農曆新年假期 ~ 第五 ~ 九天 (年初四 - 初八)

其實今年新年都冇乜去過邊到

大多時間都係留在家中 (自己屋企 / 婆婆屋企)

只係間中出下街咁

新年氣氛真係一年小過一年

記得小時候日日都要出街去拜年

不是你來我家  就是我來你家

隨住『團拜』開始    到處拜年真係越來越小了

唔知到小霸王呢一代   會唔會連拜年都冇埋呢?

(希望唔會吧 ~ >_< )

講返今個新年先~ 

年初一 : 返男家 (年初一)

年初二 : 返女家 (年初二)

年初三 : 去林村 (年初三)

年初四 ~ 無聊日

係婆婆屋企  休息下   

年初五 ~ 玩樂日

我們家的三個小搗蛋一齊聚埋係婆婆屋企

一齊玩、一齊刷牙......

嘈嘈吵吵笑聲滿載   ~ 呵呵~ 

年初六 : 去玩日 (年初六 -上 & 年初六 -下)

年初七 ~ 病態日

係我! 幸好不是小霸王

『一年一次大瀉日』終於來臨啦!!

點解會咁形容??  冇計啦~ 去年都係咁 (回顧: 註定黑仔)

估唔到今年都唔放過我   是因為娘家食得太好嗎??

說真的   今年已經冇放縱自己    但最後都係逃不過 

呢位小朋友呀~ 媽咪"柯"到好累，好想休息下，可以嗎??

佢的答案好明顯係：『唔可以』啦!

陪玩陪到爸B 收工先可以休息下咋!! OMG.....

年初八 ~ 休息日

食左藥身體已經好得7788   Energy 都 recharge 好晒

可以陪囡玩足全日

亦開始收拾心情明天要上班

『九日全職媽媽生涯』完結 !

Welcome to S.K.Y. Lovely Family

Date:   2015.02.22~26

Place:  Home / 婆婆家