▌大阪遊 ▌ Ready GoGoGo!!

好緊張!

好期待!

好開心!

好興奮!

小FAN個心都唔知係

興奮定係緊張到砰砰聲呀!

小霸王

【第一次坐飛機 の旅行】

終於出發啦!!

而家我地準備出發去機場了!!

OSAKA

We're coming!!

GO GO GO!!

五月生日之星

2014.05.24 (Sat) ~ Day 681

數一數

原來已經三個多星期冇返大埔娘家啦!

小霸王都有叫我「返婆婆到」

因為佢記得SATURDAY 係要返婆婆到

所以我估佢真係好掛住婆婆、公公、表姐弟佢地

今日終於可以返去啦!!

唔知小霸王係咪太開心

一早七點就起身

所以我地就唔夠八點就返到婆婆屋企

一整天我地都冇出街

天氣咁熱留在家中休息比較舒服

嘻嘻哈哈~

等到晚上七點我地先出去食飯

為五月之星 ~ 慶祝生日

Happy Birthday to 姨丈 & 細姨

我地揀左大埔墟新開的富熹園韓日料理

HK$198 /位

任食1.5小時

新張期內九折，即免左加一囉!!

新地方環境乾淨

食物款式一般

味道可以

服務可以

以HK$198呢個價錢 + 只係食1.5小時

 就真係貴左D 囉!!

如果佢地唔減價 / 加長時間

相信過一排唔會咁多人黎囉!!

由於好準時叫你走

而且1.5小時食都唔夠時間食

所以... 蛋糕就... 攞返屋企先再切

細姨
祝你 新工作順利
越來越靚
身體健康!!

木酢 健の貼

『木酢 健の貼』

小FAN 本身真係冇乜點留意呢D

後來妹妹介紹話唔錯

咁就買黎試下

我係打算俾自己試下架

但諗諗下... 不如俾老公仔試先

始終佢長期瞓"榻榻米"嘛

(老人家話濕氣會重D)

所以... 就讓佢做左白老鼠先, 哈哈!!

主要效用 
  • 有效排毒袪濕
  • 有效減輕手腳浮腫現象
  • 有效改善睡眠質素
  • 加強血液循環及新陳代謝
  • 改善手腳冰冷或手痳腳痺等情況
  • 有效對付不同痛症包括腰酸背痛、關節腫痛、肌肉酸痛
  • 有效舒緩肩膊僵硬、減輕肌肉疲勞、酸痛等現象 

木酢健之貼使用方法

1. 將印有字樣一邊的粉囊貼於透氣彈性膠布上。
2. 使用時利用彈性膠布伸展張力緊貼皮膚，以防卷曲鬆脫。
3. 於睡前將已組合的粉囊及膠布置於雙腳腳底。
4. 可持續使用8-10小時，睡醒後可除去。
5. 使用後用水清洗腳底。 

係我幫老公仔貼緊健の貼時

小霸王唔知係到諗緊乜呢?

咁專心? 咁入神?

連續用左三晚

問老公仔有冇乜感覺

佢話冇囉? 吓...

觀察多幾日先...

男人就係咁...

激死人呀!!

▌韓劇推介 ▌最佳愛情 (최고의 사랑)

【劇集簡介】

為韓國MBC自2011年5月4日起播出的水木迷你連續劇，由洪氏姊妹（洪貞恩、洪美蘭）執筆。講述超級巨星獨孤振和過氣女明星具愛貞之間的浪漫愛情喜劇。


全劇: 16 集完


【劇集內容】

非好感過氣女星VS國民好感NO.1男星，一段妙趣橫生卻不被認可的話題愛情！前女​​子組合“國寶少女”的長具愛貞（孔孝珍飾）而今已淪落為生計型藝人，靠扮醜搞笑博得出鏡率。偶然情況下她偷聽到自己原本崇拜的國民頂級偶像獨孤真（車勝元飾）的小秘密，並在錄節目時不慎公開。氣急敗壞的獨孤真要求刪除錄像，兩人理論間他吃驚的發現自己面對愛貞時竟會心跳加速。原來獨孤真的心臟曾做過手術，“靠近這個女人心跳就會異樣”的奇怪事實令他開始下意識關注愛貞。獨孤真的合約女友姜世莉（劉仁娜飾）是傳與愛貞不和的前隊友，她即將主持的一檔打造情侶的新綜藝給了愛貞出鏡機會，男方是完美院長尹必週（尹繼尚飾）。隨著節目的進行，尹必週出人意料的選擇了愛貞，並透露出假戲真做的意向。這對反差極大的“情侶”掀起了全民八卦的熱情，卻令意識到自己愛上愛貞但無法公開的獨孤真鬱悶不已。

【人物介紹】 

獨孤真 (車勝元 飾)
雖說是非好感，但總覺得有點什麼。頂級明星！國民絕對好感第一位！完美的男人。既性感又體貼的男人。各種人氣投票的第一位！也是廣告主們最喜歡的模特，包攬了國內各種的廣告。年輕時候做過心臟手術，體內裝著人工心臟，在闖過鬼門關之後，產生了要活得更加完美的強迫症。身上帶著心率檢測儀，習慣隨時檢查自己的心率數字，在生活中更加嚴格地控制自己，目前與姜世莉只在對外的時候是完美的明星情侶。


具愛貞 (孔孝真 飾)
雖然10年前在4人組合“國寶少女”中活動，受到大眾的矚目，但後來因為成員不合，在留下了無數的猜測和緋聞的情況下解體了。現在以過氣往年偶像的非好感形象，靠偶爾拍拍節目，去娛樂場所表演維生的生計型藝人。拜與獨孤珍的惡緣所賜，抓住了出演當紅相親節目 “打造情侶”的機會。相親的對像是超頂級溫柔男尹必週！她把這當做一生只有一次的機會，決定竭盡全力去表現。


尹必週 (尹啟相 飾)
超頂級溫柔韓醫院院長，擁有完美條件的晴雨表男。韓醫院院長，名符其實的超頂級溫柔男！是擁有完美條件的晴雨表一樣的男人。一直只顧著熱衷於學習，對演藝界完全毫不關心，在周圍人士的強壓和說服之下，出演了電視節目。


姜世莉 (劉仁娜 飾)
熱門歌手兼演員兼主持人！過去與愛貞一起在“ 國寶少女 ”中活動。雖然當年並沒有受到矚目，但現在是熱門歌手兼演員兼主持人。現在負責主持愛貞與必週出演的綜藝節目 “打造情侶”。雖然跟獨孤真是公開的戀人，但兩人實際上是獨孤真為了避免緋聞而造出的合約情侶關係。


*******************************************************************

【觀感 / 評價】

如果有睇開女主角孔孝真的韓劇
都會知道佢向的演技不錯的
呢套亦不例外，演得好好

而男主角車勝元
小FAN 就真係第一次接觸佢D 戲
人稱車大叔的佢年過四十
雖然唔係後生仔，但就係咁... 演技先有返咁上下嘛
估唔到車大叔的吸引力都唔弱、COOL & 型得黎好攪笑，哈哈!!

一套唔係後生仔女演的韓劇
卻深深地令人喜歡喎!!
睇黎... 我年紀... 都係要睇返呢D...


推介: ★★★★★

返睇: ☻☻☻☻☺

▌小小世界 ▌@ ABC-磁性方塊學拼音 & ABC-有聲互動學習書

2014.05.26 (Mon) ~ Day 683

事緣係有日返工

家姐 Whatapp 問我香港有冇得買 "ABC"

佢想買黎俾佢小朋友玩

咁小FAN 就返到公司上網搵下

由於係繁體字

一定係台灣產品

所以TAOBAO 係搵唔到囉!!

經好姊妹的幫助下

知道博客來係有海外送貨的

YEAH!! 終於找到了!!

就係呢本.. LEARN ABC HAPPILY??

如果用呢個名係找不到的

『 ABC-磁性方塊學拼音』

搵你搵得好苦呀!!

(書本價值) 台幣 342 + (運費) 台幣 231 = 台幣 573 (大約HK$150)

注音磁性方塊 x 100個

連想式圖案拼音磁性方塊 x 40個

小霸王經我帶領下

都可以慢慢併到

希望不久後佢自己可以做到吧!!

搜尋時亦發現其他不錯的選擇

但.. 由於首次購買

小FAN 唔敢買太多

只係買埋呢個

『ABC-有聲互動學習書 』

(書本價值) 台幣 385 + (運費) 台幣 216 = 台幣 601 (大約HK$160)

左面係書本，右面係發音書

商品功能：

　　

　　1. 學注音：學習注音符號，可以搭配學注音的功能加深印象。
　　2. 找注音：注音符號的延伸學習，聽問題找一找，學習注音更好玩。
　　3. 學語詞：教孩子學習每個注音的相關語詞。
　　4. 找語詞：能讓孩子學會不同的語詞後，學習作答。
　　5. 學拼音：引導孩子學會如何拼音。
　　6. 拼音練習：特殊的拼音練習功能，學習更有趣。
　　7. 童謠唱一唱：三首可愛的中文童謠，附上歌詞與簡譜，讓孩子邊學邊唱好開心。

唔知係咪真人發聲有趣 D呢?

小霸王佢玩得好開心

當佢找到正確答案時

佢好興奮!

哈哈~

KEEP GOING!!

Learn with Fun

YEAH!!

流浮山晚宴

2014.05.18 (Sun) ~ Day 675

星期六返左法國醫院覆診

蔡醫生話：「好好!! 冇問題啦!!』

我就順便叫蔡醫生開埋D平安藥俾我地帶去旅行

呵呵!! 終於鬆一口氣了!!

雖然話好得七七八八

但小FAN 都唔敢帶小霸王去街街住

始終未完全話好返晒!!

所以今日我地都一整天在家

到晚上先出街

因為老公仔的婆婆生日

不得不出席

由於只係食個晚餐

就以『輕鬆、舒服』的打扮為主吧!!

又係小FAN 大愛的工人褲.. 哈哈!!

今晚晚餐係o係流浮山食海鮮

小霸王第一次去咋!!

(如果唔計在我肚中去過的話)

呢個勁鍾意魚蝦蟹的小朋友

見到... 就WAWA聲

好開心!!

而係人群中居然俾小FAN 見到

"歐陽震華"

佢真人原來係... 好高、好瘦、幾靚仔架!

見未日落晒

我地就到最入面行下

多得現今科技

小霸王肯乖乖地坐係到

我地就可以好舒服地慢慢享受晚餐

YEAH!

不過...

流浮山真係勁多蚊

做好防蚊準備 (蚊貼+蚊機)

仲有我同老公仔都已經唔貼蚊貼等D蚊咬我地

但都係... 會中囉!!

好毒呀!! D 蚊... 激死人!

公公病情

3月尾時

小FAN 都有提過公公 (即小FAN爸爸) 生病了

(公公生病了)

當時醫生告知是膀胱癌

約左 10/4 做手術

手術都好簡單

沒有任何傷口

只係經導管切除膀胱瘤及小小周邊組織化驗

手術後第二天晚上

公公就已經可以出院返屋企

14/5 先再返醫院睇報告

由知道到手術到睇報告

足足個半月

 真係... 食唔安瞓唔落

(o個個係公公呀! 小FAN 就... 唔太擔心

因為我信公公會冇事囉!)

哈哈!!

多謝上天的保佑

醫生告知：『結果係... 好消息! 唔係膀胱癌，只係一種同膀胱癌好似的瘤，你真係好好彩。唔係咁易中都俾你中到，好幸運呀!~』

小FAN：『瘤? 咁會唔會復發?』

醫生：『機會好微。』

哇哇!!

~ 謝天謝地呀!

謝謝上天對小FAN 家人的眷顧

小FAN 會繼續叮囑公公要好好保重身體!!

YEAH!!

婦科檢查 ‧ 陪公公覆診

2014.05.14 (Wed)

今日小FAN 原本仲係到諗

去唔去做檢查好

幸好小霸王出左院

小FAN 就安心晒!

請左早上半日假

BOOK 左9:40 去 婦科女醫生 - 陸加寧

做例行婦科檢查

今年同往年一樣

揀左做全面D 的檢查，但就冇驗血

HK$1000.- 精選婦女健康檢查計劃 (又加左價, 上年只需$920)

包括:

1. 身體檢查

身高: 155cm

體重: 46.5kg (哇! 比起上年重左2.2kg, OMG!)

血壓: 101/56

用手觸診 - 檢查甲狀線、心肺及腹部

2. 小便常規檢查 - Result: Normal

包括尿糖、尿蛋白及尿中有否紅細胞或白細胞

3. 乳房檢查 - Result: Normal

用手觸診 - 觀察乳房形狀、乳頭及皮膚變化、有冇異常

4.栢氏抺片檢查  - Result: Normal

5. 盤腔超聲波 (子宮、卵巢、輸卵管)  - Result: Normal

我諗只係用左15 mins

10日後先有report
等電話通知
希望所有野都正常!!

**********************************************

檢查完就坐車去北區醫院會合公公

因為今日係手術後睇報告的日子

咁重要又點可以唔陪公公呢??

(詳情下一篇先講)

公立醫院真係等到唔耐煩

明明約左12點

已經早左半小時登記

都要攪到成1點先睇

但講野就講幾分鐘囉

激四人!

睇完報告就即刻趕返公司

幸好只係遲左30 MINS 咋!!

唔係又要請埋個半日....



四日三夜法國...醫院之旅

上個星期小FAN的心情簡直係

“悲喜交集”

開心的是....

等左好耐的旅行終於confirm 晒啦!

只欠小FAN 請埋假就攪掂

(遲 D 再同大家分享下)

傷心的是... 又或者叫做痛心的是...

小霸王生病了、入院了!!

小朋友生病真係可以好突然架

完全乜都冇跡像囉!

唉.....

► 2015.05.08 (Thu) ~ Day 665 ◄

今晚小FAN 食晚飯時

感覺小霸王的體溫有點高

所以就幫佢探下熱

小小熱38.4度左右

當然就係飲定退燒水啦!!

呢日狀態好好好精靈!

► 2015.05.09 (Fri) ~ Day 666 ◄

零晨 4點幾左右

小霸王又燒返

再俾多次退燒水佢飲

到 小FAN 返工時

見小霸王已退燒 就叮囑 99 小心觀察

到 9點幾

99 話俾左退燒水佢飲

但都有退燒

咁就叫 99 帶小霸王去睇DR. LEUNG

由於佢乜都冇事，只係得發燒

驗埋小便，結果正常

DR. LEUNG 估計係... 作感冒

開左退燒水+消炎

點知返到屋企

居然燒到39.4度

我即刻叫99 塞退燒藥

幸好好快又退左

呢日狀態仍然係好精靈!

►2015.05.10 (Sat) ~ Day 667 ◄

零晨時份

又燒到39.7度

又再塞多次藥

不停退完又燒、燒完又退咁

今早又帶佢返去睇 DR. LEUNG

醫生話表面唔覺小霸王有事

寫紙叫我地帶小霸王去驗血 + X-RAY

驗血 + X-RAY 的過程

對於年紀小小的小霸王

真係... 一件極度恐怖的事情

小FAN 只係聽到『喊聲+媽媽』

做完晒，我地就返屋企等報告

下午先再去見醫生

呢個心情下

我地仲要帶小霸王去幼稚園交錢訂校服

唉!!

大約五點返去DR. LEUNG 診所

DR. LEUNG：『X -RAY 冇事，但驗血報告就話有菌，我建議你地帶佢入院檢查咩事。』

我：『咁幾時入院?』

DR. LEUNG：『今晚或明早啦』

我：『咁如果明早先入，你會開藥俾佢嗎?』

DR. LEUNG：『唔! 我都唔知開咩藥』

我：『竟然咁，我地就今晚帶佢入院吧!!』

等埋醫生信，

我地就返屋企收拾小小用品

出發去法國...醫院

去到法國...醫院

先要睇門診

我地要求要睇蔡榮豪醫生

但係門診A同事話蔡醫生放咗工

叫我地自己聯絡佢

(勁不負責任的門診A同事)

係冇計下，

我地照睇住繆XX醫生

我覺得佢係一個趕住收工的兒科醫生囉!

講晒病情+俾埋醫生信+報告佢睇

佢居然問我地：『你地黎睇咩架?』

(真係想... XYZ@#~!*&^ 佢囉!)

我地再講多次佢聽

佢就話：『哦! 咁入院囉!』

係辦理入院手續時我地多次同唔同的同事/姑娘講

「我地係要睇蔡榮豪醫生」

最後幸得爸B表妹(法國醫院工作) 同好好姑娘的幫忙

先可以轉到醫生

(點解私家都咁麻煩架????)

攪埋入手續上埋病房

都已經接近九點

蔡醫生初步檢查

係做左驗血、抽鼻涕驗菌

先再決定

抱住小霸王入診症室後

就要出外面

因為姑娘要幫佢種豆+抽血+抽鼻涕 + "釣"鹽水

一個人站在外面又再聽到

『喊聲+媽媽』

唉! 真係... 我真係...

喊埋出黎! 心痛死... 如刀割呀!

不過

經姑娘話返我知

原來小霸王好叻，唔係喊得好犀利

仲話種豆係戴表表喎!!

好叻女呀!!

由呢一刻起，小霸王 & 小FAN 的法國...醫院之旅開始了!

呢日狀態開始...疲累!

►2015.05.11 (Sun) ~ Day 668 ◄

始終都係陌生環境

小FAN 就瞓得唔係咁好

小霸王就可能因為藥力，又或者太累而瞓得都OK

不過... 眼就腫得好勁

嚇左我一跳!

"釣"左鹽水一晚

燒都仲係退下又燒

因為報告未出

所以醫生都只係開左咳藥 + 退燒藥

幸好呢日狀態回復小小精靈!

► 2015.05.12 (Mon) ~ Day 669 ◄

今日小FAN 要返工

日頭就99 睇住小霸王

收工就我黎接更

報告終於出晒

醫生証實係【副流感】

由於太普遍，醫生話唔洗擔心

好快好返

今日開始食抗生素

唔洗再釣鹽水的小霸王更加活潑到周圍走

晚上燒亦開始退晒

唔再發燒

呢日狀態是活潑精靈!

► 2015.05.13 (Tue) ~ Day 670 ◄

今早都係食抗生素+咳藥

早上醫生巡房時話睇埋今日如果OK就今晚可以出院!

YEAH!

放工就9秒9 去醫院準備接佢出院

唉! 點知醫生到 7點幾先黎巡房

批埋出院、攪手續、找數

都用左1個多小時

到 9點先出得院

返到家已經十點多

而我的小寶貝就... 瞓到隻豬仔咁啦!!

…。…。…。…。…。…。…。 …。…。…。…。…。

雖然呢幾日瞓得不好，好累

但見到佢冇事，自己都安心好多了

而今日的小霸王已經好返得7788啦!

經過呢短短的四日三夜法國...醫院之旅

我發現小霸王長大左好多

亦學懂左好多

佢對食藥呢樣野已經接受左，唔再發脾氣大叫大喊

佢對醫生護士就... 仲係有抗拒，但已經好左好多!

正所謂【經一事，長一智】吧!!

哈哈 ~

PS:

今年的MOTHER'S DAY 真係好難忘

在法國...醫院中渡過

亦收到如此貴重的禮物

小FAN 真係受唔起

真的不用再送上了

一次就夠!!