『凍冰冰、嘈嘈閉一家十口名古屋冬日の旅』 DAY 4
@ 名古屋 天氣: 晴朗 ☼ 溫度: 2-7 ℃
@ 飛驒高山 天氣: 晴朗 ☼ 溫度: -3-2℃
話咁快旅程就過左一半啦!!
黎到 DAY 4 亦到係我地幾期待的日子
因為... 去玩雪啦!! ♥♥
由於由名古屋去高山 揸車到要差不多 3 小時
所以為左慳時間 我地就唔隨便在路途上的一個休息站買個早餐食
我的早餐 - 熱辣辣的 ♥ 朱古力 + 豬肉包 ♥
而小霸王就補眠 ♥
食過早餐 向高山出發囉!!
睇下景色就知道外面的氣溫下降中....
由 紅葉 → 到厚雪
♥ 大家都好興奮 ♥ 好開心 ♥ 好緊張 ♥
行左大約一個多小時 休息站停一陣去個廁所先
點解刻意提呢?? 咪係烏龍野又發生囉
其實O個刻真係好唔開心的
睇住呢張相.....啦!!
事緣係.... 我地落車去完廁所 就好開心咁影下雪景
點知 爸B影完呢張相之後上返車問我 :『你部相機得一張相o既?』
我o個刻..... 都唔知發生咩事? 不停問點會呀? 點解呀? 你攪過咩呀?
爸B 只係答我: 只係影相，完全冇控過任何制喎! 應該係壞左咭
吓?? 乜新memory card 都會壞架咩?
(原來card係會頂唔住太凍或太熱架!)
o個一刻 小FAN 真係好down囉!!
我影左3日的珍貴相片冇晒喎!!
爸B 就叫我: 『換過另一張咭先，返香港搵人救咭吧!!』
幸好，返到香港真係救到
但就唔係全部救晒，但救到九成我都好滿足 ♥
(即刻叫爸B 買過張靚咭♥ )
烏龍野講完，收拾心情繼續旅程
換上新咭後 影返多D先
外面D 雪越來越厚 路都有點兒滑
** 小心駕駛! 慢駛!! **
YEAH! .
由 名古屋愛知県 → 岐阜県高山市 車程約 2小時30分鐘
到著時間 約12點左右
揀呢到 主要係因為近酒店咋!!
不過都OK 唔多人 玩得舒服
♥ 多得天公造美 天氣靚爆 ♥
有得玩雪但又唔會太凍
第一次見到雪的小霸王
♥ 好新奇 ♥ 好興奮 ♥ 好開心 ♥ 好享受 ♥
當正係自己屋企咁玩、咁瞓、咁走
呢2位2歲多小小的小朋友，完全係唔怕凍囉!!
白雪雪的雪景 VS 滑嘟嘟的小霸王
♥ 真係特別可愛吸引 ♥
500円一日任玩的雪兜 真係好抵
小朋友未識滑雪 就最O岩玩
(真係好快、好好玩架!!)
大人就去滑雪 好似都係百幾蚊港幣就可以玩足全日 堅抵囉!
在雪地玩左 大約個幾鐘 差不多2點啦
係CANTEEN 搵野食 味道又唔錯喎!!
休息+食飽左 又再出雪地啦!!
♥ 小朋友的精力真係旺盛呀! ♥
玩到四點左右要走人
滑雪場關門啦! 天都開始黑
快D去酒店囉
玩雪真係令人特別疲累架
上房休息下先
不過佢地呢? 點解完全冇意休息架??? ♥
唔累架咩??
休息左 1 個小時左右
就去享用我地除夕晚餐啦!!
♥ 酒店BUFFET ♥
可惜係..... 冇乜野食.... 真係令人失望!
我冇影相... 應該估到食物款式係小到七彩
仲要係五百幾蚊位架! 唔包飲品
失望之中的失望
食飽走人就算 哈哈~
除夕倒數前節目 ~ 浸溫泉
♥ 好得意 ♥ 小朋友上學去咁 ♥
不過帶住小朋友 又怎能享受到浸溫泉呢?
叫做去『集體沖涼』仲好吧! ♥
爸B 男人們就可以真正享受
小FAN 要照顧小霸王 真係只可以玩下水仔咋!! (嗚~嗚~)
小霸王佢就開心... 因為佢可以玩水 玩唔停
下次吧!! 今次與溫泉冇緣 (嗚~嗚~)
HAPPY NEW YEAR
BYE BYE 2014 & WELCOME 2015
♥ 很累的一天 倒數完各自回房休息囉!! ♥
Welcome to S.K.Y. Lovely Family
想睇下其他名古屋的遊記，請 Click 入 ▌名古屋遊 ▌ ● 全集 ~ ♥
沒有留言:
張貼留言