2018 ♥ 我們●生日@Ocean Park ♥

記得讀書時，我好唔鍾意自己的生日係o係暑假中，

因為冇人會記得我的生日 (哈哈~)

到出左黎工作之後，更加唔鍾意

因為... 生日去旅行特別貴.... (哈哈~)

直至.... 

我的小霸王公主出左世後   就完全改觀左.... 

因為我的生日變得特別左... 好玩左.... 開心左....

亦變成左 "小霸王公主與海洋公園的每年之約會"

(希望OP 繼續呢個計劃，咁我地就可以年年免費入場玩)

首先感謝我的家人  提前送上小FAN 最鍾意的布甸狗蛋糕

So HAPPY!!!💗 So NICE !!! 💗So YUMMY!!💗

💗💗仲有小霸王公主最鍾意的黑森林蛋糕💗💗

一如以往  生日正日必到地方

今年冇左下水禮  所以不用帶咁多野去玩了

相對上輕鬆左咁!! 

估唔到今年平日都咁多日   10點開門已經有好迫的感覺

我地先揀D 冇乜人去的地方玩同睇

今次小霸王公主好勁   連續玩左兒童版跳樓機三次  都唔驚👍👍

跟住  行過見到有鸚鵡  我地又睇下

仲幸運地抽中可以同鸚鵡近距離接觸

(唔好攪我.... 我負責影你地好啦!!😅)

到12點左右  我地就坐車過另一邊食野同玩

第一次餵海獅  (好好玩，$45得3條魚咋)

第一次睇海象  (好大隻，之前維修見唔到佢)

阿爸爸仲好犀利  贏左"珍寶獎"

獎品係有三分二個小霸王公主咁高   好好好大隻公仔呀!!👍👍

因為小FAN 我真係太耐冇玩過過山車

所以主動要求小霸王公主陪我地一齊玩

當然佢開頭都唔係好想玩  但佢都肯陪我地

最後.... 成功挑戰到!!

第一次玩過山車

玩完之後，佢仲話好好玩，一D 都唔驚!!

(下次可以挑戰刺激D 的過山車啦!! YEAH)

時間過得好快  五點幾我地又返返另一邊

感受下動夏嘉年華噴水的活動

真係噴到你濕晒  但好好玩  好有氣氛

雖然今年冇左下水禮  

但多左好多特別人物同你一齊影下相

夜晚的嘉年華表演  真係好正好靚

小朋友仲可以一齊玩  一齊跳舞

💕第一次係海洋公園睇到煙花囉!!💕

今年又係由開門玩到關門

好抵玩呀!! 😂😂好開心呀!!  😍😍腳好累呀!! 😫😫

回顧:
2017 ♥ 我們●生日@Ocean Park ♥
2016 ♥ 我們●生日@Ocean Park ♥
2015 ♥ 我們●生日@Ocean Park ♥
2014 ♥ 我們●生日@Ocean Park ♥
2013 ♥ 我們●生日
2012 ♥ 我們●生日

2017 ♥ 我們●生日@Ocean Park ♥

唔~ 又一年

每年呢個時候真係唔係好想提醒自己 "你又老一年了" 

但冇計，時間就係唔等你，老一年又如何? 哈哈

Thanks My Sweet Heart  

(長氣地再提提你，要記住我的生日呀!)

一年一度的 Ocean Park 又黎，好彩呢日唔係得個熱字

間中都有下大雨令溫度都冇咁高，舒服好多

再加上.... 呢日居然係.... 冇乜人! 仲好玩好多!

一入場第一件事，就先去左玩夏水禮

因為呢個時間會係最少人，亦都係最乾淨

小霸王公主係可以一個獨霸泡泡池玩都夠，哈哈~ 

不過今年大個左反而仲細膽左，要Warm up 半個鐘之外，

玩一次就夠，冇再 encore? (真奇怪!)

玩完水，我地就去左兒童王國

完全冇人的旋轉木馬，負責的哥哥居然讓我地玩足五分鐘，

玩到.... 係我地要求夠啦~ 停啦! (哈哈~)

跟住小霸王公主仲勇敢地挑戰"兒童版跳樓機"，玩左兩次! 犀利! 

接近中午，我地就坐海洋列車過山上o個邊

見未到時間，就睇埋企鵝、海豹、雪狐

今次午餐都係揀返冰極餐廳 (早早BOOK定位)

可以好近距離睇住企鵝食野 (但係要注意係.... 勁凍，要帶定外套)

食過OP的多間餐廳，個人都係比較鍾意呢間

食物味道同服務唔錯，價錢合理

原價7XX, 生日有八折，就 $5XX

食飽飽，又繼續睇同玩

中華鱘館、熱帶雨林探險徑、北極之旅、海洋劇場、水母萬花筒、尋鯊探秘 ....

呢日只係玩到六點幾左右，我地就離開啦!!

多得港鐵，我地唔洗再迫城巴，不論去程/回程都只係一個鐘左右

真係好方便+車費仲要係平好多，正!!

明年再見吧!! Ocean Park!! 

回顧:
2016 ♥ 我們●生日@Ocean Park ♥
2015 ♥ 我們●生日@Ocean Park ♥
2014 ♥ 我們●生日@Ocean Park ♥
2013 ♥ 我們●生日
2012 ♥ 我們●生日

2016 ♥ 生日@Ocean Park ♥

又到左不得不提自己， 『你又大一歲了』的時候

今年終於都收到小霸王的小心意

佢叫嫲嫲帶佢去買蛋糕俾我地，♥ 真係好窩心下♥

(記住年年都要記得我地的生日呀!)

♥Thanks our sweet heart ♥

小霸王生日 ♥ 去迪迪尼

爸B媽咪生日 ♥ 去海洋公園

一到暑假就可以去晒兩個主題樂園都不錯!!

暑假期間，平日的海洋公園唔算太多人

咁當然都會有好多自由人，但相對上小好多，唔會有太迫的感覺

入園後，第一個要去的... 一定係睇魚

開心到佢呢.... 

跟住順路就行埋過隔離睇熊貓

再黎就係.... 佢另一期待... 玩水

第一次玩下水禮，小霸王開頭都唔係好敢玩

熱身後，玩到夠先肯走

對小朋友黎講，下水禮真係幾好玩

大約玩左一小時，就換衫去睇小金魚

點知... 睇完小金魚後...落勁大雨 (橫風橫雨)

天文台仲掛埋"黃雨+雷暴警告"... 所有遊戲設施停晒... CRAZY

我地就坐海洋列車過另一面食野

今次揀左試下灣景餐廳，唔.... 失望，價錢唔平，但完全冇服務

自助式... 下次寧願去冰極餐廳 

食飽後雨都停得七七八八，我地就可以周圍行下玩下

同一個地點、同一個攤位遊戲、同一個獎 (中左3 個細獎)

今年又帶多隻公仔回家，勁!! 

取消左黃雨+雷暴警告，遊戲設施開返

我地終於可以玩下摩天輪啦!! 

.

睇埋鯊魚館、水母館，我地又返番另一邊

小霸王話要坐纜車  見天氣ok 唔多人... 順佢意

兒童王國... gogogo   

又係小朋友放電時間，我可以休息下

見太陽差不多開始落山，問小霸王想玩咩?

佢居然要玩水都唔玩其他野，所以又黎多轉下水禮 

早上唔肯戴眼鏡冇玩泡泡

估唔到.... 呢次佢終於肯豉起勇氣戴，仲玩得勁開心

玩到夠喉，身心疲累

我地先返屋企，大滿足的一天!

回顧:

2014 ♥Ocean Park♥

2015 ♥Ocean Park♥

Welcome to S.K.Y. Lovely Family

熱辣辣♥Ocean Park♥

生日必到的地方.... 一定係 ♥Ocean Park♥

唔知你地係咪呢?

但小FAN家就一定係.... 原因...

1. FREE TICKETS

2. 小霸王勁鍾意海洋動物

呢二個原因完全足夠令我地

唔理酷熱天氣警告都要去

(而家覺得有點Crazy... & 後悔.... 明年都係諗諗)

曬乾出汗活動   當然要預埋其他人一齊去啦

今日一行大大小小 12人    10點鐘準時入場

好彩.... 唔多人咋....

到處都見到 LINE 的 公仔

(但冇同佢地合照.... 太太太熱)

一入場... 就九秒九搵有冷氣的地方行

"THE GRAND AQUARIUM"

小朋友可以睇魚魚，大人可以涼下冷氣休息下

( ♥多麼好的決定♥)

平時不肯企定定影相的小霸王

見到最愛就.... 好合作 ♥

不過小FAN個人唔係咁鍾意呢個新館

好似小D 魚同冇咁大咁靚咁

好彩都消磨左接近一小時

之後.... 就去排隊食野

冇錯... 係11點咋... 冇計.. 

因為ONLINE BOOK 唔到位   要WALK IN .... 

今次我地嘗試 海龍王餐廳

想俾小霸王睇耐D 魚魚  同埋一路食一路睇魚

如果D 魚大條D .... 會仲好囉! 

♥但環境都叫做不錯♥

食物質素: 滿意 

我地冇叫SET 只係散叫 D飯/麵   (咁早大家唔太肚餓)

當然叫SET會貴D，散叫就經濟D (我地生日仲有八折coupon)

哈哈~ 食飽飽就俾睡魔急call啦!!

我地就坐海洋列車過高峰o個邊

原本諗住小朋友瞓左   大人就去玩機動遊戲

..................

敵不過天氣了   太熱  太曬  多人

都係去最凍的地方行下 

肥do do 的企鵝     白雪雪的雪狐

(係好涼快... 但有陣令人難聞的企鵝味...哈哈~)

涼到頂唔住... (凍得際).. 

我地就出返黎行去海洋劇場搵位等睇表演

Ee... 改左表演內容喎!! 都不錯!

(但表演的動物就冇變... 

多麼的想見到其他大大條的鯨魚或殺人鯨)

一路睇 ♥  一路食 ♥  一路吹 ♥

(有私人賓仔公公   多麼的幸福 ♥)

睇完又去玩啦!  機動遊戲唔多o岩玩

唯有玩下燒錢遊戲吧!

呵呵~ o係只係燒左一張紅衫魚的情況下

呢位小朋友 ♥好叻叻♥ 咁拋中左 3個細獎

換左呢隻新朋友回家    

小霸王幫佢改左個名叫做" neigh neigh"

你睇佢幾開心 ♥ 幾有滿足感 ♥

玩完高峰呢邊   我地決定返去另一邊玩

♥ 我的小甜心仲乜係架纜車上電人呀?? ♥

呢兩位... 又係到 selfie???

(自從公公擁有左部蘋果機後.... 就always selfie ♥ )

又難得 d 港孫肯配合佢喎!! 

買餸? 好平架? 

一落纜車真係處處是影相靚位

小朋友合作就真係好好.... 唔合作就.....

影左一陣我地排隊睇新動物

係你啦.... 要保持安靜啦!

真的....好難影到合照   唯有影住假吧

我對呢個"澳洲歷奇" 有點失望

koala 就.... 到叫做睇到下

kangaroo... 完全係.... 好細隻... 

(天真的我以為會有幾隻跳下跳下咁.... 原來唔係)

衝衝地睇完   小霸王心急地要玩"環迴水世界"

(以海洋生物為主題的珍寶級旋轉木馬)

排隊時佢仲好開心咁話坐小丑魚、坐鯨魚、坐.....

點知... 抱佢上去時，大叫我唔坐呀! 

最後揀左架... 車仔坐.. 

新一代淆底王

坐左兩個圈之後，就同我講

小: 下一轉，我要坐海馬!

我: 海馬好高喎!

小: 唔高，好矮咋!

我: .... 唔坐啦! 你玩我o既?

小:  真架! 坐海馬啦!

(我真係唔會信你囉!  唔會玩多一次) 

冇得再玩.... 就帶佢去左兒童王國

(哇... 勁多人)

行下... 玩下.... 咁... 真係冇晒能量

六點幾就走人....

『雙龍奇緣』今次都係冇睇..... 

人老真係唔多掂   以前好鍾意黎 ♥Ocean Park♥

但係而家    乜都冇玩   齋行都覺得好疲累

真佩服買左全年通的媽媽   咁有能量陪小朋友玩

我個人覺得一年一次已足夠   哈哈~

回顧:

2014 ♥Ocean Park♥

Welcome to S.K.Y. Lovely Family
Date:   2015.08.09 (Sun) ~ 3y0m27d 
Place: Ocean Park