2015年最期待的.... 一定係 Family Trip
由年頭已經約定 所以真係好開心又能夠齊腳一齊去旅行
今次的目的地.... 係由小朋友決定的
因為佢地要求「玩水唔玩雪」，所以非泰國莫屬。
We ♥ Travel
We ♥ Share
2016年1月29日 星期五
▌曼谷、芭堤雅遊 ▌ ● 戰利品篇
哈哈~
原本諗住去泰國會冇乜野買，點知唔係囉!
原來淨係買袋都可以買得好開心架
因為實在好平
NARAYA
相信冇乜人會唔識，分店多到你一定會見到
款式呀~ 顏色呀~ 圖案呀~
多到... 一定有一個岩你心意
(連我家小霸王都可以俾佢搵到魚魚圖案的包包，
你話係咪勁呢? 橙色o個個係佢架)
係NARAYA 我地豪氣地買左千幾..... 銖袋 (即係幾百蚊港幣咋)
係咪好抵呢?
見唔見到有D 閃閃字的袋仔 + 右下角的袋
佢地係NARAYA，係近期泰國好HIT 的Brand
POSH
POSH冇專門店，好似只有以下呢 4個地方的店鋪有得買
@Terminal 21 -Branch 3, No. 3077 Istanbul FL
@ The Platinum Fashion Mall - Branch 4, No.250 A1 FL
@ Chatuchak Weekend Market
@Siam Square One - Branch 5, No. 130 LG FL
(以下資料，係網上搵架咋)
好彩我地住的曼谷酒店附近就係The Platinum Fashion Mall，所以剛好買到
POSH Bag 係以 Sharp / colourful 為主
鍾意花款的女仕合晒心意，價錢好經濟
細袋仔 - 2XX 泰銖
手袋仔 - 4XX 泰銖
除左買袋之外，居然有衫買
(購自: The Platinum Fashion Mall)
三套小童長衫薄睡衣 (好似百多元港幣，質地唔錯!)
一件小件仿皮毛毛褸 (好似二百多元港幣，好型好暖!)
** 剛好新年就到，買定待著 **
左下角的飾物不多介紹，見到魚就要買.... 冇計
LEVI'S 短 TEE (購自: Factory Outlet Mall)
剛好減價，就買左男裝X 2, 女裝X 1
一件都好似係百多D港幣
哈哈~ 泰國出名的..... 花生呀~ 紫菜呀~
梗係要買D 黎派下啦!
我地冇周圍搵，只係去左BIG C 買就算
(因為而家香港乜都有得買)
見唔見到D PRETZ 呀.... 勁抵!!
10銖一盒咋..... (約$2.5)
係泰國SHOPPING 真係好開心，
因為感覺上好似用左好多錢，但係要除4.5X...
真係.... 好豪咁!! 哈哈~
最後總結下呢個TRIP的支出:
機票: HK$4511
住宿: HK$5556
保險: HK$300
洗費: HK$7400
-------------------------------------------
總數: $17767
Welcome to S.K.Y. Lovely Family
▌曼谷、芭堤雅遊 ▌ ● Day 5
DAY 5 行程:
Berkeley Hotel → The Platinum Fashion Mall → Berkeley Hotel
→ 泰國素萬那普機場 → 香港機場 → 屋企
話咁快就黎到最尾的一日啦~
大家都有點累，所以..... 都不太願去太遠的地方
先在酒店享用免費早餐，跟住上房收拾好行李
再CHECK OUT 及寄存行李
攪掂晒都差不多11點啦~
近近地行去酒店附近的 The Platinum Fashion Mall
原先諗住淨係入去買 POSH 袋，點知.....
我地卻在呢個MALL 行晒我地D時間，哈哈~
呢到係類似批發的MALL，所以乜都有得買
咁當然唔係貴野，係好大眾化的物品
不過男女裝、童裝，手飾樣樣齊，價錢都唔貴
我地收獲都OK架!~
行到一點左右，我地就隨意在FOOD COURT 食個LUNCH
2點半返酒店，再拜託酒店服務員叫左架12人車出機場
唔洗半小時就到，由於早到左，CHECK IN 及寄行李後
可以周圍行左一陣，影下相
CRAZY的我們.... 更在機場買左"芒果糯米飯"上機食
哇! 唔鍾意食芒果的我，都覺得好好味!!
雖然比起出面的貴好多，但真係好食好多! (出面40-50泰銖，機場 170泰銖)
所以.... "芒果糯米飯"係機場必買必食的!
大家要記住試下啦!
航班飛行時間比預計的早左到達香港，所以11點左右我地就各自返到屋企啦!
『熱辣辣一家十二口曼谷芭堤雅誇年の旅』就告一段落
小FAN 個人真係好鍾意一家人去旅行
因為大家已經有自己的家庭，唔可以日日見，
但係去旅行就可以見多D、相處多D，
不論是開心或是吵鬧，總是要一齊跟家人分享先係最好的!
係呢個旅程，雖然我唔知道小霸王發生咩事
點解會勁黐我? (連爸B / 姨媽都唔要)
點解會勁頑皮? 勁唔聽話? (令我失聲的原因)
但我相信小朋友在每個旅程上都會不自覺地有所改變及長大
好定壞? 冇所謂吧!~
期待下一個 Family Trip
Welcome to S.K.Y. Lovely Family
2016年1月28日 星期四
▌曼谷、芭堤雅遊 ▌ ● Day 4
DAY 4 行程:
VIP VILLA → Berkeley Hotel → Bangkok Kidzania → Central World → Berkeley Hotel
My Lovely Sunshine ♥ Time to say Bye Bye ♥
好鍾意呢到的晨光，令人好舒服
其實呢段時間黎泰國都不錯，天氣冇咁熱 (早晚仲有小小涼意)
唔會令你汗流浹背，但亦令你冇咁大意欲下水
見就快要離開VIP VILLA 而呢兩位小朋友又早起床
就帶佢地出大花園走走、玩玩
♥ 除夕派對留下來的物品變成佢地的玩具 ♥
慢慢食完個 home breakfast (呢幾日我地都自己煮早餐)
再收拾好行李等車到
最後一刻，梗係要同間靚屋影多次相啦~
♥ 周圍都影下 ♥ 不停咁影 ♥
Bye Bye VIP VILLA
由芭堤雅出返曼谷啦! 都坐左接近2小時車
去酒店CHECK IN 、休息下之後，我地又出動啦!
見到呢架飛機頭，相信好多媽咪都知呢到係邊到
冇錯~ 就係 Bangkok Kidzania @ Siam Paragon
為左滿足下小朋友，我地梗係俾佢地入去玩下啦~ (其他人去行街街)
(其實入場都唔平，一個小朋友要1080泰銖 (~HK$240)
2大3小加埋都接近一千，而且我地仲要係下午3點幾先去到咋
真係豪俾佢地玩囉!! 哈哈~
由於我地BOOK 左7點食晚餐，所以唔係咁多時間玩
而且.... 我....
老實講... 我錯了，我太有信心了.....
我諗住有家姐仔同細佬係到.... 小霸王一定冇事... 原來係錯的...
點解咁講.... 一陣你就明
JOB 1 - HOSPITAL
排隊好地地的，好乖，好合作
點知.... 一入去一陣..... 就大叫"我要媽咪呀"
用小食攪掂左佢入返去，點知.... 開始時又大叫大喊"我要媽咪呀"
最後.... 唯有放棄吧!
小霸王話肚餓，唉... 就當佢肚餓先唔想玩吧~
買包包俾佢食
JOB 2 - FIRE STATION
三人一齊話要做消防員，咁當然好啦!
排隊時已出動小食.... (係俾佢任食囉)，尚算合作
仲已經同佢講解左好多次一陣會點、一陣要點， 佢亦應承我會做到的。
最後.... 睇相吧.....
不肯著衫 - 經我講完後都肯著
不肯戴帽 - 算吧，用手揸啦咁
影相 - 喊左一陣都叫做肯影
坐消防車 - 唔肯坐，姨媽拖住佢跟車出動 (來回)
救火噴水 - 完全合作啦...玩喎
最後，係姨媽同我的幫助下，呢份工勉強完成 ♥
JOB 3 - KETCHUP FACTORY
唔知係咪 WARM UP 完? 定係搵到佢鍾意的工作?
呢個工作係..... 完全係... 佢自己參與
由採摘蕃茄 → 推車送貨 → 返店鋪 → 取人工
(全程好投入，好開心)
可惜，玩左 3 個工作後已經差不多要走啦
所以就俾佢地去開埋戶口 先走
(PS: 你睇左下角，就知佢幾開心)
經呢次打工經驗後，我發現我要努力、更深入去了解小霸王的諗法
原來佢係要時間適應陌生環境 / 事情 (即係好慢熱??)
要增強佢的自信心、膽量，唔好俾佢太依賴我!
(PS: 之前，芭蕾舞表演唔抱咁大期望就係因為有左呢個打工經驗囉!!)
玩完之後，我地就趕去 Central World 食晚餐
唔知係咪玩得太累，我完全冇影過相..... (連餐廳叫乜都唔記得啦!)
好彩唔係十分特別的泰菜，所以唔介紹都唔緊要
食飽就返酒店囉!
Day 4 End
Bangkok Kidzania: http://bangkok.kidzania.com/en-us/plan_your_visit/ticket_prices
Welcome to S.K.Y. Lovely Family
2016年1月27日 星期三
▌曼谷、芭堤雅遊 ▌ ● Day 3
DAY 3 行程:
VIP VILLA → Jomtien Beach → VIP VILLA → Pattaya Floating Market
→ Cartoon Network Amazone → VIP VILLA
Good Morning Sunshine!!
芭堤雅的日出時間真好，唔太早!
今日行程叫做多小小，所以要早一點出門
(其實都成10點幾先出門)
團友們要求下，坐VIP VILLA 提供的GOLF 車去左附近的海灘
Jomtien Beach
可以游泳、玩水上活動、食野.... 乜都有
海水都OK (比起香港咋)，沙都好幼細
小朋友見到水+沙，簡直係CRAZY左囉!
玩左大半小時，我地就要走人啦!
話咁快就去到下一站 - Pattaya Floating Market
芭堤雅的四方水上市場
你可以只係行下街，睇下野買下野，食下野
又或者可以自費坐下遊覽車/船
(我個人覺得天氣咁熱唔坐會好D囉!)
水上市場 有好多不同的餐廳 亦有好多小店
(係睇你敢唔敢試咋... 哈哈~)
串燒、奶茶 我地都有食，不錯呀!
其他就.....
水上市場 地方都好大
要圍住走一圈都要用上1小時 (慢行)
不同時段會有不同的表演，如: BOXING
但我家小霸王完全冇興趣囉!!
因為佢發現佢最愛就係隔離
先係..... 用奶樽仔餵錦鯉?? (25泰銖/支)
小朋友餵得好開心
再黎係.... 魚療? 問佢玩唔玩? 佢話唔玩淨睇就得
呢位小朋友真係好易滿足! ♥
係水上市場食埋個午餐，我地就趕快去下一站 - Cartoon Network Amazone
芭趧雅最新的水上樂園
呢到地方唔算好大，但卻設有10個主題園區，
一共13個玩水設施和18條滑水梯，仲有 FOOD COURT
滑水梯呢D 咁激的玩意，交俾爸B姨丈佢地玩
我地小朋友LEVEL 就留返係人造浪泳池玩餐飽吧!~
呢個人造浪泳池，
每半小時就會有好大的浪沖埋黎，你可以用佢地提供的水泡玩
雖然係人造，但都好激下
如果唔識控制的話，一個唔小心就好似我咁反泡囉 ~ 哈哈~
一早為呢兩位未識游水的小朋友準備好救生衣
佢地可以盡情玩，完全唔怕水
(就算 D 水深高過佢地，佢地都唔怕)
小霸王佢真係以為自己係條魚囉!~ (CRAZY??)
不知不覺就玩左差不多三小時
盡興呀~ 有人仲嫌唔夠喉
玩滑水梯的四人組 回報話..... 勁正，好好玩!
但奈何人地夠鐘CLOSE，要走人!
呢日係除夕，VIP VILLA 好體貼租客
o係佢地屋苑的大花園舉行除夕BBQ晚餐派對，所有租客都可以免費參加
我地當然有參加，不過小朋友的晚餐就....
由我地偉大的婆婆準備， 而我.... 失左聲，所以只好陪小朋友一齊食吧!
(冇錯，第二日已經開始失架啦... 你可想而之，小霸王有幾乖吧! 哈哈~)
等小朋友食飽飽，我地都有出去玩下
可能小霸王習慣早瞓，而且呢日玩得太累
未夠12點已做左豬仔，而我都做埋大豬
所以冇參加倒數，同冇睇到煙花.... 哈哈
DAY 3 END
Bye Bye 2015, Welcome 2016
Pattaya Floating Market: http://www.pattayafloatingmarket.com/
Cartoon Network Amazone: http://www.cartoonnetworkamazone.com/
Welcome to S.K.Y. Lovely Family
2016年1月26日 星期二
▌曼谷、芭堤雅遊 ▌ ● Day 2
DAY 2 行程:
VIP VILLA → Khao Kheow Open Zoo → VIP VILLA →
Central Festival → Rimpa Lapin → VIP VILLA
雖說旅行要輕鬆D，但係.... 可能習慣左要早起，
所以都係七點左右已起身。
(我身邊有個好定時的鬧鐘，佢每朝都一定叫醒我去開奶奶架!
佢飲飽奶就會瞓，而我已俾人吵醒就真係好難瞓返囉)
起身冇乜好做，就陪公公一齊出外跑下步健下身
早上的空氣真係好正，仲有小小露水 (再早一點應該會仲正)
有小小涼意，做下運動真不錯
(有個FIT 爆的公公，我都要努力D)
運動完回來就陪剛好睡醒的小霸王食早餐
(有你咁甜美的笑容... 飽晒! ♥ )
食飽飽.... 呢三位小朋友又要嚷著玩水
但早上的天氣真係涼意，水溫都有D 冷，所以.... 都係玩下水算吧!
玩左一陣水，就轉去室內大浴缸再玩
暖水任玩都唔怕
玩飽就出發囉!!
由VIP VILLA 坐車去，路程唔洗一小時
YEAH!~ 小朋友非常期待睇動物
由於OPEN ZOO 地方都好大下，
所以最好+舒服的遊覽方法就係.... 自費租用GOLF車啦! (一架可坐4-5人)
當然亦可選擇坐免費大巴士 (時間就唔可以自己控制囉!)
我覺得呢到入場咁平，大人都唔洗HK$70 (小朋友半價)
你租架GOLF車都係好似幾百銖，係咪租得過呢?
** 租GOLF車，係要有車牌架!! 放心... 唔需要國際牌 **
咪以為GOLF車就好慢，唔係囉!!
所以小朋友真係要緊握扶手呀!
Khao Kheow Open Zoo 都算係一個泰國幾出名的動物園
呢到有得睇的動物都好多，
常見的，如: 鴕鳥、黑熊、老虎、白老虎、長頸鹿、大象、鹿、企鵝....
不常見的，如: 犀牛、白獅子、河馬....
多到數唔晒，有D 動物你仲可以好近距離接觸佢地
如果要睇晒所有動物，真係要一天時間吧!
但我地只用兩小時快速睇完就走啦!
♥ 不過都值得到此一遊 ♥
跟住返VILLA 休息下我地又出發 Shopping
女人又點可以唔買包包呢? 尤其係咁平的包包!
買完之後，為左體驗當地人的生活
我地好 Crazy 咁選擇包左一架篤篤車去晚餐地方
(相信固定路線的篤篤車係唔會有我地的路線囉!)
♥不過真係一個好不錯的體驗 ♥
DAY 2 晚餐，我地選擇左好出名的 Rimpa Lapin
係一間好受當地人歡迎的泰式懸崖餐廳
我地出發前已BOOK 定架啦! 30/12 唔係假日都全場FULL 囉!
由於太多客人，而我地又12個人，所以冇得坐懸崖o個邊
唔緊要啦! 黑蚊蚊都有海景睇啦!~
(最好book 5.30- 6點，剛好黃昏就勁靚)
呢到除左有海景睇，其實周圍都佈置得唔錯架!
坐在軟淋淋的sofa仔享受泰菜，真係好正!
(** 記住要做好防蚊準備**)
唔! 呢到不論是環境呀~ 菜式呀~ 氣氛呀~ 服務呀~ 都令人滿意 ♥
埋單都只係差不多一萬銖左右 (即係2千港幣)
以泰國黎講，呢到都叫做高消費。
但食得開心，一餐半餐冇所謂啦!
DAY 2 END
Khao Kheow Open Zoo: http://kkopenzoo.com/newversion_eng/?page_id=530
Central Festival: http://www.centralplaza.co.th/en/index.aspx
NaRaYa: http://www.naraya.com/index.php
Rimpa Lapin: http://www.rimpa-lapin.com/
Welcome to S.K.Y. Lovely Family
訂閱：
文章 (Atom)