▌日の料理 ▌ 自家製多穀麵包

玩完又玩

上星期整左白麵包

今個星期就整多穀麵包

同樣都係用百佳買的預拌粉

(上次買 2盒平D 嘛!!)

時間: 3小時 30分鐘

登登登登

『新鮮美味的多穀麵包』出爐啦!!

邊個偷野食??

咪我家的小霸王囉!!

今次的多穀麵包，真係唔錯!! 好好味呀!!

有D NUT 真係唔同D 

Welcome to S.K.Y. Lovely Family

Date:   2014.11.23 (Sun) ~  2y4m10d
Place: 婆婆家

▌日の料理 ▌ 海鮮蕃茄飯

近期大熱非佢莫屬吧!! 

『蕃茄飯』

爸B 叫我整.... 細姨又叫我整...

得得得    有時間我一定試下整   放心

星期日係小FAN 最有空整野食的一日

所以一定唔可以放過咁好的機會

材料:

蕃茄 - 2大個

米 - 4 杯  (7人份)

海鮮 - 隨意 

見百佳的海鮮包特價，就買黎整，好抵HK$9.9一包咋!!

做法: 

1. 先將米洗好，加水 (水比平時小DD就得，唔係飯會唔熟)

2. 放入蕃茄 (我有將蕃茄介十字)

3. 加少許黑胡椒、鹽、油 (屋企冇橄欖油，我加少許粟米油)

係等飯好的同時，我會先將海鮮配料炒到一半熟

待飯差不多好就放入飯煲焗熟

登登登登

攪掂啦!! 海鮮蕃茄飯出爐!!

(多餸到見唔到個蕃茄    哈哈~)

唔好意思!! 小FAN 掛住食  唔記得左影完成品相

唔!! 係唔錯! 

但係 ~ 可能我只係俾左二個蕃茄，所以唔夠蕃茄味

我估係要 1: 1 份量，即係 1杯米 : 1個蕃茄

不過~ 唔夠蕃茄味都有個好處

就係唔鍾意的蕃茄的小霸王

唔會食到D飯有蕃茄，哈哈~

呢個方法用黎對付 D 揀任擇食的小朋友真係唔錯

呵呵 ~ 

Welcome to S.K.Y. Lovely Family

Date:   2014.11.23 (Sun) ~  2y4m10d
Place: 婆婆家

寧靜的週日

話說前一日應承左呢位小朋友   爸B放假先帶你去公園

所以   今日要守諾言

食飽早餐後    一家三口就去公園囉!!

可能時間仲係早  冇人玩    (都10點啦!!)

小霸王可以自己一個霸晒黎玩    任玩

不過唔知佢係咪都發覺自己手腳頓頓地

所以主攻玩上落樓梯     哈哈~ 

上完又落   落完又上

上上落落   來來回回  N 次

不過真係改善左   終於敢自己扶野行

唔洗我幫   相信train 多一排會大有進步

玩左一陣   我地又返婆婆屋企

休息囉 ~

Welcome to S.K.Y. Lovely Family

Date:   2014.11.23 (Sun) ~  2y4m10d
Place: 公園

親親大自然的週末

終於黎到最後一個唔洗返工的星期六啦

真係好耐未試過連續 四個星期六不用上班

多得幼稚園面試令我要豪請星期六    哈哈 ~ 

說真的，4年前的小FAN 係唔會咁諗

因為o個時係五天工作週，但奈何轉左新工係返六日冇計

而家有長短週好過冇啦!!     (加油呀~ 要繼續向老闆爭取唔洗返 ♥ 諗下好?)

講返正題 ~ 

呢一日唔洗返工，但一早婆婆的來電叫我地快 d 出門啦

唉 ~ 婆婆一早已經黎左元朗等我地

去邊?? 咪就係返婆婆兒時住的地方拜神囉!!

又有一個俾小霸王去親親大自然的地方

雖然冇牛冇羊，但有草有樹都不錯吧!! ♥♥

呢位小朋友一黎到田就不停搵 butterfly

除左可以親親大自然之外，仲可以俾佢接觸下小動物

不過都唔小.... 係大大隻的唐狗♥

佢係完全唔驚，仲問我摸唔摸得?

梗係..... 唔得啦!! 

雖然阿財係好乖唔咬人，但唔可以肯定佢100%唔發脾氣架嘛!~!

叫佢行近小小影相，點知阿財唔多 so 佢?

佢就扮阿財咁坐~ 笑四人 ♥

同阿財玩完，佢又發現新野 ~ 

追呀~ 追呀~ 追呀~

搵呀~ 搵呀~ 搵呀~

小霸王: 依 ~ 係呢到? 呢到有呀!!

佢搵咩? 

係細到冇朋友的 ~ ANT 螞蟻囉!!

呢隻螞蟻忙住搬食物返屋企呀! ♥

玩左大半日，我地就坐車返大埔婆婆屋企囉!!

返去樓下食個 late lunch 先

呢位小朋友每個星期都會玩呢個彈波波

陪佢玩的多數是婆婆或爸爸

小FAN 印象中，佢係唔識自己彈的

但點知? 今次小FAN 陪佢玩時，佢居然自己彈到喎??

(之後問返婆婆，婆婆話: 識彈好耐啦! 我教架嘛!!)

我真係後知後覺、大驚小怪 ~ SORRY! 

小霸王玩左 6 次，犀利呀!! 仲有玩到有禮物! 叻叻 ♥

玩飽就返婆婆屋企囉!!

Welcome to S.K.Y. Lovely Family

Date:   2014.11.22 (Sat) ~  2y4m9d
Place: 元朗 / 大埔

K1 班 ~ 面試大作戰 ● 第四回 (最終回)

小FAN 真係唔多想寫呢篇Blog

因為唔想提返唔開心的事

但係.... 諗諗... 呢個係佢成長的其中一部分，都係記低佢吧

作一個小小的總結

----------------------------------------

11月第一個星期六 - In 左兩間

11月第二個星期六 - In 左一間

11月第三個星期六 - In 左一間

11月第四個星期五 - In 埋最後一間

  ♥♥ 最終回  の 出戰 LOOK ♥♥ 

今日以好耀眼的紅色 Look 出戰

務求搶眼到暈 !! 哈哈 ~ (講笑咋!!♥)

今日面試時間 - 09:00

同樣係早15分鐘到達幼稚園

估唔到已經排晒長龍

 號碼 1-60 排左邊面條龍 (應該大家都係約見09:00)

號碼  60後就排右邊 (我估係09:30)

準時09:00入校，入到去先排隊登記、貼上名字貼紙

再去一間大課室等候

最奇怪的是.... 唔係跟面試咭上的號碼 排隊面試

係跟你在外排隊的次序面試?? (攪錯呀???)

等到 09:15 就跟序入左 A 課室面試

今次係GROUP IN     

一張枱有 2 位老師 + 4個小朋友

家長坐係小朋友的後面

可以話係 1 位老師同時見 2位小朋友

老師: 你叫咩名?

小霸王: XXX (有答)

跟住問顏色、巴士、的士、

配對、疊積木

小霸王乜都做到，但老師問佢野，佢係完全冇答

(最弊....旁邊的小朋友就答晒)

我都唔知點解佢唔答?  

只係面試左5分鐘都唔知有冇

送埋禮物小朋友 (佢有講Thank you, bye) 就走得

出到門口，小FAN 真係好唔開心就問小霸王

我: 老師問你野你仲唔答?

小霸王: .......

我: 你唔係唔識架，點解唔答呢?

小霸王: ......

我: 你知唔知，你唔答人係好冇禮貌架?

小霸王: ......

我: 你係咪唔鍾意呢間學校?

小霸王: 唔鍾意

真係俾佢激死呀!! IN 咁多間表現最差

我同佢講媽咪真係好唔開心

因為呢間係最心儀的幼稚園

可能係小FAN 抱太大期望吧!

我完全冇責怪小霸王的意思

只怪自己咋!! 唔開心都只係我一個姐

唉!! 失落架!! 冇計!!  

12月尾先放榜

唯有寄望其他收佢吧!!

Welcome to S.K.Y. Lovely Family

Date:   2014.11.21 (Fri) ~  2y4m8d
Place: Kindergarten

韓國手信

韓國一個自己都幾鍾意的地方

已經 9年冇去過啦!! 真係好好好想去呀

最近好姊妹去左韓國旅行

(真係.... 好好好羨慕呀!! ♥♥)

佢都有問我有咩想買?   但真係諗唔到

(要自己去買   先開心架嘛!! ♥♥)

估唔到    佢咁有心買手信俾小霸王

(所以小霸王一見到佢就知  自己會有禮物囉 ♥)

呢份手信真係估佢唔到呀!! 

係暖笠笠的耳套

♥ 好得意 ♥ 勁鍾意 ♥ 合心意 ♥ 

哇    真係好舒服  ♥

你睇呢個貪靚的小女孩

正好 FIT 晒下個月的旅行呀!! ♥

你就好啦!! 有禮物收

好彩我都有MASK 收姐... 呵呵!!

Welcome to S.K.Y. Lovely Family

Date:   2014.11.19 (Wed) ~  2y4m6d
Place: Home

▌小小世界 ▌ PUZZLE

返左 PN 班差不多3個月了

小霸王真係大個女左好多   認識O既野多左

有D 明明仲未做到   郤突飛猛進

就好似 玩 PUZZLE 咁 ♥

之前都仲要我幫手先能夠完成

而家    係快到你想像唔到呀

唔夠 1 分鐘就已經可以KO 左12塊PUZZLE

真係唔可以睇小你的記性呀!! ♥

有見及此，見你玩得咁好

放假就買多幅多塊俾你

本身諗住買 2X塊左右，點知冇.....

最後，就只好買呢個42塊的PUZZLE

我知對佢黎講應該係一個好大挑戰

但希望佢能夠學會更加專注去做一件事

期待你能夠快D 自己 KO晒 42 塊

加油!!

Welcome to S.K.Y. Lovely Family

Date:   2014.11.15 (Sat) ~  2y4m2d
Place: Home / 婆婆家

▌韓劇推介 ▌對我而言可愛的她 (내겐 너무 사랑스러운 그녀)

【內容】: 講述將歌壇視為人生舞台，懷着夢想和熱愛的男女透過音樂撫慰彼此傷痛，最終獲得真愛和音樂成就的故事

【主演】: 鄭智薰、鄭秀晶、金明洙、 李浩沅、車藝蓮

【集數】:  16集完

*****************************************************

【觀感 / 評價】

好鍾意RAIN 拍愛情劇，因為可以見到佢可愛的笑容同埋殺死人的眼神

佢的演技真係進步左好多，增加左成熟味，又不失佢可愛的一面。

但嫌太少了，如果加多D佢殺手鐧，相信呢套劇會更加好睇。

唔.. 其實劇情不錯，但欠缺突破 / 拍唔到一種令人深刻的感覺

應該加重d ，ending 又太短唔完美， 所以有d 浪費左套劇咁 !!

期待 RAIN 會再有新作!

推介: ★★★★☆

返睇: ☻☻☻☺☺

輕鬆的週日

上星期日，原本打算再同佢去大埔海濱玩下

但見小霸王有兩聲咳就取消左

只係帶佢落街同公公婆婆食個早餐

呢個膽小鬼，唔太愛騎膊馬 ♥

食飽飽後，就同佢去下公園玩一陣

手腳依然仲係唔多協調咁

玩個滑梯都好"倫盡" 

唔知點解，小FAN 見到呢張相有點感觸

發現自己爸爸在不知不覺間老了很多

從前那個型男在那呢??  (當然而家都仲好型，係型公公囉 ♥)

靜雞雞話你地知  

小FAN小時候好開心自己有個型爸架! ♥ 好自豪架!!

成日俾人讚自己個爸爸似邊個明星 (佢係我心中的劉華) 

仲會有人問佢攞簽名   哈哈~ 

唔知小霸王會唔會覺得自己有個型公公呢?? 

我呢個型爸，小時候真係掛住工作冇乜時間帶我地周圍去玩

而家佢居然得閒到同個孫玩

真係羨慕呀!! ♥♥

 (乖囡，你要愛錫公公婆婆呀!!)

玩左一陣，我地就返婆婆屋企HEA 足一日囉!!

週日HEA一 HEA，一樂也 ♥

Welcome to S.K.Y. Lovely Family

Date:   2014.11.16 (Sun) ~  2y4m3d
Place:  婆婆家 / 公園