▌名古屋遊 ▌ ● Day 1 ♥ 機場 → 酒店 ♥

之前的POST   小FAN 都有提過 今次名古屋之旅  係我家第一次一齊去旅遊

出發前  大家都好興奮、好緊張、好期待....

就係唔知係咪太興奮?   所以呢個旅程發生太多烏龍野    真係勁攪笑   哈哈~ 

小FAN 會一一同大家分享我地的烏龍野

『凍冰冰、嘈嘈閉一家十口名古屋冬日の旅』 DAY 1

雖然我地係坐中午機   但由於係廉航  冇得預先check in 或劃位

所以  我地都要早早出左機場

8點叫醒小霸王   洗面、飲奶、換衫

8點半左右  就出發去機場

大約10點半  o係Terminal 2 攪掂晒 check in & 寄行李

我地就過返 Terminal 1 入閘出境過關

就係呢個重要野辦理完後   第一件烏龍事就出現啦

小FAN 發現自己著錯左褸

因為呢個旅程   我係買左件防風防水的軍褸

同小霸王一樣架   但點知? 著錯左  著左平時的羽絨

可能係一樣係黑色   又趕住出門口   冇留意

本身諗住叫 99攞黎俾我   點知黑仔到等極都冇車

最後   冇計   只好照著住出發

新軍褸   就留待下次吧  鬼叫自己烏龍咩

收拾烏龍   轉換心情 ♥

時間真係好趕   連早餐都只可以買個 M 記醫肚

可能接近午餐時間   小霸王居然可以KO 2/3 個包

第一次坐廉航 HK EXPRESS  

感覺都不錯   準時上機   準時起飛  座位都 OK 

第二次坐飛機的小霸王   終於擁有佢的私人座位

可以任佢做乜都得

機程 三個多小時   

一半時間瞓左個午覺

一半時間自己係到聽歌食野

完全冇發脾氣   真好!!  ♥

 ♥ 美麗的天空   真係令人心情特別好  ♥

不過開心唔代表唔烏龍   機程中又發現第二件烏龍野

今次係姨媽媽囉!   

事緣係  爸B 叫我攞張WIFI CARD出黎準備換咭

點知一打開發現係細咭  只係FOR IPHONE

吓??? 唔係呀... (我地係用S牌的)

幫小FAN 買咭的姨媽媽 都冇留意呢樣野

最後好彩  細姨係用IPHONE咋  

不過自私機IPHONE 全程係好難SHARE WIFI俾其他機

所以..... 唉 ....

大約4點半左右  到達名古屋中部國際機場

辨理埋入境及取回行李

我地就坐 MEITETSU  去酒店囉 

估唔到只係  六點幾  天就已經完全黑晒

氣溫大約 6-7度  大風    但唔算十分凍

先去酒店攞左房   放低行李   休息下

我地就去醫肚   呢個係今日唯一一個行程

亦都可以話係第一餐

除左M 記之後   我地係完全冇食過野

♥ 在爸B的懷抱中   十分溫暖吧 ♥

名古屋的第一餐   梗係要食的美味、食得飽飽 啦

6天行程中   

《最美味、最豐富、最抵食、最推薦的一餐》

しゃぶしゃぶいちばん 栄店 

(http://r.gnavi.co.jp/n015240/)

呢間係任食火鍋， 有好多種放題

最平: 食べ放題1980円  (牛、豬、雞任食90分鐘)

我地就唔揀基本

揀左  カニの王様タラバガニが食べ放題 (6,000円)

120分鐘  任食包括: 

蟹、牛、豬、鶏肉、雞肉丸、牛腸、菜、烏冬

7大 3細 KO 左過十盤蟹囉!!

不停地按鐘 encore カニ、カニ、カニ

相信 d 日本人以為我地係十幾日冇食野  哈哈 ~

但日本人好就好在  佢地係唔會偷工減料

♥ 盤盤都份量十足 ♥

 d 蟹 真係 好好好好 yummy!!  ♥

甘甜、味香、多肉

簡直令人食唔停口呀!!  回味再回味 ♥

最重要係   埋單都只係 HK$378 一個咋! 

你話係咪要推薦俾大家呢??

Welcome to S.K.Y. Lovely Family

想睇下其他名古屋的遊記，請 Click 入  ▌名古屋遊 ▌ ● 全集 ~ ♥