顯示具有 Y の 我愛周圍逛 標籤的文章。 顯示所有文章
顯示具有 Y の 我愛周圍逛 標籤的文章。 顯示所有文章

2018年9月15日 星期六

參觀● 大館

暑假期間,其中一個節目就係一家人一齊出城市玩
哈哈~ 冇錯!! 住係火星的我們,
相對上真係好小機會去港島,所以感覺上真係好似出城咁!

我地一早上網預約定日子及時間,呢日係星期日真係唔小人囉!!
預約左,入場就快D


未黎大館之前,只係知道近期好多人去影相咋
完全唔知亦唔了解係咩野,睇一睇先知係『前中區警署』咋!

說真的,呢D古蹟真係好特別同好靚!! 


大館真係好大,但就唔係所有地方都對外開放
我地只係參觀左幾個大樓

  01警察總部大樓
呢到主要介紹舊時的警署係點樣? 
仲有扭卡機、簽簿.... 俾小朋友玩下

03 營房大樓
呢到改變成餐廳及商店

14  D倉
呢到係重犯監倉,
你可以入去感受一個細小的監倉
如何住咁多犯人呢???


 20 賽馬會藝方
呢到係展覽藝術品
仲有一幅身高牆,
只要你行埋去就會有職員幫你畫身高寫埋你的名字作留念
好有意思,好特別!!


17 F倉
呢到係最好玩,犯人牆?? 哈哈
乜舊時會有2.5M 高的犯人??? (仲高過姚明??)


呢日除左黎參觀,最主要係幫呢兩位 K畢業生影下相
呢到影相真係好正好靚, 大家不妨黎影下


參觀完,相又影完,估唔到咁就逗留左三個鐘
走時仲可以踏足下"砵典乍街"  
對小朋友黎講  石地斜路真係好新奇




** 雖然進入大館係免費,但大家最好都係先上網 / APPS 領取大館入場證,以確保能於指定日期及時間進入大館 **

2017年5月19日 星期五

快快樂樂♥周圍走♥四/五月

繼新年假後,話咁快又到復活節
小朋友梗係開心,大人就..... 辛苦過返工吧!! (哈哈~)
要諗下去邊玩? 要陪玩? 陪走.... 真係....

♥ 南丫島 ♥
喜歡行山的細姨提議一家人去行下山
所以就揀左最輕鬆的南丫島
我地由榕樹灣開始 → 風力發電站 →洪聖爺灣、蘆鬚城泳灘  →索罟灣
由於有大有細,行得比較慢,再加上一路行一路食
11:45 坐船去  17:30 坐船走 
(哇! 前前後後都 六個鐘)

第一次行山的小霸王,有家姐仔同細佬陪,的確係唔同 D
全程 90%時間係自己行,只有10%時間o係爸B膊頭
真係唔錯!! (下次可以再行)


♥ 屯門蝴蝶灣 ♥
本身諗住去泳池游水,俾小霸王拒絕,佢揀左去玩沙
仲好,唔洗濕身仲可以坐係到等
全程爸B 陪玩,媽咪吹下海風真係好舒服!


♥ 玩具傳奇展覽 ♥
對小霸王黎講,係一個好新奇的地方
展覽大部分都係懷舊玩具,有D 連我都未玩過,好多自己童年回憶返晒出黎
好彩都有新玩具,尤其係BARBIE、公主,
小霸王見到即刻話: 『呢個我都玩過』 (哈哈~)


♥ 流浮山 ♥
一個每年五月必到的地方 (太婆生日必到此聚餐)
小霸王最開心的... 唔係食海鮮,而係睇海鮮
生又好,四又好,晒乾又好..... 佢都鍾意睇


忙碌的四月過後,就冇乜紅日啦!
在職媽咪可以休息一回,準備下迎接就到的暑假!


2017年5月17日 星期三

2017♥香港花卉展覽

忙碌過後,終於有時間可以俾我寫返下野啦!!~  (joh-a )
時光倒流到三月中先,係!~ 當時我地一家都有湊熱鬧去左花展
我家爸B同囡囡都愛花,所以... 不情願的我... 點都要陪下佢地

維園俾我的感覺就係有點遠、好迫、好多人,真係唔多想去迫迫迫
呢日... 可能天氣唔係咁好,所以俾我想像中小人 ((joh-a )

為左俾爸B 專心影相,我地就兵分兩路,
佢有佢自己影花,我有我影囡囡,哈哈~



小朋友見到自己鍾意的事物,係咪真係合作 d 架呢?
(我大滿足晒,哈哈~)


見到人影佢又要影埋一份
多得佢幫手,媽咪都可以做下Model 同d 靚花合照
大個左,手仔定左,影相技術都好左
以後媽咪想拍照就多左個小幫手


第一年睇花展,終於明白點解咁多人黎參觀
因為真係好靚,好靚,好靚!!
(下年有應該都會再黎睇下)

影完花,我地坐叮叮去金鐘天馬公園


好鍾意呢到,好舒服又可以睇下景

坐低食下野休息後,仲可以行埋去影摩天輪


2017年1月21日 星期六

再戰... 錦田鄉村俱樂部

12月中學校旅行先去完,估唔到唔夠一個月我地又再去
元旦後的假期  爸B要返工  冇乜野好做就相約姨媽一家去玩

姨媽話"見入開火星,不如去試下華嫂"
咁我就預早一小時去搵位,2點開已經排長龍
最後.... 好彩唔洗 3點有得食


食飽飽後.... 即去玩啦!! 
呢 3 個 一心諗住摘士多啤梨的小朋友   勁期待
點知.... 半個月前係多到任你點摘都係大大粒的
過左個聖誕居然.... 係.... 你想摘都睇你好唔好彩呀
CRAZY..... (慳返)


唯有摘幾粒就當摘過吧!!


摘唔到靚士多啤梨就轉左掘蕃薯
掘呀~ 掘呀~ 掘呀~ 
呢到 D 蕃薯真係好好味架!! 


冇錯.... 又係呢到....
上次一對二,都可以玩好耐
今次三對二,唔洗 5 分鐘KO 玩完
(PS: 相信豬先生佢地呢日食得太多,已經飽到瞓住食)


跟住... 就去玩D 平野
最抵就係租單車,$20/任玩一小時

平時你叫小霸王玩單車.... 佢一定SAY NO
呢次有人陪玩,居然勇敢地嘗試
(真係要搵家姐細佬陪佢玩多D先)


話咁快就天黑,我地就出返YOHO 食個DINNER就算


呢日有家姐細佬陪玩  小霸王玩得好開心之餘 我都輕鬆D
YEAH!!

2017年1月11日 星期三

跑跑跳跳♥周圍走♥十一/二月

睇返 D 相先發現 11月同12 月去左好多公園/農場玩
有去過的亦有從未去過的

♥ 元朗公園 ♥
住係火星的一定去過,但唔係講笑,我都係第一次行上百鳥塔
(因我唔多鍾意雀仔,行左先發現冇乜雀仔)
估唔到小小年紀的小霸王,可以自己行上去又行返落黎都冇話辛苦
(大人、小朋友當做下運動都不錯!)


♥佐敦谷公園♥ 
成日都見人提呢到,對於火星人去呢到真係唔多方便
但環境真係好唔錯,有一大片草地、遊樂場、小型溫室、跑步徑....
小朋友係草地任佢跑跳又唔洗擔心佢跌倒,正!
黎野餐都不錯,不過我估星期日會好多人
(最好就..... 揀星期六吧!) 


♥ 坪石公園 ♥ 
由佐敦谷行去.... 係得.... 但好累囉! 
(我地跟住Google map 行.... 行多左好多路....唔係的話都唔係太辛苦)
呢到.... 真係好好玩,設施新、款式多.... 
最令我意外的是.... 有一個新設施,係手動lift,好攪笑,好得意!!
仲有好多恐龍石 (呢到以恐龍為主題架!)


♥ 元朗 448 Farm ♥ 
元朗新開的農場,未完全完成,仲不斷加野
地點比較偏遠,要坐的士或揸車入去
環境... 唔... 勁多蚊 (做左十足準備都中蕉)
唔算多野玩,以睇的比較多
可以等佢地整多d 野先去都得,唔係就..... 1 小時都KO完
(FB 找尋 448農莊) 


♥ 荔枝角公園 ♥ 
呢到去過幾次,好奇怪的是次次去到都係濕O既 (唔係下雨就係下完雨)
今次終於可以玩到啦!! 呢到除左玩,仲可以影下相,唔錯架!
但留意星期日.... 呢到係勁多姐姐... (如果玩遊樂場就唔怕,影相就... 避下都得)


哈哈~ 2017年要去更多從未去過的公園先
香港真係好多公園架,要玩晒.... 真係... 有排玩呀!

2016年5月24日 星期二

【周圍逛】中環碼頭 ♥ 添馬公園 ♥ 香港公園 ♥ 銅鑼灣

上上星期的週日   見天氣都不錯 (話有雨架,但返到屋企先落)
就提議不如出外走走 + 幫小霸王影下相

我係好想搵人幫小霸王影一輯OUTDOOR相
但奈何天氣開始熱.... 多蚊..... 最重要係.... 要影小霸王真係唔係易事
佢..... 合作率係得....10%啦! (叫極都唔理你)
所以.... 唯有..... 爸B親自影吧!! 

唔知仲乜呢日想過海   咁就出左中環碼頭先
因為.... 可以俾魚迷睇下魚


就係係呢到都可以睇足半個鐘呀!
不停~ JELLYFISH呀~ FISH呀~ 好多呀~ 冇呀~

大部分小朋友   都鍾意去遊樂場
我估佢係寧願  選擇去睇魚多D
(係咪好特別呢?)



睇完魚之後
呢位小Model 好合作地俾我地影左好多攪笑相
仲影左小小凌空相.... 哈哈


由中環碼頭慢慢行去 添馬公園 
估唔到.... 呢個公園都俾D姐姐霸埋.....  
影左一陣相,休息一陣  我地就走人


再行去香港公園
睇下魚,玩下遊樂場


哇.... 係咁行都行左接近3個鐘
就同小霸王坐叮叮 (電車) 去銅鑼灣

呢日最主要目的..... 真係俾佢坐叮叮
之前想帶佢坐,但一直搵唔到機會
今次就點都要帶佢坐一坐

我:  你覺得叮叮同輕鐵有咩分別?
小: 叮叮冇冷氣囉!
我: 仲有呢?
小: 呢個幼d囉 (佢指扶手的柱)
我: 叮叮慢好多

估唔到.... 叮叮.... 係勁多人!!
(新界人....大驚小怪)


哈哈~ 為左滿足小情人,仲去埋H記食雪糕
你睇佢有幾開心?


呢日真係身心疲累呀!~

Welcome to S.K.Y. Lovely Family

2016年5月11日 星期三

屯門公園 # 親子裝

4月尾的最後一個星期六,本身諗住唔出街,
因小霸王有小小作病,但最後..... 
因為屋企部電視機宣布玩完要去買新機,所以就近近地去左屯門

見順路就提議去屯門公園行下影下相
點知..... 俾佢兩父女迫左去.... 爬蟲館
(真係步步驚心囉!~ 相信佢地見我咁驚,佢地會睇得仲開心)
CRAZY~ CRAZY~ 


驚完之後.... 好彩有合照補數... 
心情先開心返... 哈哈~ ♥
平時我地真係好小著親子裝,但一見到呢條 黑+紫的裙連Legging
♥ 真係大愛囉~ ♥ (purple fans)

如果個紗短小小會更好,可能我個人比較粗魯同矮小... 哈哈!~


被拍同拍人.... 我都鍾意


專業同唔專業......的相機.... 真係好大分別架!! 
(上) 係我拍  (下) 係爸B拍

爸B,請你真係再出手影多D ..... 哈哈~ 


影飽相,我地就去TM PLAZA 百記買電視
跟住就返屋企囉!!

Welcome to S.K.Y. Lovely Family

2015年9月26日 星期六

私影 @ 圓方 ● 苗團公園

嘻嘻~ 其實我另出一POST的原因
除左因為相多之外,其實係想讚美一下爸B

說真的,
大熱天時要帶住部大機出街已經唔係件易事  (除非好愛影相啦)
仲要周圍追住佢黎影,身水身汗......
♥ 爸B,多謝你的辛勞! ♥ 

最後相片出來  雖然唔係張張都影得好好
但係都有好多滿意之作
就由幾百張相片中   揀 D 我好鍾意的俾大家睇下



原來小朋友唔望鏡頭   會有另一個感覺





MODEL 上身   ♥  非常合作 ♥






自然的笑容   永遠係 ♥ 最可愛 ♥ 最動人 ♥ 最甜蜜 ♥
♥ Keep Smile ♥




♥ 頑皮古惑的一面   原來都幾特別喎  ♥





真係好想爸B  多出機影阿囡
爸B 鏡頭下的小霸王    同媽咪鏡頭下的佢
對我黎講   感覺好唔一樣
小霸王好似自然多D  (我估係我陪佢玩,我引佢)
所以我真係唔想  只得我影囉!! 哈哈~ 
爸B 要多多參與  ♥  唔該晒  ♥


Welcome to S.K.Y. Lovely Family