Petite Princess ♥ 2018 大匯演暨頒獎典禮 ♥

😂暑假最後一激 😂

就係辛苦地練習左兩個月的大匯演暨頒獎典禮

今年係第二年玩，感覺比上年冇咁緊張

因為小霸王公主真係長大左，可以自己照顧自己😘

所以小左好多擔心，做觀眾的我就多左好多安心

今年的練習時間比上年多  而舞蹈明顯比上年難左

而小霸王公主居然好鍾意去不同的劇院彩排

見識下唔同劇院都係一個好體驗吧!!!

分開兩日的大匯演暨頒獎典禮

第一日先係頒獎典禮

小霸王係第一年出席頒獎典禮架

仲好幸運地得到三個獎同表演

#進步獎

#舞台之星銅獎

#舞藝優秀獎

媽咪好開心睇到你今年係舞蹈上的努力、進步同投入

感受到你是喜歡跳舞、表演

第一晚的表演已經好正

第二晚的大匯演  表演仲正，好精彩

不論是爵士舞或是芭蕾舞   小朋友都表演得好好

個個都好叻叻!! 👍👍👍

Good Show!! Well done!!

係跳舞上認識左好多隊友及大姐姐、小妹妹

大家一齊努力練習、演出

大家互相鼓勵及支持

😍 呢份友誼真係來得珍貴!! 😍

明年大家再玩過!! YEAH!!

回顧: 

Petite Princess ♥2017 Annual Performance♥

Jazz 表演@荃灣D.Park

呢個暑假，基本上..... 有一半時間係.... 跳舞

各式各樣的上堂、彩排、表演

雖然我冇份跳，我都覺得有點累

但小霸王公主卻沒有跟我說"她累"

相信佢真係愛上跳舞、愛上表演了

(你不說累，媽咪我又怎能說累呢?)

暑假第一個表演 - 商場SHOW

淡定、有自信、開心

YEAH! GOOD SHOW

呢次表演仲有機會同兩位靚媽合照

真係一定難得的機會!! 

加油!! 期待你下一個表演!!

Jazz 比賽@柴灣青年廣場

一段時間冇更新了 

最主要係呢段時間的心情太緊張  再加上很多事情需要做

幸好 最緊張的小一派位已經在 2/6 完結  我的心情終於都輕鬆晒

(小一派位就留待下一個POST先分享吧)

我地可以開開心心咁迎接小霸主公主的畢業典禮

同埋最後兩星期多的 K3學習生活

講返正題先

為左 5月中的Jazz 比賽，

小霸主公主好努力地練習左兩個多月

呢次係佢第二次比賽  當然同樣地唔俾太大壓力佢

"ENJOY & HAVE FUN" 最重要  輸贏不重要

對手真係一次比一次強勁 (年齡大左，係勁好多)

而佢地的表現都一次比一次進步同合拍

雖然最後只得優異獎，但唔緊要，盡左努力已經可以了~

你永遠都是媽咪的NO. 1

期待你下次的表演/比賽 !

Fighting !! 

忙碌♥開心♥傷感♥ 的十一/十二月

接近三個月冇更新了， 呢三個月的生活實在太充實

上班時間完全冇停手 (想偷下懶都唔得)

下班就.... 完全累到冇朋友.....

工作上過左年尾，終於忙完七七八八了

剩下來的.... 對我來說都算輕鬆!! ^^

工作就唔再多講，講返我家小霸王公主吧!!

呢二個月都冇乜點帶佢周圍玩

因為佢星期日好多時間都用左去彩排跳舞

好彩佢鍾意咋! 唔係.....

♥ 野餐 @ 紅磡嘉里酒店草地♥

十一的天氣都仲係熱熱地，但都好適合野餐

本來就計劃去迪迪湖的，可惜小霸王公主病病地就改左去近D 地方玩一陣

我地一點左右到，冇乜人好舒服，係就係冇遊戲設施

但小朋友都有地方走黎走去，玩得都好開心

最重要係玩完，仲可以近近地去黃埔行陣街街

♥ 攤位遊戲 @ 元商中學♥

好小會帶佢去玩，因怕多人
幸好呢日居然冇乜人，都玩左唔小攤位

♥ 平安夜表演 @ 愉景新城♥

彩排左一個月的表演，大成功!
最重要係佢能夠開心同投入地跳舞，更加增強左自己的自信心!!
期待你下次的表演

♥ 聖誕節 @ 屯門 ♥

問佢想去邊到?? 佢答你屯門.... 吓?
一來可以買聖誕禮物，二來可以去埋"爬蟲館"
真係唔知道有乜咁好睇?? (其實係得我怕咋)
聖誕大餐... 佢揀左去食有高速線的元氣，有得玩有得食
佢超開心囉!! 哈哈

♥ Boxing Day @ 天水圍 ♥

近近地去下公園玩下，行下街街咁就算囉!

♥ 除夕BBQ @ 大埔麥師傅♥

一行十幾人去任食BBQ.... 由七點幾燒到第二日零晨二點幾
生完阿囡之後，真係第一次玩到咁夜呀!
但一家人能夠開開心心BBQ，係一件好幸福的事!!

*************************
點解最後會用個"傷感"黎形容呢?
十一月..... 自行派位.... 冇我地份....
十二月..... 一個親人離開左我地.... 好唔捨得....
估唔到.... 來到 2018年尾先發生咁難過的事
希望2019年我的家人繼續健健康康 ，開開心心!!

身心疲累♥困惑♥ 的十月

開左學已經兩個月了，估唔到黎到 K3都會發生好似 K1的黑暗日子

我指的黑暗日子係....... 

『小霸王公主居然扭計+喊爆唔肯返學足足一星期』

K1就話唔習慣，K3呢? 叫乜呀??

最好笑..... 就係.... 十月頭先黎喊?? 咩事呀?  

我自己有仔細地諗過，當然都有問下班主任

有咩野係改變左?

♥ 十月頭紅假連住上，變相我陪多左佢，所以唔想分開? ♥

♥ 嫲嫲幫表妹湊左阿B女，令佢感覺失寵? 唔習慣 ? ♥

♥ K3 分離症?  小一恐懼症? 佢知道自己就黎要上小學 ♥

三個原因都有可能，但係..... 應該似係 K3分離症+小一恐懼症

因九月尾揀學校，又有小一面試等.....

所以.... 

為左佢情緒唔好再咁大上落，暫時我地都唔會係佢面前提小學

.............................................

........... 唉 ........

好彩呢個黑暗的日子只維持左兩個星期左右就結束

暫時佢已經回復返正常，希望唔好X 100 再發生!!

雖然十月大部分時間都係激到你炆的日子，

但儘有小小開心的回憶! 

♥ 角色扮演 @ 童夢城 ♥

唉.... 正正係黑暗日子中，唔鍾意的佢完全唔肯扮/玩

好彩最後佢肯乖乖地扮下護士湊下BB同整下杯面

唔係.... 真係激四我架啦!! 

♥ 第一個JAZZ比賽 @ 德藝雙馨 ♥

 好喜歡見到佢自信滿滿的樣子，亦都好鍾意佢得獎時興奮的舉動

雖然只係得到優異獎，大家口中的第四名

但係佢係全隊中表現得最開心最滿足的一個

排名/ 得獎與否，唔係最重要架! 

開心地享受比賽不是更好嗎??

♥ 晚宴 @ 流浮山 ♥

圍村叫做"食汕頭"的晚宴，每年都會出席

順便帶小霸王睇下日落影下相

隨住10月的過去，放榜的日子開始倒數啦!!

(只能在我心中倒數)

Petite Princess ♥2017 Annual Performance♥

Petite Princess 每年暑假時間都會舉行大匯演

好讓學員多一個大型的演出經驗

雖然學左接近三年，但我一直都冇俾小霸王公主參與

一來之前年紀小，怕佢唔適應，二來同學仔唔玩，就冇玩

  

隨住小霸王公主今年升班，為左佢可以大膽D

今年就俾佢嘗試參與一下

由六月到八月，每星期二堂/三堂

小朋友要密集式排練，仲要有埋綵排, 總綵排.....

基本上，暑假的六日時間大部分用晒黎排練/綵排

幸好小霸王公主好開心地一一適應過來

原來同一大班小朋友一齊跳舞  對佢黎講係好開心的

兩個半月的排練後，話咁快就到八月中，正式舉行大匯演!!!

地點: 浸會大會堂

不過~ 越唔想發生的事，往往都會發生，就係.....

大匯演的前兩天，小霸王公主突然發燒，幸好只係微燒+冇其他唔舒服

睇左醫生+食藥後，發燒左兩天，

到大匯演當日，幸好燒已退，但體溫仍然比平時高

我都好矛盾應否俾佢表演，小霸王公主自己就堅決要參與，

見佢精神唔錯，就... 聽佢講一次吧!!~

最後，演出大成功!! YEAH!

病住都能夠投入地表演，媽咪我真係好感動+佩服!!

原來小朋友經過磨鍊後，真係會成長得更快! 更好的!

所以.... 下年有機會都會繼續俾佢參與

Good Show!!

爵士舞 Test 1

5月尾是舞蹈學院的開放日 (一年一次)

今次終於有機會睇到小霸王上堂跳舞o個樣

都尚算不錯   認真的樣子最可愛 (哈哈~)

學左兩年多芭蕾+爵士舞

發現佢真係比較鍾意爵士舞多d

所以決定升班時揀返爵士舞

Bye Bye 芭蕾舞!!

由粉紅小公主搖身一變為紫色大公主，同樣好可愛!!

(唔可以再玩玩下啦!!~)

加油呀! 繼續愛跳舞!

回顧:

幼兒芭蕾舞爵士舞班 Level 3

幼兒芭蕾舞爵士舞班 Level 2

學前芭蕾爵士課程 Level 1

Jazz 表演 @紅磡置富都會

因為平日要返學，所以很小機會參與跳舞表演。

呢次難得同學仔一齊玩再加上係復活節期間綵排，就再玩下啦!!

今次係表演爵士舞，所以舞蹈呀~ 化妝呀~ 打扮呀~ 都唔同

感覺活潑D、開心D... 哈哈~

一年半後再參與表演，

小霸王比上次淡定左好多，仲多左唔小自信心

不過唔知點解佢上台前同上台後仲係兩個樣，

上台前係都要扭下計咁，小女孩心思真係有D 唔明

BTW，媽咪心態 Good show就唔理你! 哈哈~ 

希望你能夠係不同的表演中，建立更大的自信心!! 

回顧: 

First Ballet Performance

A.T.O.D. & R.A.D Exam Level 3

話咁快又一年啦!~ 四五月係芭蕾舞考試的月份

今年小霸王都係報晒兩個考試，今次應該係最後一年考 R.A.D

因為六月開始小霸王會正式分班，而佢揀左 Jazz

(佢太活潑，適合爵士舞多d，哈哈)

2017.04.06  - A.T.O.D. Exam

2017.05.02  - R.A.D Exam 

第二年考試的小霸王，感覺上完全唔緊張，好輕鬆

可能仲未係有難度吧!! 明年你就知味道

希望你會繼續熱愛跳舞!! 

回顧: 

R.A.D Exam Level 2

A.T.O.D. Exam Level 2

幼兒芭蕾舞爵士舞班 Level 3

剛過去的星期六  係小霸王芭蕾學院的開放日

家長仲可以陪小朋友上課+觀課

雖然一年得一次機會，但我選擇左返工.... 唔去!! 

因為我知佢一定會怕醜唔跳俾我睇，所以我就叫爸B去

爸B將佢上堂的一舉一動拍攝下來

我可以睇相啦~ 睇Video....  (辛苦晒爸B)

只係睇Video 我都可以感動得眼濕濕 (想像唔到如果我有去,.. 我會點??)

真係大得好快呀! 唔可以話跳得好叻，但都叫做有進步!

見到佢好開心咁跳、好投入咁跳

相信佢真係好鍾意跳舞

話咁快又升班啦!!  LEVEL 3 要繼續加油呀!

明年就會分班... 到時唔知揀 『芭蕾舞』定 『爵士舞』 好呢?

回顧:

幼兒芭蕾舞爵士舞班 Level 2

學前芭蕾爵士課程 Level 1

Welcome to S.K.Y. Lovely Family

R.A.D Exam Level 2

踏入五月   又要請假陪囡..... 考試

冇錯  上個月先考完咋! 話咁快五月六日呢日又黎

今次仲要係平日   我要請假  小霸王都要請事假

九點要去到奧運總校報到

所以.... 八點就出門迫西鐵

唉.... 返工時間的西鐵真係勁多人，好彩坐到架特別車有位坐咋

今次同樣放低佢入學校準備

而我就係外面同D 媽咪傾下計等佢

話咁快就考完啦!! 見佢輕輕鬆鬆咁走出黎

問下佢考成點?

我:  係咪零分?

小: 唔係，一百分呀!

(唉... 自信爆左燈囉!! 哈哈~)

暫時都係未知結果，但見佢一次比一次大個女

一次比一次淡定，一次比一次更有自信

♥ 呢個表現已經值回票價了! ♥

有人仲要求我買野獎勵佢?

小:  媽，我想買玩具

我: 點解? 點解要買玩具? 你有乜野做得好好呢?

小: 我好乖咁跳芭蕾囉!!

真係....♥.... 

唉! 就獎勵你啦!!  

Welcome to S.K.Y. Lovely Family

A.T.O.D. Exam Level 2

早於去年尾已經為小霸王報左名

考 A.T.O.D. Exam (澳洲舞蹈教師協會) 同 R.A.D Exam (英國皇家舞蹈學院)

報咁多??? 冇計.... 

未知道佢鍾意芭蕾多d 定係爵士舞多d ??

二月時，學校的 A.T.O.D mock up exam 

就因為發燒冇去到

三月時，學校的 R.A.D mock up Exam

就第一次去總校考，成績都ok

話咁快，四月七日就係正式考 A.T.O.D. Exam

我心情應該俾小霸王更緊張

唔係怕佢Exam result ..... 而係怕佢會..... 喊

唉.... 怕的原因???

- 佢最好的朋友仔冇報考呢個

- 家長不用梳髻，學校會攪掂 (唉... 勁怕佢唔肯囉!)

- 陌生環境.... 實搵我....

為左令佢唔好咁依賴我，呢日我只係放半日 (佢考下午)

由爸爸照顧佢同埋帶佢黎總校等我

爸爸話：　佢好乖！好聽話!

(冇我係到，佢肯跟爸爸)

考試前都盡量令佢開心同放鬆

時間到要入校準備，佢都肯乖乖跟住 Annie 姐姐/ Miss Ho 入去

而我就係校外等一陣先 (怕佢扭計)

直到 Annie 姐姐話:  

『媽咪，Miss Ho幫佢梳好髻，乜都攪掂啦! 佢同Miss Ho仲好好傾，

放心啦! 你一陣先返黎接佢，有乜事我打俾你啦!』

哇!! o個刻真係好意外同好感動囉! 

唔敢相信..... ♥ "終於都大個女啦!" ♥

我真係可以放開手了! ^_^

雖然佢考試期間我手機不敢離手，但最後手機都冇響過

可以叫做放心晒!

考試完啦! ~ 結果好似要等到十月先知 (咁耐???)

不過唔緊要啦! 無論個結果係點，小霸王佢呢日的表現已經係好好了!

小小的年紀就無謂要佢知道考試係乜啦

開心地享受o個過程 (當上堂) 不是更好嗎?

Welcome to S.K.Y. Lovely Family

Ballet 表演 @紅磡海逸坊

學左芭蕾舞都有九個月多的小霸王，係 2016年終於都要面對下挑戰啦!

除左報左名考試之外，就係有機會參與表演

我幫佢報名參加表演時，對佢都唔太擔心    (從佢平時表現黎睇咋)

聖誕期間去練習 - 相安無事的

點知..... 去完個旅行返黎，我就覺得有點不安，而且唔敢抱太大期望

咩事?.....  (留待旅行遊記先分享)

本身家人們都想現場睇小霸王表演

但我拒絕了，因為我怕佢地失望而且場地冇位，要佢地企太耐太辛苦了

所以表演當日只有我同爸B咋!! 哈哈~

表演當日  下午12點先返芭蕾舞學校彩排+化妝

唉.... 彩排冇問題，點知.... 到化妝呢? 

呢位小朋友就開始唔合作

小霸王:  我唔化妝呀!~  我唔搽呀!~ 我唔整頭頭呀!~ 乜都唔要，乜都唔整.....

幸好爸B的威嚴收復左佢，令佢願意由我幫佢化妝+整頭

真係辛苦晒.... 我囉!! (哈哈!)

彩排完就散隊，各自準時四點到達場地

我地先去食午餐，之後就慢慢出發啦!

到達場地，先幫小霸王換好衫，再等會合 

咪見佢個樣咁合作就......唉.....

諗住交低佢俾老師，我地就霸位影靚相

點知.... 佢爆喊話要搵我，好彩老師肯俾我陪佢咋，佢先肯收聲

(當時我更加打定左.... 佢會發台瘟?唔肯上台? 的諗法)

陪佢等表演的一小時中，佢都尚算合作，

冇再發脾氣...  冇再喊....  好開心睇人地表演

仲好期待自己的表演

最後，現場彩排同正式表演.... 佢都....

成功

上左台，簡直係換左另一個人咁

O個刻我見到佢咁淡定地表演，自己都不自覺流下眼淚

可能我心中一直冇抱過期望，所以..... 得到意想不到的結果

係多麼的高興、感動、安慰

感謝你沒有令我地失望，能夠成功地在人群前表演

將整首歌的舞蹈及口令都全部記晒

We are proud of you, baby

為左獎勵佢的努力，

當然係俾佢自己揀佢想要的玩具，玩佢想玩的

最後... 

佢居然寧願去通利玩下琴都唔肯去冒險樂園喎! (哈哈~)

希望小霸王能夠係呢次表演中

學會增強自信心、放鬆、大膽吧!~

Welcome to S.K.Y. Lovely Family
Date:   2016.01.10 (Sun) ~ 3y5m28d
Place: 紅磡海逸坊

幼兒芭蕾舞爵士舞班 Level 2

轉眼間    小霸王就學左四個月芭蕾啦! 

So far 我覺得佢係好鍾意同好開心咁去上堂   (^0^)

問佢繼續與否?? 

佢答我: 學呀!  (咁就keep on 吧)

我家的陽光小女孩

其實早在七月份開始   佢已經升左 Level 2啦!

即係代表怇唔可以再玩玩下   

沒有佢熟悉的兒歌    而換上只有音樂的歌曲

佢要開始學習節奏感、跟住節拍做動作....

(暫時都仲enjoy!)

我曾經有一刻諗過.... 學左芭蕾舞佢會斯文d?

但.... 事實係....冇可能囉!

 Level 2 加油呀!  

My Little Princess 

回顧:
學前芭蕾爵士課程 Level 1

Welcome to S.K.Y. Lovely Family

Date:   2015.08.08 (Sat) ~ 3y0m26d 

Place: 小公主舞蹈學院

學前芭蕾爵士課程

呢個復活節假期

小霸王除左玩之外    亦開始佢人生的第一個興趣班

♥ 真係第一個架! ♥

Play Group 都冇正式上過    只係免費試過一堂咋

(小霸王婆婆下令唔准佢參加，

婆婆話咁細過、有多菌，唔准!!)

直至近排 

小FAN 見小霸王都過左 2歲半

好多興趣班都可以玩

所以.... 就俾佢試下堂先

女仔當然離不開跳舞啦!! 

原本打算報SDX的     但係學費唔平 + 要俾錢試堂

就搵左第二間都出名的『小公主』試堂 

試完堂問小霸王鍾唔鍾意? 

♥ 佢一句:  好開心，好鍾意! ♥

咁就 JOIN 左啦! 

以後每個星期六早上  就係『她與芭蕾的重要約會』

私心的小FAN 好鍾意套芭蕾衫囉!

(一見到即刻想佢 join   咁當然要佢鍾意先得)

♥ 第一次正式上堂 ♥

見佢跳完個樣都好開心，好滿足

仲會同我分享老師上堂教佢點跳? 點唱? 

希望佢能夠繼續好好享受吧!! 

Welcome to S.K.Y. Lovely Family

Date:   2015.04.04 (Sat) ~2y8m22d

Place: 小公主舞蹈學院