▌香港一遊 ▌濕地公園

我家的小霸王    真係..... 好長氣的 ♥

佢為左要逹到自己目的    佢會選擇重複又重複咁提你、叫你

就好似呢個星期六   小FAN 係長週要返工     但爸B就唔洗   

小霸王佢係屋企重複又重複咁叫佢爸B 帶佢去睇魚魚

我一放工返到屋企   爸B 話佢頂唔順小霸王

問我可唔可以帶佢去睇魚魚呀?

當然街市 / 超級市場 係可以滿足下佢

但竟然佢咁想睇    就帶佢個去近近地又大D的地方

濕地公園

小霸王唔係第一次黎呢到 

(回顧: 濕地公園)

不過對上一次黎佢仲好細  冇乜印象

所以佢的感覺完全好似第一次黎呢到咁

♥ 好開心 ♥ 好興奮 ♥ 好緊張 ♥

成人票價: HK$30/位

3歲以下小童: 免費

黎到濕地公園

當然要探下佢啦!! 

可惜~ 黎咁多次佢都係瞓左係到

完全係冇動過  游下水俾人睇下都得卦

唯一一樣唔同左係佢又大隻左咁

你唔SO 我地  我地唯有出外走走吧~ ♥

今日室外天氣很好   唔太熱   有小小涼風

(不過一定要做好防蚊準備)

行左一陣   小霸王已發現佢最愛啦~ ♥

連叫佢陪我影張相都..... 完全唔合作

掛住望魚唔理我囉

♥ 好開心呢個小朋友  全程2/3路程係佢自己行 ♥

剩返 1/3 都係因為爸B 心痛寶貝囡太累而抱 又或者地下唔平

呢到 D 龍友大多數都影鳥

我就唔太有興趣   影花仲好  仲靚啦 ♥

開始知道"害羞"的小霸王

連食野都唔俾我影  尷尷尬尬咁 ♥ 好得意 ♥

多麼的感動 ♥ 佢合作地望住鏡頭影相 ♥

啜~啜~啜~ 

(以後也請你多多合作)

 

睇完一條又一條  不同種類的魚魚

♥ 相信佢"大滿足"吧 ♥

用左個多小時行晒濕地公園

因為差不多入黑了   快D出門口影相先

2013 VS 2015

時間真係過得快   回望差不多兩年前的相片

♥ 同一個地方   卻不一樣了 ♥

BB囡 → 小女孩

♥ 雖然長大左   但可愛動人的笑容仍在 ♥ 感恩 ♥

Keep Smiling 

Welcome to S.K.Y. Lovely Family

Date:   2015.02.28 (Sat) 2y7m15d

Place:  濕地公園