K2 班 ~ ♥ 暑假完結了♥

長達接近兩個月的暑假又完結啦!!~

又要收拾心情繼續上學，

而媽媽們亦都要開始準備下.... 玩升小遊戲!! (唔玩得唔得呀?)

唉!! 未玩之前回顧下呢個 K2暑假

玩過D 乜?? 做過D乜? 

其實都冇乜點玩，因為大多時間我都係要返工

所以只有六日係可出外走走!

♥ 踏單車@ 大埔海濱公園 ♥ 

似足媽咪運動白痴的小霸王公主
踏單車..... 叫做可以吧!~ 但踏一陣就..... 放棄囉!
呢方面真係要Train train!

♥ 行街街@ YOHO MALL ♥ 

陪媽咪影布甸狗，點知.... 係佢仲影得多過我囉!!

♥ 芯芯生日會@ 瓏門會所 ♥ 

有得食、又有得玩下水的生日會

又真係唔錯!! 如果下午應該會仲好D

♥ 打邊邊@ 大埔超級城 ♥ 

小表姨同小舅父又返黎啦! 

大家聚一聚，多樂趣!! 

仲為我預祝埋生日!! SWEET!

♥ 帕卡後的玩水水 ♥ 

多得8號風球帕卡，令我地原定的聚會取消/延遲

只剩下..... 穿雨水玩水水... 哈哈!!

除左上面的節目，我地都有其他活動

小霸王生日 ♥ 去迪迪尼

爸B媽咪生日 ♥ 去海洋公園

台中四日之旅

Petite Princess ♥2017 Annual Performance♥

K2的暑假對小霸王公主都來得精彩吧!! ^_^

K2 班 ~ 小總結

叮一聲! 小霸王 K2學生生涯就完結啦~

九月就K3.... 要準備迎接新挑戰了! 

7,8月暫時繼續玩玩玩吧! 

♥回顧下小霸王K2呢一年♥

K2 上學期  -- 手工/勞作 /畫作

K2 下學期  -- 手工/勞作 /畫作

K2 上下學期  - 麵粉花興趣班的完成品  

估唔到小霸王對麵粉花的興趣唔係三分鐘熱度

仲越來越愛....  8個作品... 真係要諗諗下年點放好?

K2 上/ 下學期  -  得到的小獎盃 (共三個) 

總結:

係K2 呢一年，

小霸王明顯地更有主見、變得明白事理左，

放膽左、有自信左、自理方面好左，

學習上暫時都仲好自律，聽話! 

希望佢可以繼續好好享受幼稚園的美好時光!

K2 班 ~ 第25屆畢業暨頒獎典禮

話咁快七月都差不多完啦! 

小霸王足足放左接近一個月的暑假，真係好快呀~ 

而我終於有時間更新下個Blog  太好了

踏入七月的第一個上學天  就係K3的畢業暨頒獎典禮

好開心 今年我地都繼續有份出席

有左去年的經驗  今年我一早預約定御用攝影師(爸B)一齊出席

其實除左為影相外  我都想爸B一齊分享下囡囡的喜悅

今年小霸王同樣係得到『學習表現卓越獎』

第二年同囡囡一齊上台攞獎，

估唔到媽媽俾佢更加開心、更滿足、感觸

謝謝你呢年的努力用心學習，亦希望你能夠繼續加油!

(明年我地又又...一齊再參與畢業典禮，哈哈~ ♥)

今年攞完獎，我地就離場啦!! 

(因第二天要去旅行，要執拾行李，所以不久留了)

明年吧! ~ 明年必定留到最後吧~

為左獎勵小霸王今年的努力，就送上佢想要好耐的"森林家族"

小朋友喜歡玩具多過獎項囉~ 哈哈

回顧: 

K1 班 ~ 第24屆畢業暨頒獎典禮

K2 班 ~ 親子同樂日

三月尾又係時候參加一年一度的親子同樂日

咁重要的日子，今年梗係都要預埋爸B一份啦!!

有左上年的經驗，爸B 今年終於影到好多相

K2 明顯比 K1 大不同，就係全程投入

冇喊、冇扭計、冇搵我

(相信K3會唔鬼SO我)

今年同樣有好多親子活動，親子做運動、跳舞、玩遊戲

小霸王選擇左我陪佢一齊做運動同跳舞 ，玩遊戲就交俾爸B

令我都好意外 (上年乜都係我)

好開心見到開始懂事的小霸王，

雖然你仲係痴媽妹，但已經有進步! 叻叻!!

親子同樂日，明年再玩過!

回顧: 

K1 班 ~ 親子同樂日

K2 班 ~ 親子賀年咭設計比賽

YEAH! 再接再厲... 又黎過

每年唯一一個親子比賽，今年我地都有參加

自問藝術天份唔高的我，真係..... 交到功課就可以

獎勵有冇都係其次，最重要係今年想小霸王多D參與

就算係貼下圖、油下顏色都好

簡簡單單地一齊完成啦!!~

呵呵~ 估唔到.... 今年都幸運地得到學校的欣賞+厚愛

取得"優異獎" (同上年一樣，感動..ING)

爸B 話呢個係豬肉獎，冇人參加先俾我地，但完全唔係架....

我見今年得獎者中，有位K3家長係三年都有參加，今年先第一次得獎

所以係好公証架!! (哈哈~我地係靠食力架!)

唔知係咪上年有攞過，今年小霸王冇上年咁興奮

(亦都可能係佢唔舒服冇乜精神吧!)

明年會係最後一年玩，我地要更加努力!! 哈哈~

回顧:

K1 班 ~ 親子賀年咭設計比賽

K2 班 ~ 秋季親子旅行

一到秋天，就會諗秋季親子旅行幾時到?

又係時候陪囡周圍走....

原定11月尾的旅行，因天雨取消而改期

(好彩改期咋，唔係小霸王同我都冇得去玩... 點解... 我地去左法國住....哈哈)

日期: 12月15日

地點: 錦田鄉村俱樂部

時間: 09:30 - 15:30

改左期.... 令爸B今年都係無緣參與... 真係有D失望 (明年吧!)

唔緊要啦!! 仲有媽咪陪囡玩嘛!!

一去到... 已經好急切地叫我帶佢周圍玩

梗係唔得啦! 例牌要玩下親子遊戲/ 影下大合照先可以自由活動

幾經辛苦.... 終於可以自由活動...

小霸王即叫我去摘士多啤梨呀~ 

之後..... 係掘蕃薯  (自家種的又真係好味好多)

玩左都唔夠1小時就滿手都係野 

(真係蠢左... 下次最後先做...>_<)

唉.... 耕作完.... 係時候要餵下佢D朋友仔... 哈哈...係豬仔

再黎... 就係佢最愛... 冇走雞...

一心諗住佢自己玩實冇收獲  (我諗多左...??)

點知... 唔知係咪呢到D魚游得慢定係佢叻左?

♥ 最後居然中左 2 條 ♥

(攞左返屋企，養左十幾日就BYE BYE 晒)

玩左咁耐，係時候休息下食D野

今年都係愛心便當 (比上年小，怕食唔晒)

食飽飽.... 話咁快又周圍玩、周圍跑、周圍跳

今年旅行最大唔同的是.....

終於見到小霸王肯同D朋友仔一齊玩啦!♥

(平時聽班主任講佢有好多朋友仔，但我都唔係好信)

呢日終於見識到啦~  

(好安慰!! 我真係驚佢冇朋友架!)

今年真係比上年輕鬆D

因為有1/3時間佢係同朋友仔玩，我只係望住佢就得

我諗明年..... 應該會更輕鬆吧!! 哈哈~

我的痴媽囡.... 開始... 放開我隻手啦!

(矛盾.....ing.....)

K2 班 ~ ♥ 她給我的一封信♥

K2雖然只開始左一個多月，感覺上課程教快左好多

可能K1真係俾小朋友同家長輕鬆下先

K2就要即趕上，不過課程暫時都係唔深，小朋友應該好易適應

有日收到一封信  (信封面係老師之前叫家長準備的)

小霸王說: "媽咪，我寫俾你架"

從書本知道近日主題是"寫信"

由寫信→ 到郵局買郵票 → 寄信

一連串都是小朋友自己做 (不錯的校外活動)

呢封信沒有文字，只有圖畫

但我都能夠猜到小霸王想表達的意思 ♥

♥ 我同佢去公園玩 ♥

可能有人會覺得.... 我地陪小朋友玩、陪佢地乜乜乜....

但我個人就覺得唔係... 係相對的

你陪佢地，其實佢地都陪緊你

佢地需要你，你亦都需要佢地

你令佢地開心，佢地亦讓你開心

佢笑，你笑

佢喊，你喊

可能自己童年時，父母出外工作賺錢好少時間陪我

好彩我有姐姐哥哥妹妹陪住我長大，唔會寂寞

但小霸王唔係，獨生女O既佢話: 唔要弟弟/妹妹!

所以我將自己所有時間俾晒佢!  (好快佢就唔會唔洗我陪)

悄悄的回信: (希望長大後的你睇到吧)

♥我的寶貝女兒，好感謝你!♥

感謝你的甜心 - 成日偷吻我

感謝你的蜜語 - 成日話愛我

感謝你的窩心 - 成日抱抱我

感謝你的懂事 - 報喜不報憂

感謝你的硬頸 - 令我提升EQ

感謝你的古惑 - 令我常開心

♥ 我愛你!! ♥

K2 班 ~ ♥ 開學了♥

開左學都有兩星期多了，而家先黎寫返真係有點懶 (我指我)

隨住小霸王升上K2   要陪佢學習的時間多左

自由時間相對上又再小D ..... (冇計!)

由K1生轉為 K2生    開學前要準備的真係小好多

可以話係冇乜野要準備   哈哈~ 

除左.....

開學日必要的 "100分早餐"

(我個人係比較直接/現實.... 希望小霸王係K2都能夠樣樣取得100分)

諗下好..... ^-^

校服仲著到唔洗再買

但波鞋仔同襪仔... 要買

估唔到一開學就已經體驗到 K1同K2的分別

平日功課:  1 --> 2/3

放假功課:  2 --> 3/4

功課量暫時唔算多，但K2正式要寫字

所以改為放學後嫲嫲睇住佢做功課(主要係寫字)，我放工返到去就核對!!

唉.... 要小朋友乖乖寫字真係唔係件易事

大家一齊加油吧!!

So far 除左功課上佢唔係咁適應之外，其他暫時都冇乜野

始終同一個班主任、同一班同學，係真係好d o既

(♥ 感情會越來越深厚!! ♥)

題外話 / 小分享

小霸王的班主任好錫佢架!! (佢自己話俾我知)

唔知係咪咁, 所以班主任好鍾意同佢講野

開學日那天.... 小霸王同我分享一件小趣事

我:  BB, 今日班主任有冇同你講乜?

小:  有呀!

我:  咁講乜呀?

小:  佢叫我 XX 豬豬早晨 (XX = 中文名)

我:  跟住呢?

小:  我答佢我唔係豬豬囉~ 爺爺先係豬豬 (嫲嫲話佢知爺爺係"懶瞓豬")

我:  跟住呢?

小:  佢都仲叫我XX 豬豬囉

我:  跟住呢?

小:  我發脾氣囉~ 喊囉

我:  傻豬，老師同你講下笑咋! 唔洗喊架! 你可以同佢講，唔好叫我豬豬叫其他得唔得?

小:  係囉!! 叫牛牛又得，叫魚魚都得

我:  下次佢再叫你豬豬時, 你同老師講

小:  好!

*** ♥ 小朋友真係好可愛!! ♥ ***

Welcome to S.K.Y. Lovely Family