▌小小世界 ▌ 3D 小手工

之前小FAN 都有講過小霸王近期真係變左個

『貼紙迷』

時時刻刻都話要貼貼紙    邊得你咁多貼紙呀?? ♥♥

同事 M 姨姨 知道小霸王好鍾意魚同貼紙

就好有心咁買左呢個 3D 小手工俾佢

哇!! 真係貴囉!! 咁都要$1x 

(我即刻同佢講唔好再買，食水太深, 淘寶$1咋)

不過都好  俾我試下係咪咁好玩先 ♥

一套已經包晒所有材料

幾張已印好圖案的貼紙咭

一張印有圖案位置的咭紙

只要跟住圖案貼上    完全唔太複雜

呢個小妹妹  以為自己真係大個女

大聲話: 『唔要媽咪幫呀!!  自己痴呀!!』♥♥

好呀!! 就任你自己痴 

(我只可以負責幫佢meet d 貼紙 同教佢貼咩位置咋!)

♥♥ 好彩   最後  都能夠順利貼晒 ♥♥

都不錯吧!! 

貼完一個又一個

呢個就要比較小心   因為貼石太細小了

哇!! ♥♥ 好多唔同顏色的貼石 ♥♥

頭先貼魚魚都唔俾我幫

呢個更加唔洗講啦 !!

人地係要跟號碼貼   佢就    隨個人喜愛貼 ♥

激四我啦   唔理你  由得你吧

最後 ~  係未貼晒 已放棄  

下次再貼吧 ♥

話時話    開始唔聽教的小霸王

真係令小FAN 越來越頭痕

講道理唔聽 (只會答我明，但轉頭又黎過)

話又唔係  (話一句就喊到楚楚可憐咁)

打又唔得 (忍無可忍下  都有輕輕易打過下 但佢居然係唔喊囉!!)

究竟可以點呀?? 

婆婆成日話小FAN    『要錫在心中，唔好太寵佢』

嫲嫲又話小FAN        『唔好太惡話佢，會嚇親佢』

有冇人可以話我知   我應該點做好呢??

四大長老   麻煩你地唔好寵壞佢先吧!! ^_^

Welcome to S.K.Y. Lovely Family

Date:   2014.10.20 (Mon) ~  2y3m7d
Place:  Home