♥ Angry? Can I ♥

♥ Angry? Can I ♥

尋日放工返到屋企
見到阿囡個污衣藍有衫
就知道佢一定出過街
仲要唔係近近地


點解我咁講
因為平時出街 99唔會同佢換衫
(可能去樓下咁)
又或者沖涼前出街

今次係換左衫
我就估到唔遠

佢梗係冇同我講啦
我聽到佢同老公仔講出過街
但就冇講詳情
我咪扮唔知囉!!
(唔問唔聽, 我就唔會火)


點知今日俾我係老公仔FB 見到
99 尋日update FB
話同個寶貝孫去食下午茶
仲要係去到TM良景

頂... 火火火火
真係想點呀??

有冇攪錯呀?
你帶我個囡去街
係咪應該話聲俾我知呀
仲要唔係去樓下

你自己出街係你O既事
你帶埋我個囡出街
就關我事
通知聲好辛苦你咩

真係勁火呀!!


不過係古代人O既佢
就算講N次
佢都只會當耳邊風

因為我已經唔係第一次同佢講
我真係唔想再同古代人講任何野
我估講得多
最後都係換黎一句
" 你自己湊返"

一句佢認為係王牌的說話


佢以為我的忍耐力真係好勁
我答你.. 唔係囉!!

我唔係為左我老公仔
我唔會忍

如果我要爆的話
我係會好絕囉
唔會有得返轉頭


不過

竟然你唔尊重我
我都唔會尊重你

長輩
唔係大晒架!!
唔係樣樣都係你話事!!
唔係一定對的!!