四歲生日♥ 迪士尼之約會♥

差不多兩年冇入迪迪尼啦!~  真係有D掛住呀!~♥

(冇計..... 真心唔想入園只係為左排隊~ 又排隊~ 再排隊...)

今年肯入去，主要係因為小主角想去，咁就冇得避

由答應佢那天起，佢間中都會提下你，驚我地唔記得

直到生日那天，我一早六點左右起床..... 擔心... 下雨了! (仲要係黃雨+雷暴)

點算??? 點算??? 突然.....小霸王起左身出黎

小: 媽咪，今日係咩日子?

我:  我知呀! 我記得! 你生日囉!

小:  我生日，去迪士尼呀! 

我:  唔..... 落好大雨呀!

小: 唔怕，擔遮咪得囉!

我:   吓.... 咁我地等多一陣睇下天氣先...

見佢滿心期待、滿心歡喜咁

為左唔想佢失望，九點幾時見開始停雨我地就即刻出發

OMG... 估唔到落雨天的迪士尼都可以咁多人

我估係STAR WAR Promotion 就黎完 (15-07-2016 end)

我地都係買promotion price HK$1302 (包三張入場劵) 入場

買完飛入場時已經十一點啦~

第一時間去睇新野 ~ 迪士尼魔法書房

新故事有藉口叫爸爸入去睇

(對上"金裝"睇左一次後，冇再入去啦~ >_<)

轉左新故事，又真係好好睇喎!! 

連平時睇野三分鐘熱度的小霸王，全程都冇話要走

睇完之後，就去玩..... 小霸王最愛....轉到你暈的旋轉杯

呢兩位笑到咁開心的人..... 真係唔會放過我囉!!

再黎.... 梗係要玩.... 小熊維尼

勁多人.... 所以架車.... 跳得勁快

玩左一輪休息下先，見個天都好光，太陽都出來!

周圍影下相

點解?? 會冇左個巴斯光年?? 幾時冇架?? 

連揸車車都冇埋??  (真係out 左)

巡遊前.... 食左late lunch 先!

簡簡單單的.... 食hot dog! yummy!

食飽飽就去BABY ROOM 換套衫先

真係又濕又熱

巡遊... 唔知點解睇完又睇都咁鍾意睇!

睇完巡遊，又係時候入返冷氣地方

玩完迷離莊園，膽小的小霸王完全唔肯玩反斗奇兵大本營D 野囉!

我:  玩跳降傘啦

小: 玩乜架? 唔玩

我: 唔洗驚... (指俾佢睇)

小:  我唔玩呀! 我唔想玩呀! 

我:  唔洗驚，試下啦!

小:  我都話唔玩囉! 我唔想玩呀! 

我:  咁呀! 咁不如玩彈弓狗?

小: 上次咪玩過囉!

我: 你想玩都可以再玩架!

小:  唔玩啦! 玩過啦!

就係咁.... 冇得玩.... 佢媽咪我.... 唔多高興囉!! (哈哈~)

唉! 咁就去睇我最鍾意的 3D米奇幻想曲

一早知佢唔鍾意戴超，諗住講定俾個心理準備佢會好D...

點知都係....... 全程唔肯戴... 最後.... 咪好似第三張相咁睇足全場

但就係我幫佢揸住囉!! 激死人....

繼旋轉杯後，小飛象佢都玩得好開心

全程係最高點.... 佢想仲高D....

(可唔可以話俾我知..... 點解小飛象咁高你又唔驚? 降落傘你又怕咩呢?)

不知不覺，身心都玩到好疲累，係時候要Shopping 下啦!~ 

錫到佢濃的爸B 簡直係任佢揀囉!! (不過就只可以揀一樣野)

原本以為佢會揀NEMO..... 點知佢.....

最後係揀左Ariel! ♥ (女仔真係女仔)

揀完禮物，諗住睇夜間巡遊

點知.... 天公不造美，落雨....

夜間巡遊宣布"取消".... o... 好失望!  唯有提早回家吧!!

去一日迪迪尼.... 真係累到冇朋友呀!

回顧: 

2nd Visit

1st Visit

Welcome to S.K.Y. Lovely Family

四歲生日♥ 我的生日會♥

上年仲係一舊小飯團  唔係好記得自己幾時生日

今年..... 就好大唔同啦! 

由年頭開始提下你.... 年中又提下... 到六月左右.... 

一經過餅店就提我佢生日要訂蛋糕架!

踏入六月尾.... 正式開始佢的生日月

學校生日會♥~ 舊曆生日♥~ 迷你生日會♥~ 新曆生日♥~ 

♥ 今次真係完全feel 到佢有幾開心、幾滿足 ♥

♥ 舊曆生日♥

好多人會問..... 仲乜買布甸狗?   哈哈~

私心的我等唔切自己生日食.... (怕停售嘛!)

而且.... 小霸王話自己都有小小鍾意♥布甸狗架!

♥ 迷你生日會 ♥

本身諗住唔攪，因為太辛苦，但最後又係婆婆命令下要攪囉!

今次都係細攪自己整野食

主題.... 唔再係小丑魚.... 係近期最愛 ...HelloKitty

除左主題..... 全部禮物都係..... HelloKitty

真係好感謝大家對小霸王的愛錫及祝福!

Happy Birthday to my little princess 

願你  每天都開開心心、幸福快樂、身體健康!

Terrible 3 過左..... 即踏入.....horrible 4 ??

真係唔敢想像! 希望唔會啦!! 哈哈~

至於 ♥ 新曆生日♥~ 就留待下一篇吧!!

回顧:

三歲生日

二歲生日

一歲生日

Welcome to S.K.Y. Lovely Family

單人相 @ YOUR Memory

話明係佢O既小回憶   梗係唔小得單人相啦! ♥

日日都影佢的話   早已知佢係一個唔影的小朋友

佢明知鏡頭係邊   卻刻意唔望呀~ 你叫佢望東，佢望西

完全唔會理你影唔影到   (好有個人Style... 激死!!)

今次佢係合作左，但都係唔鍾意望鏡頭

唔緊要  最重要影得佢開心自然就好了

今次冇刻意去諗組型啦!~  做返個小女孩吧! ♥

平時出街/屋企熱四辣辣  通常一定摘起晒d頭髮

係studio 就唔怕啦~  留下倩影都好

♥ 影左過百張中，我最鍾意呢張相 ♥

(主要係望鏡之餘仲笑得好自然)

呢張.... 影得佢好大個囡 ♥ 少女味出晒黎

好記得影到最後呢個look，小霸王佢問左一個問題

小:  媽咪，點解影咁耐o既? 幾時影完呀?

o個刻真係好好笑，唔知點答佢?

(我估下年佢會答我..... 唔想影!  點算好呢?)

♥ 回顧往日♥  
2015 - 個人照 @ YOUR Memory
2015 - 家庭照 @ YOUR Memory
2013 - 影樓拍攝 @ Vita Pixel 

Welcome to S.K.Y. Lovely Family

三人相 @ YOUR Memory

下個月我家小霸王就四歲啦!~

今年生日前同樣先送份小回憶俾佢

好讓佢自己將來可以睇返三歲十一個月時的自己

影相前  都頭痕左一陣

Outdoor? Indoor? Studio?

最後... 由爸B 決定.... Indoor @ YOUR Memory

(男人係咪個個都唔鍾意諗野架呢?)

我個人就冇所謂的，只要有得影就可以!! 哈哈!!

上年 YOUR Memory 的相片我好滿意

今年呢.... 當然都好鍾意啦! 

拍攝過程舒服輕鬆真係最重要

今次影相，小霸王開始與我搶爸B 啦!

明明 오빠（oppa) 爸B係我架嘛

 ♥ 佢居然話爸B係佢오빠?  ♥

(不過見到佢地咁Sweet, 我又好開心喎!!)

呢輯相除左係小霸王的小回憶   亦都係我地的大回憶

陪伴佢一起長大  不自覺地自己都一年比一年老啦!

真心希望自己繼續保持到身心美麗、健康!

   

♥ 回顧往日♥  
2015 - 個人照 @ YOUR Memory
2015 - 家庭照 @ YOUR Memory
2013 - 影樓拍攝 @ Vita Pixel 

Welcome to S.K.Y. Lovely Family

笑笑小語錄 @ 46 個月

※【得意事例  (一)】※
曾經爸B同我講，小霸王會跟隨住唔同年紀而鍾意其他野..... 係... 冇錯! 但係....只係對某D 野囉! 小霸王對魚魚的熱愛好似只有增而冇減到囉......  

我:  BB，不如我地換衫出去行下囉!!
小:  好呀! 去邊到呀?
我:  唔!! 你想呢? 
小:  去睇魚魚啦!
我:  去邊到睇呀?
小:  去百佳又得，去街市都得架!
我:  ....................(乜小朋友唔係鍾意去公園玩多D 架咩?)

我:  BB，有你至愛呀!
小:  係咩? 睇下!! O... 大眼雞呀! 我最鍾意架啦!
我:  咁不如你揸住佢地俾我影相啦!
小:  好呀! 哈哈~
我:  ..................  (平時叫你俾我影，你SO都唔SO下我!)

♥   真係要好好記低佢有幾鍾意魚，等佢長大睇返.....  ♥

※【攪笑事例  (一)】※
某日晚上見小霸王靜靜地坐係地上，佢係到照顧緊佢的玩具BB，突然我有個諗法就問佢.....

我:  BB，第日媽咪60歲退休冇野做，不如幫你湊囡囉!!
小:  唔得
我:  吓? 點解呀? 我退左休冇野做好悶架!
小:  唔得呀!
我:  咁邊個幫你湊囡呀?
小:  阿嫲囉! 阿嫲湊囉
我:  ....................
我:  好呀! 咁我湊邊個呀?
小:  我囉!

♥   妒忌心咁重架? 真係俾佢笑死!  ♥

Welcome to S.K.Y. Lovely Family

她與她的30條小錦鯉

....................................

....................................

....................................

....................................

真係唔知講乜好?? 

估唔到.... 最後我都係失手!  點解咁講? 

因為我覺得呢.... 養動物係一世的，唔可以玩玩下

所以... 由小霸王鍾意魚開始，屋企成日都會有人話買魚俾佢玩

玩?? 呢個Concept 唔得囉!!  我當然係"強烈反對"啦! 

而好彩佢地都打消左呢個念頭!

直至..... 近日大魔鬼肥舅父又出現

佢問都冇問，就攞左30條小錦鯉返黎 (佢老闆送俾佢)

而愛囡心切的爸B 又肯買小小設備喎

再加上係o係婆婆屋企養

完全係..... 冇得say no 的情況下   就唯有接受吧!

一星期小霸王只係見到佢地一、二日

平日又有專人打理 (大魔鬼肥舅父都好鍾意魚)

開頭我以為小霸王會勁攪d 魚

點知... 又唔係喎! 佢完全唔會打擾佢地，仲靜悄悄地望住佢地

係時候培養下佢有責任感都好喎!!

小錦鯉，你地要好好長大呀!! 

Welcome to S.K.Y. Lovely Family

幼兒芭蕾舞爵士舞班 Level 3

剛過去的星期六  係小霸王芭蕾學院的開放日

家長仲可以陪小朋友上課+觀課

雖然一年得一次機會，但我選擇左返工.... 唔去!! 

因為我知佢一定會怕醜唔跳俾我睇，所以我就叫爸B去

爸B將佢上堂的一舉一動拍攝下來

我可以睇相啦~ 睇Video....  (辛苦晒爸B)

只係睇Video 我都可以感動得眼濕濕 (想像唔到如果我有去,.. 我會點??)

真係大得好快呀! 唔可以話跳得好叻，但都叫做有進步!

見到佢好開心咁跳、好投入咁跳

相信佢真係好鍾意跳舞

話咁快又升班啦!!  LEVEL 3 要繼續加油呀!

明年就會分班... 到時唔知揀 『芭蕾舞』定 『爵士舞』 好呢?

回顧:

幼兒芭蕾舞爵士舞班 Level 2

學前芭蕾爵士課程 Level 1

Welcome to S.K.Y. Lovely Family

【周圍逛】中環碼頭 ♥ 添馬公園 ♥ 香港公園 ♥ 銅鑼灣

上上星期的週日   見天氣都不錯 (話有雨架，但返到屋企先落)

就提議不如出外走走 + 幫小霸王影下相

我係好想搵人幫小霸王影一輯OUTDOOR相

但奈何天氣開始熱.... 多蚊..... 最重要係.... 要影小霸王真係唔係易事

佢..... 合作率係得....10%啦! (叫極都唔理你)

所以.... 唯有..... 爸B親自影吧!! 

唔知仲乜呢日想過海   咁就出左中環碼頭先

因為.... 可以俾魚迷睇下魚

就係係呢到都可以睇足半個鐘呀!

不停~ JELLYFISH呀~ FISH呀~ 好多呀~ 冇呀~

大部分小朋友   都鍾意去遊樂場

我估佢係寧願  選擇去睇魚多D

(係咪好特別呢?)

睇完魚之後

呢位小Model 好合作地俾我地影左好多攪笑相

仲影左小小凌空相.... 哈哈

由中環碼頭慢慢行去 添馬公園 

估唔到.... 呢個公園都俾D姐姐霸埋.....  

影左一陣相，休息一陣  我地就走人

再行去香港公園

睇下魚，玩下遊樂場

哇.... 係咁行都行左接近3個鐘

就同小霸王坐叮叮 (電車) 去銅鑼灣

呢日最主要目的..... 真係俾佢坐叮叮

之前想帶佢坐，但一直搵唔到機會

今次就點都要帶佢坐一坐

我:  你覺得叮叮同輕鐵有咩分別?

小: 叮叮冇冷氣囉!

我: 仲有呢?

小: 呢個幼d囉 (佢指扶手的柱)

我: 叮叮慢好多

估唔到.... 叮叮.... 係勁多人!!

(新界人....大驚小怪)

哈哈~ 為左滿足小情人，仲去埋H記食雪糕

你睇佢有幾開心?

呢日真係身心疲累呀!~

Welcome to S.K.Y. Lovely Family

Happy Happy Mother's Day

『母親節』對我呢個做左三年幾的媽媽黎講，好似真係唔係十分重要

除左第一年有少許感觸之外，第二年開始.... 已經唔太大了

反而.... 小霸王的生日那天會比較上多感觸

我覺得o個一日對我先係"媽媽日"

對我唔重要姐.... 對其他媽媽唔係架嘛!

特別係我家最大輩份的人..... 婆婆!♥

就算點簡單都要一齊慶祝下

今年.... 係屋企BBQ!

冇錯! 真係屋企BBQ 呀! 姨媽媽好鍾意BBQ架嘛

俾佢係"億X家"搵到個冇煙BBQ爐

又真係冇煙架.... 但就燒得好好好.... 慢囉!!! (哈哈!)

個人覺得唔肚餓開始燒都不錯，唔係就.... 餓住有排等

(有興趣可以去睇下 BBQ燒烤爐 )

窩心的爸B 都有買個媽媽蛋糕俾我

今年小霸王學校教做左呢個小花藍

問佢... 佢話係送俾我囉!!

(媽媽節意識比上年多左，但都唔係咁知做乜... 我估)

反而我就好重要佢親手畫的畫

左面係我黎架!!  (♥ 私心覺得好靚 ♥)

右面係烏龜家庭，有爸爸、媽媽、BB

雖然我唔鍾意烏龜，但都畫得好Cutie ♥

Welcome to S.K.Y. Lovely Family

笑笑小語錄 @ 45 個月

※【甜心事例  (一)】※
升上K1之後，小霸王明顯地改變左，原本佢係小港女而家叫佢幫手做下家務呀~ 執頭執尾呀~ 都一一好樂意地去幫你，就好似呢日我同佢去日X城買家居用品....

我:  BB，不如我地買兩個大膠箱返屋企執好你d玩具，好唔好?
小:  好呀!
我:  咁你揀下要邊款箱?
小:  唔.... 梗係 pink 同 hellokitty 啦!  my favourite 
我:  吓.... 我知.... 梗好啦! 買hellokitty箱你要幫我手執架!!
小:  唔! 好呀!
我:  我想買個噴壺，一齊去搵下有冇?
小:  都冇.... 應該賣晒啦.... 呢行又冇.... 我估真係賣晒...(一路行一路講)
我:  等我問下先  (問完人就搵到)
小:  哦! 原來係呢到! 好啦... 買完啦! 返屋企啦!

♥   為左鼓勵小霸王"自己的事自己做"，暫時..... 都係用物質去滿足，但就唔會買太貴 ♥

※【得意事例  (一)】※
有時我真係好鍾意陪小霸王睇書書，哈哈.... 鍾意陪睇的原因並唔係本書的內容吸引，而係..我身邊呢位小朋友的表情動作真係好鬼得、好誇張下..... 說故事我不在行，我比較鍾意透過食物 / 動物 / 物品圖片去令佢多講多聽多睇.... 生動D嘛!

我:  BB，不如我地講一D 特徵，再估下對方扮緊書中咩動物，好唔好? 
小:  好呀!
我:  It is yellow. It has long neck. 
小:  Giraffe
我:  Bingo! How to spell Giraffe?
小:  G-I-R-A-F-F-E (當然係Open book 啦!)
我:  Very good.  Your turn
小:  It is green in colour.  It can bite you and you are so scared (仲要扮埋震顫咁(下圖)
我:  S-N-A-K-E snake
小:  Bingo

♥   呢D 咁得意的表情，相信書本中一定冇，係咪.... 好吸引呢? (戀囡ing....) ♥

Welcome to S.K.Y. Lovely Family

屯門公園 # 親子裝

4月尾的最後一個星期六，本身諗住唔出街，

因小霸王有小小作病，但最後..... 

因為屋企部電視機宣布玩完要去買新機，所以就近近地去左屯門

見順路就提議去屯門公園行下影下相

點知..... 俾佢兩父女迫左去.... 爬蟲館

(真係步步驚心囉!~ 相信佢地見我咁驚，佢地會睇得仲開心)

CRAZY~ CRAZY~ 

驚完之後.... 好彩有合照補數... 

心情先開心返... 哈哈~ ♥

平時我地真係好小著親子裝，但一見到呢條 黑+紫的裙連Legging

♥ 真係大愛囉~ ♥ (purple fans)

如果個紗短小小會更好，可能我個人比較粗魯同矮小... 哈哈!~

被拍同拍人.... 我都鍾意

專業同唔專業......的相機.... 真係好大分別架!! 

(上) 係我拍  (下) 係爸B拍

爸B，請你真係再出手影多D ..... 哈哈~ 

影飽相，我地就去TM PLAZA 百記買電視

跟住就返屋企囉!!

Welcome to S.K.Y. Lovely Family