋架!
小:  哦! (奸笑樣)
我:  BB，你唔好淋咁多水，佢會死架!
小:  唔好架! 我淋水俾佢，佢會長大架! 
我:  要淋水，但唔好太多水
小:  淋水，佢就會長花。 (佢對住D植物講: 我淋D水水俾你地，你地要乖乖長大呀!)

♥ 哈哈!  真係笑四我啦!!  佢完全做到"教草"咁款 (Copy我"教囡") ♥

※【甜心事例  (四)】※
有天去左西九長廊，見到好多漁船，我就不期然問返小霸王記唔記得數天前同姨媽一家去左綠田園玩過的船仔，佢話記得....

我:  BB，你記唔記得你自己楂船仔?
小:  楂船仔? 
我:  係呀! 用手仔前後楂船仔呢?
小:  哦! 係呀!
我:  咁你記唔記得你架船仔幾多號?
小:  媽咪你講先?
我:  我梗係記得啦! 29 號嘛!
小:  叮! 你答岩左，係29 號。 咁你記唔記得家姐架船仔幾多號?
我:  吓?? 我唔知喎? 我冇留意
小:  咁你估下啦!
我:  8號?
小:  dodo....你答錯啦! 係 3號!
我:  吓? 真係? 
小:  係呀! 咁細佬呢?
我:  我都冇留意到
小:  咁你估下啦!
我:  4號?
小:  dodo....你答錯啦! 係 10號!
我:  係咪架??? 
小:  係呀! 肯定係! 
我:  咁我信你啦! 
小:  我實答岩架!!

♥ 哈哈!  小霸王的自信心同記憶力真係好強勁!! (我返屋企睇下d 相... 發現真係答岩晒) 估唔到佢對某些事情俾大人更加留意，點解咁講?? 因為我有問返當日都有份去的姨媽/細姨/婆婆佢地記唔記得? 最後.... 佢地係一個都答唔中......  ♥

Welcome to S.K.Y. Lovely Family

笑笑小語錄 @ 43 個月

踏入3歲半後，我眼前的小妹釘俾我的感覺係成熟左好多
開始更堅持自己的主見、貪靚左、怕醜左、多愁善變左......
真係唔多想佢咁早熟.... 做回天真的小妹釘，可以嗎??

※【甜心事例  (一)】※
每朝我最愛的時間就係..... 幫佢扮靚靚返學，小霸王從小就唔多肯剪頭髮 (好彩頭髮長得唔多同慢)，返學時我會盡量幫佢梳起晒，唔想佢頭髮亂亂咁返學。 呢日整好頭，見佢個樣好得意就.....

我:  BB，俾媽咪睇下靚唔先?
小:  (望一望我)
我:  BB，你好得意，擺個POSE俾我睇下
小:  (古靈精怪樣)
我:  BB，擺個七分面黎睇下
小:  (諗一諗，做左個 7字手勢再放係面旁)

♥ 哈哈!  真係好標準的七分面，笑四我啦!! ♥

※【攪笑事例  (一)】

話說小霸王呢期都肯油下顏色，但就要我陪佢一齊油，叫我油佢o個d 公仔真係有點兒悶囉! 多得sandy姨姨割愛，讓我擁有第一本secret garden & cafe (又真係幾好油)... 點知..有晚...

小:  媽咪，我唔想油o個d (佢自己的圖畫簿)

我:  下，唔得架，媽咪油，你都要油架

小:  媽咪，我想油secret garden呀

我:  下，好難油架喎!

小:  本secret garden 係我架!

我:  唔係喎! sandy姨姨俾我架!

小:  secret garden 係我，cafe o個本先係你架!

我:  係咩?

小:  係呀! 你油cafe啦!

♥ 真係俾你激四呀! 你都只係鍾意 secret garden 其中一頁的魚魚姐 ♥ 

※【攪笑事例  (二)】

話說呢日要同小霸王去芭蕾總校考mock，由屋企去奧運站最快當然係坐西鐵啦! 不過呢個小妹釘..就由出門口講到落車.....(精力旺盛)

小:  媽咪，我地去邊到呀?

我:  我地去奧運站

小:  坐西鐵?

我:  係呀! 我地係南昌轉車去奧運站

小:  南昌轉車呀! 要坐幾多個站呀?

我:  你自己試下數下

小:  朗屏、元朗、錦上路、荃灣西、美孚、南昌， 六個站就到呀?

我:  o岩啦!  咁你到南昌叫我落車喎!

小:  好呀! 

** 佢每停一個站就提我仲有幾多站落車，到南昌時就拖住我手叫我落車，哈哈! 超窩心!~  點知好小坐港鐵的我.... 以為去奧運係坐東涌線..... 好彩.... 未上車就發現錯左...

我:  BB，爸B教過我地東涌線行邊到架?

小:  落左車直行最遠囉!! 行去 3 號線，唔好行錯!

我:  E...唔係喎!! 奧運站唔係往東涌架喎! 我地行錯左，我地應該往香港

小:  吓!! 往香港?  咁要行去 2 號線架喎!~

我:  係呀! 媽咪蠢左

小:  哈哈哈~ 咁我地坐幾多個站先到奧運站?

我:  一個咋!!

小:  奧運站英文係咩呀?

我:  Olympic!  BB，你要幫手記住點去奧運站呀! 媽咪冇乜記性

小:  哦!

♥ 多得我家呢個每事問的小妹釘咋，唔係大檬的我真係..... 好易迷路! 唉! 未生前認路都唔差的我，而家居然....... 點算呀! ♥

近排小霸王的口頭蟬越來越多，有D仲好攪笑... 

♥ 唔得咁架! ♥   (扭計、發脾氣時聽得最多)

♥ 我要媽咪呀! ♥   (扭計、發脾氣時聽得最多)

♥ 媽咪抱抱 ♥   (扭計、發脾氣時聽得最多)

♥ 我最鍾意媽咪架啦! ♥   (每朝早起身佢就會冧下你)

♥ 媽咪，你今日洗唔洗返工呀? ♥   (每朝早起身佢就會冧下你)

♥ 我做完功課啦! 我要去返工啦! ♥   (每晚都會)

♥ 媽咪你做得好好呀! 俾張貼紙你 ♥   (間中陪佢玩玩具時)

♥ XX你做得好好呀! 我地一齊俾D 掌聲佢 ♥   (間中陪佢玩玩具時)

♥ 要分享架! ♥   (見到佢想食的食物)

♥ 咁咪 O MY GOD 囉! ♥   (呢排好多時都聽到... 走左巴士呀? 漏左野呀?) 

♥ It's so CRAZY ♥   (見到d 奇怪野)

♥ It's so cutie ♥  (見到d得意野)

♥ I think so too ♥   (我講時佢就跟住講)

♥ My favourite ♥   (見到粉紅色)

Welcome to S.K.Y. Lovely Family

笑笑小語錄 @ 42 個月

笑笑小語錄: 

※【甜心事例  (一)】※

新年前梗係要去買下新衫啦~ 今年我家小霸王終於都可以參與下，佢的任務除左佢自己之外，就係要提我幫爸B入貨，你話幾重要呀佢，估唔到佢又真係記得喎~ 仲好有成功咁感 ♥

我:  BB，你去幫爸B揀底底，咩款咩色任你揀，但要XL架!

小:  哦! XL呀!  

跟住佢就隨佢心揀.... 仲揀得好開心，一路揀一路講 XL.. XL.. XL，揀完之後，我就叫佢同爸B回報

小:  爸B，我幫你揀左底褲啦!

小:  爸B，靚唔靚呀?

小:  爸B，你鍾唔鍾意呀?

♥ 佢的聲浪仲要係好好好大聲，真係笑爆嘴 ♥

※【攪笑事例  (一)】※

話說小時候的小霸王係唔敢騎膊馬的 (佢係細膽型)，見佢近排開始有所轉變，就俾佢試下，點知.... 佢居然唔反抗仲好鍾意 ♥ 但係我就....換來....

小:  媽咪，你睇我幾高!
小:  媽咪，你好矮呀! 我同爸B 都好高呀!
小:  媽咪，點解你咁矮o既? (我心諗: 你去問婆婆啦!)
小:  媽咪，爸B抱我可以掂到樹葉，咁你抱我呢?  (我答: 我抱你可以撳到Lift lift 囉!)

 ♥ 童言無忌... 我明我知.... 但真係有d hurt 架! 我承認 5尺多dd的我真係好矮，但我都唔想架，我都想有長腿，奈何..... 哈哈! 得啦! 俾你倆父女高晒佢呀~ ♥

※【攪笑事例  (二)】※

很喜歡與小霸王一起做佢喜歡的事，新年前梗係要換過 D 揮春啦! 由小霸王一手包辦，佢負責揀、負責貼....

我:  囡呀! D 揮春貼係邊到好呀?

小:  唔! 梗係貼係我地房門啦!

我:  吓?  我地房門已經貼晒你D野啦喎! 冇位啦!

小:  有位架

我:  你自己去睇下點貼啦!

我:  不如大o個d 貼係嫲嫲房門，細o個d 貼係我地房門啦!

小:  好呀!

小:  媽咪，你睇下幾靚!

我:  係喎!! 

小:  沂沂最鍾意魚架啦!

我:  我知道

♥ 長期對住d 魚，真係..... 令我有種活在海洋世界中，救救我吧  ♥ 

Welcome to S.K.Y. Lovely Family

笑笑小語錄 @ 41 個月

笑笑小語錄: 

※【甜心事例  (一)】※

女仔真係女仔，窩心的行為真係特別多，今次係煮野你食♥

小:  媽咪，你想食乜呀? 我煮你食啦!

我:  吓? 好呀! 等我諗諗先

小:  食魚好唔好呀?

我:  好呀! 

小:  食乜魚呀你想?

我:  唔.... 冇所謂啦! 你決定，我咩魚都食

小:  咁食石班好唔好呀?

我:  好呀! 你點煮呀?

小:  唔!! 石班 cook with tomato 好唔好?

我:  吓? is it yummy?

小:  Yummy架!  你仲想食乜呀?

我:  Broccoli cook with squid

小:  OK! 

我:  How about you, baby? what do you like?

小:  I like octopus cook with squid 

我:  Octopus cook with squid? need to add some vegetable?

小:  Yes! add carrot

我:  Add carrot? anymore? 

小:  Add some corn

我:  Is it yummy?

小:  Yes, so yummy!

*** 係小朋友的世界裡，好似乜都煮得到，真係好得意!  ♥

※【甜心事例  (二)】※

小霸王越大嘴巴就越甜.... 有時係甜到你.... 漏晒囉! ♥

小:  媽咪，你最鍾意布甸狗

我:  係呀! 

小:  咁你鍾意我多D定係布甸狗多D 呀?

我:  你話呢?

小:  而家係我問緊你喎! 

我:  梗係你啦! 媽咪最鍾意沂沂! ♥

小:  到你問我

我:  咁你鍾意媽咪多D定係魚魚多D?

小:  媽咪多D!  我最鍾意媽咪架啦 ♥

** 能夠擁有一個甜嘴巴的女兒，真係不錯架  ♥ 

※【激氣事例  (一)】※
呢位小港女唔知係咪平日俾佢人寵慣左，所以佢都幾自我:『佢話一你唔准話二』。 但呢句話用在我身上係無效的.... 呵呵~

小:  媽咪，我唔食米粉，我淨係食魚蛋咋
我:  唔得
小:  我淨係想食魚蛋咋
我:  你食一啖米粉先
小:  唔得咁架
我:  咁呀? 唔食米粉連魚蛋都唔好食囉
小:  唔可以.... 我都話唔可以咁架
我:  一係你就食一啖米粉先，唔係就乜都唔洗食
小:  ........... 咁我食一啖米粉啦!
我:  好! 咁咪乖囉!

*** 小朋友長期都會挑戰父母的底線，所以要適當時候堅守我的底線，哈哈~

Welcome to S.K.Y. Lovely Family

笑笑小語錄 @ 40 個月

話咁快我家的小霸王就踏入4字頭..... 係 40個月大先真， 哈哈~♥

Happy 40 months old, My Sweet Baby

4字頭大日子就黎"報下數"先~ 嘻嘻~

身高:   95cm (自己度)

體重:   30 lbs (半年來都保持住呢個磅數附近)

腳長:   15cm (25碼)

尺碼:   日本 100-110 / 韓國 7-9 

數字上好似唔係太大轉變，但企係我身邊 / 抱住佢就知道自己....力不從心啦!!

(媽咪真係好鍾意抱你，可惜自己力量比以前弱 ♥)

****************************************************************************

笑笑小語錄: 

※【甜心事例  (一)】※

小霸王自細都好鍾意唱歌，之前會一邊彈琴一邊唱歌。到近期，新手入左個結他仔俾佢之後，佢就更加鍾意自彈自唱，私心的我最鍾意佢唱一首屬於我的歌，歌名係『我愛媽咪』

歌詞:

♥ 我愛媽咪，我愛媽咪，

♥ 媽咪的笑容最美麗，

♥ 每天帶我到公園遊戲，

♥ 親愛媽咪我愛妳。

** 見到佢甜甜的自彈自唱屬於我的歌，想話唔冧四都唔得啦!! ♥

※【甜心事例  (二)】※

自從愛上精油後，小霸王每日/晚都會問我搽唔搽油油? Diffuse 咩油等... 呢個已經成為佢一個小小習慣，不錯!!  而因為佢鍾意用，有時我都會俾佢自己搽下

我:  BB，今晚Diffuse 咩油油瞓覺呀?

小:  唔! Peace & Calming

我:  呢隻又貴又成日冇貨，用第二款得唔得呀?

小:  咁 Lavender + Orange啦! 好好瞓架!

我:  好呀! ♥

※【攪笑事例  (一)】※

呢個apple pie 玩具，佢玩都開始有d悶啦! 呢日.... 小霸王將呢個玩具改左小小玩法，同樣地係以分顏色玩，夾出相關顏色的水果放到適當的位置，不過就以精油名字介紹..... 笑四我

小:  Mummy, you first

我:  OK, I got Lemon

小:  I got RC, Mummy, what come next?

我:  I got Cederwood

小:  I got more Cederwood, OK

我:  I got Lemon

小:  I got more Cederwood

我:  More Cederwood? I got RC

小:  I got more RC too

我:  I got Cederwood

小:  I got more RC too

我:  I got Peppermint

小:  You got more Peppermint? I got more RC here.

我:  I got Lemon

小:  I got more RC too

我:  Haha... I got Orange

小:  I got more RC too...

** 我真係笑到肚都痛囉!!  佢真係一個小精油迷，佢能夠記得油樽色，油名....  ♥

※【攪笑事例  (二)】※

之前見一田大減價就買左套ABC 印仔俾小霸王玩，仲可以等佢記下D，佢真係好用心地跟住書印字架! 不得不俾佢乖佢，之但係.... 呢....佢... 串耐左就開始玩啦....

小:  媽咪，你好乖，我俾印仔你
我:  哦! 咁我有幾多個呀?
小:  唔~ 俾5 個印仔你啦!  因為你做得好好
我:  多謝你

*** 哈哈! 因為學校有個印仔獎勵計劃，所以屋企而家都有個印仔獎勵，估唔到唔係佢有印仔，係我有印仔姐....  ♥

Welcome to S.K.Y. Lovely Family

笑笑小語錄 @ 39 個月

笑笑小語錄: 

【攪笑事例  (一)】
話說之前參加 Sandy 姨姨的註冊儀式，好奇的小霸王每事問，真係好好笑...

小:  媽咪，Sandy 姨姨係到做乜野? (準備開始律師見証)
我:  Sandy 姨姨，準備註冊結婚囉! 所以我地唔准出聲呀!
小:  吓? 點解呀? 唔得咁架!
我:  she...唔好咁大聲，我地要細細聲先得
小:  Sandy 姨姨，係到做緊乜呀? 佢地做緊乜呀? (讀緊"我願意"... 點解釋你聽好呀?)
我:  she... 結婚囉! yeah! 我地拍手手先!
小:  yeah! yeah! (佢勁開心地拍手)

小:  Sandy 姨姨，又係到做緊乜呀? (準備交換戒指)
我:  戴戒指囉! 
小:  媽咪，咁沂沂隻戒指呢?
我:  .......
小:  沂沂冇戒指戴喎!
我:  唔! 一陣媽咪同你去買，好唔好?
小:  好! 

** Sandy 姨姨的註冊儀式原本就只有感動的一刻，多得小霸王場面變得更開心、更攪笑，好彩佢地冇錫錫，唔係我都唔知點解答佢好? 哈哈~ **

 【甜心事例  (一)】
某天晚上，食飽飯我就入房換床單，小霸王又跟埋入黎 (佢話幫手喎!)，見佢咁積極我梗係樂意俾佢一齊做啦! ~ 點知做完之後.....

我:  BB，唔該晒你!  你可以出去玩玩具
小:  ...... 媽咪，你收埋好多玩具架!
我:  ...... BB，你又知我收埋左好多玩具o既?
小:  係，媽咪你收埋好多玩具

在廳的爸B 聽到對話，佢又加入
爸:  係呀! 媽咪真係收埋好多玩具係衣櫃架!  你入去搵下!
小:  衣櫃都冇!
爸:  有呀! 你搵清楚!
小:  冇呢! 衣櫃都冇!

我:  係! 媽咪真係有禮物，你想唔想要?
小:  要呀!
我:  咁你而家Clean up 好晒你玩完未收拾的玩具先啦!
小:  哦!  (九秒九地左收拾右收拾，好快就完成)

入到房俾佢係衣櫃中搵到佢想要的禮物，本來諗住遲小小先送俾佢

我:  BB，收到禮物要講乜架?
小:  Thank you 媽咪
我:  仲有爸B 呢?
小:  Thank you 爸b

** 有左呢個小測試，相信我地可以實行"獎勵計劃"，諗下有乜要佢做先? 要佢改先?

【攪笑事例  (二)】

有晚，我陪小霸王做完功課，就獎勵下佢可以貼下貼紙 (我就繼續簽手冊)，點知...一擰轉頭就見佢.....

我:  BB，你係到做乜呀?

小:  我係到"痴"鬍鬚囉!

我:  吓! 仲乜"痴"鬍鬚?

小:  我想要鬍鬚嘛!

*** o個刻真係笑四我! 要鬍鬚黎做乜呢? 你大個就會明白 ***

【攪笑事例  (三)】

某日下午，小霸王見到公公去飯枱上攞粟米食，跟住佢又邊行邊講咁去攞粟米食...

小:  E... 我又食粟米先 (細聲得黎足夠讓我知道)

我:  哦! 你咪食囉!  你就咁食呀?

小:  係呀! 粟米梗係咁咬黎食啦! 

我:  你呢排唔係唔多鍾意食粟米架咩?

小:  唔係呀! 

我:  咁你唔係 met 粒粒食?

小:  粟米要咁咬住黎食架!

我:  ...... 哦! 你鍾意啦!

佢食粟米o個樣真係好cutie ，忍唔住要影低佢  (戀囡狂... 就算佢乜樣都覺得好cutie ♥_♥)

小:  吓! 人地食粟米個樣都好影o既?

我:  咁你食粟米時個樣好得意嘛!

小:  吓?..... 影一張夠啦! 唔好再影啦!

我:  一張咁少，俾我影多幾張先啦!

小:  影人食粟米，你咁攪笑o既!

我:  ..................

*** 吓! 影張相都要 approve?? 唔係嘛! 做人媽咪真唔容易呀!~♥ ***

　

【硬頸事例  (一)】

由 BB 仔開始，小霸王已經唔鍾意剪頭髮，髮型師無論係男定係女，佢都一一拒絕 (用爆喊黎嚇退人，係! 佢次次都成功)   冇計! 咪唯有由我黎剪啦!  近呢幾次幫佢剪，佢都已經開始拒絕，但我堅持唔得，佢都肯俾我剪。點知最近呢次.... 軟硬兼施都唔得，最後選擇順佢意...

小:  媽咪，我唔剪頭髮呀! 

我:  唔得呀! 前面D頭髮太長"吉"眼睛

以下係佢唔受控制下..... + 爆喊下的說話

小:  我都話唔剪頭髮囉!  

小:  都話唔剪頭髮囉!  剪頭髮唔o岩架!

小:  我唔想剪頭髮呀!

小:  唔准剪頭髮呀

多次嘗試... 多日嘗試.... 多星期嘗試.... 最後....

我:  你真係唔剪頭髮?

小:  係! 我唔剪頭髮

我:  你要留長頭髮?

小:  係呀! 

我:   唉!! 咁好吧! 

*** 相信 ♥ 可愛的齊陰冬菇頭 ♥ 短期內都唔會出現架啦!~ (掛住的話... 只好睇相吧)  冇左齊陰頭，感覺上多左少女味道，小左bb樣.... 有誰可以話我知，佢幾時先俾人剪頭髮呢? ***

【甜心事例  (二)】

向來只會對住我先會嘴甜的小霸王，而家大左，識多左.... 嘴甜對象開始多左... 家中三位佢的小粉絲 (6299+爸B) 早已俾佢冧到暈左，估唔到.... 一向對佢都好嚴肅的婆婆..... 都..... 唉! 真係唔夠佢玩...♥

婆:  乖孫，婆婆個新髮型靚唔靚呀?

小:  靚呀! 好靚呀!

婆:  咁婆婆靚唔靚呀?

小:  靚

婆:  咁婆婆靚D定公公靚D?

小:  婆婆囉!

婆:  咁媽咪似婆婆定公公?

小:  媽咪似婆婆囉!

** 你話係咪好甜呢?  俾我都冧四啦!  ♥ ***

Welcome to S.K.Y. Lovely Family