PURIN'S 2009 SUMMER PRODUCT

哇... 好開心.. 又俾我買到啦!!

↑ 估唔到個袋都有佢份WOR.. 哈哈..

報告結果

今日收到姑娘電話話攞得report，心情立即變得好緊張，心諗... 點算呀??? 好驚呀!!
要面對的始終都要面對，唯有硬住頭皮去見醫生啦!!

唔知點解診所今日居然冇乜人，入到去等咗唔洗五分鐘就到我，醫生一個一個result 咁話我知，心跳就一下比一下快，到咗最後.... 佢話ok 冇事，所有result 正常 (哇... 我只係test 幾樣野姐... 都咁驚.. 如果全身check 晒咪... 真係唔敢想像!!)

醫生仲同我講：『你打埋支 HEP B 抗體，就可以安心生仔啦!!』 (真係俾佢激死呀... 我都係CHECK 定先姐... 冇話過好急要生... )

因為之前家姐同我講話... 打埋HEP A 仲好， 所以.... 我一次過打HEP A + HEP B 混合疫苗，哇... 唔知係咪打二樣野...感覺特別痛.. 而家右手臂仲有小小痳痺的FEELING!!

好彩下個月先打第二針，唔係真係唔洗打字!!

冇心肝的未婚妻

有時我覺得自己對男朋友的事唔係好上心，又或者咁講... 我對好多事都係後知後覺架... 點解咁話自己??

連我媽咪都發現得到的事，我居然係... "吓.. 又係wor!! "

我講緊的是.... 『男朋友戒咗煙』，同佢拍拖已經六年幾，叫咗N次佢都唔肯聽我講，事問我又點會上心呢??

O係剛過去的WEEKEND，媽咪問我.. 『佢係咪戒咗煙??』，我仲反問媽咪點解咁問，媽咪就話：『佢咁耐都冇食過一支煙，又不斷食薄荷糖，應該係啦!!』我先識問男朋友... 佢居然答我.. 『戒咗好耐啦!! (超.. 一個WEEK咋MA!!)』

我立即問佢仲乜唔話我知呀... 佢話咁小事.. 唔洗下下話我知...

吓... 我係你未婚妻WOR.. 哼.. 攪到我好似乜都唔知咁... 好冇用架MA.. 妨且.. 我等咗咁耐... 不過算啦... (好過唔知...)

好開心佢終於肯改變，雖然唔知佢係咪為咗我而改，但... 冇所謂啦!!

唔... 我諗我要送樣野俾佢做獎品.... 送咩好呢?? (最值錢O既我.. 就黎都屬於佢KA LA... (真係唔知個醜字點寫)，仲有乜野佢係想要呢??)

JILLSTUART

剛過去的星期五，收工後獨自一個人去咗尖咀行街，YEAH.. 好耐冇行海港城的我當然唔會放過機會去JILLSTUART啦!!

一直都好想買的PRODUCTS..今次終於俾我買到啦!!

雖然只係買咗三樣野, 都洗咗成千蚊呀!!! 買滿HK700 (包括一樣新PRO)就會送O個個圓形盒.. 咁大個.. 做化妝袋就真係唔方便 (對我黎講)..

↑ 我真係好鍾意個香水樽.. HAHAH..

婚禮倒數 ~ 145 天

呢個半月，我好乖呀... 哈哈... 攪掂咗好多樣野.. (唔係迫.. 都未必肯去攪呀!! )

等我數下有D 咩先??

1. BOOK 咗當日証婚的律師 - MR. MARTIN LAW

~~~ 點解會揀佢?? 冇KA?? 朋友介紹LAW.. 因為之前參加朋友婚宴時見到都唔係太差，所以咪唔諗咁多.. 價錢都合理!!

2. 買咗中式餅咭

~~~ 都係最多人買的"奇華".. 睇落好多，但真係唔係LAW.. 哈哈..

3. BOOK 咗男禮 (喜氣洋洋)
~~~ 約咗好耐先約到個老闆試衫，男朋友試咗好多件，最後心水當然係佢自己決定啦!!

4. 結婚公仔

~~~ 終於買到啦(咩公仔.. 哈.. 到時再俾你地睇)... 已經俾咗RON幫我整禮服，真係好期待見到製成品呀!!!

5. BOOK咗新天地影相

~~~ 終於BOOK 到啦... 好失望囉!! 冇得影九龍塘個景，而全部改晒影外景。仲要自己俾車費 (因我冇UPGRADE)... 激死人呀!! 唉.. BOOK咗20/8先影，唔知到時攞唔攞到相，佢地已經話定俾我知.. 唔得.. 冇計啦.. 好彩本身我都係諗住影下相姐.. 唔加錢!! 希望到時做得到吧!!!

6. 酒樓俾尾訂.. OK

抽血.....

今日終於鼓起勇氣去睇開的醫生診所抽血啦!! (其實鼓咗幾日架la... 只係month end 我唔得+醫生又唔係成日係診所, 所以先等咗幾日!! )

對上抽血應該係入hsbc 前做pre-employed check up, o個次感覺唔係太好, 今次當然要怕啦!!

入去前仲扮有自信... 點知姑娘攞住二支針筒(大細各一), 我就打回原形啦!! 陳醫生明知我勁怕, 佢仲扮野諗下揀邊支...仲話佢打唔會痛... 好彩佢揀咗件細咋!!! 亦多謝佢抽得好好... 真係唔痛!! (佢知我唔痛... 就話自己pro law.....係啦!!)

唉...最快可能要星期三先知... 真係好想可以快d 知... 天呀... 希望結果係好吧!!!