第一次一家人去旅行
呢個咁難得的回憶 真係要詳細 d 記錄下來
希望 小霸王長大後睇返都能夠回憶返呢個快樂的日本之旅吧!!! ♥
We ♥ Japan
We ♥ Travel
2015年2月28日 星期六
▌名古屋遊 ▌● 戰利品篇
▌名古屋遊 ▌ 終於寫到最後一篇啦!
其實今次名古屋遊去的景點唔多 所以寫得好輕鬆
不過雖然唔多景點 但一家人去旅行O個種開心同幸福
♥真係好難忘的 ♥
(因為小霸王到呢一刻都好記得佢同邊個去日本、玩左 D 乜
佢已經唔記得半年前我地去大阪了)
希望我地可以有能力 KEEP 住每年一次 FAMILY TRIP 吧!!
(加油呀爸B & 努力呀小FAN)
哈哈~ 今次玩得開心之餘 收穫亦都好豐富
(計計下 今次去六日 同上次去五日 總支出竟然係差不多咋)
但今次收穫係多過上次囉!~ 而且仲要係自駕遊
真係估佢唔到呀!! ♥
♥以上係小霸王的係戰利品♥
最開心就係買到左上角的ANPANMAN LEGO 係超抵 只係HK$280.-
真係好好... 後悔冇買多箱呀!! ♥
其他新鞋、新衫、新底褲、睡衣、牙刷.... 全部都準備FOR 新年
日元低就係收唔到手 哈哈~
♥以上係小FAN的戰利品♥
上次大阪只係幾對襪
今次好開心買到個A記紅色長銀包
♥以上係爸B 的戰利品♥
一向慳家的爸B 居然都會買野
說真的 佢係好鍾意去旅行先買波鞋
因為平過香港 佢仲精打細算過我
♥以上係其他戰利品♥
零食都只係去左激安買咋 可能只係平香港小小
因為我地冇乜時間周圍搵 是但啦
Welcome to S.K.Y. Lovely Family
想睇下其他名古屋的遊記，請 Click 入 ▌名古屋遊 ▌ ● 全集 ~ ♥2015年2月27日 星期五
▌名古屋遊 ▌ ● Day 6 ♥ Shopping → 機場 ♥
『凍冰冰、嘈嘈閉一家十口名古屋冬日の旅』 DAY 6
@ 名古屋 天氣: 陰天/間中下雨 ☂/☁
溫度: 4 -10 ℃
話咁快就到行程最後一天囉!!
雖然坐黃昏機返香港 但要提早入機場CHECK IN
所以只有半天行程 咁就選擇輕鬆D 吧!
♥ 懶到早餐都求其食個杯麵 ♥
『輕鬆 D = SHOPPING』
10點百貨公司開門 我地先出發
估唔到名古屋 都會落雪
(頭三日都冇)
我估個天知我地鍾意雪吧 ! 哈哈~
雪 = 冰 ?
今日條街勁多人 原因?
♥ 係『買福袋』『辦年貨』♥
百貨公司多人到 行都行唔到
大家放心 佢冇事
呢位小朋友 扮野咋 佢想落車要我抱
叫我 我唔睬佢 跟住諗住用眼淚
♥ 唔好意思 冇用的 ♥
最後 ~ 只好收聲 呵~呵~
跟住佢已經加入左SHOPPING 一份子
小霸王: 紅定紫好呢?
(我本身係鍾意紫多D, 但冇碼... 最後只好買紅色吧)
購物左一個早上
係唔夠喉架啦... 但冇計係時候要去醫肚
來到行程最後一日
小FAN 點都要飲返罐粟米湯先得
估唔到.... 小霸王都肯飲呀! ♥
♥ 真係好感動 ♥ 又係一個新嘗試 ♥
隨意地選擇左呢間食午餐
食物都不錯, 但份量極少
2 點左右就返酒店 收拾好行李 去機場囉!!
辦理CHECK IN & 寄行李之後
已經沒有多餘時間逛下
飛機準時 17:25 起飛
準時到港
BYE BYE NAGOYA
真係好唔捨得呀!!
希望快D 可以再帶小霸王坐飛機啦!!
(我會努力慳 D洗架 但爸B 要努力多D 哈哈~)
Welcome to S.K.Y. Lovely Family
想睇下其他名古屋的遊記，請 Click 入 ▌名古屋遊 ▌ ● 全集 ~ ♥▌名古屋遊 ▌ ● Day 5 ♥ 高山老街 ● 白川鄉 ● ♥
『凍冰冰、嘈嘈閉一家十口名古屋冬日の旅』 DAY 5
@ 飛驒高山 天氣: 晴朗 ☼/ 間中下雨 ☂/☁ 溫度: -7 - 2℃
♥ Happy New Year ♥
2015年的第一天 由酒店房的窗門望出去
哇~ 哇~ 白雪雪 ♥ 好靚呀 ♥ 好正呀 ♥
再向下望 噢 車子全部係白色 好攪笑
(証明前一晚係多麼的大雪)
箭嘴指住的 ~ 就係我地的車子
係LOBBY 等齊人 又係時候食早餐
♥ 酒店早餐BUFFET ♥
早餐出奇地多野食 ~ 真係好過晚餐多多聲
窩心的酒店 ~ 居然係餐廳外 設置小朋友遊樂場
♥ 放下電先 ♥
食飽叉完電 就check out
仲有重要任務 - 鏟雪
哇~ 近睇 ~ 厚厚的雪
真係辛苦晒姨丈 & 爸B ♥ 加油呀! ♥
鏟好雪 就影返張相 出發啦! ♥
小霸王在CAR SEAT 玩窗外的雪 ?
凍冰冰的窗子 好新奇吧
高山老街
好可惜元旦日 日本人放晒假唔開鋪
老街完全係冇人囉!!
唯有影張留念 到此一遊
三姊妹合照
連神廟都唔開
唯有.... 出發去另一個行程吧!!
不過~ 一不小心我地架車就.... 出事!!
『行錯路』
唔係普通掉頭就得 係要行多個幾鐘先有位俾你掉頭
問你點算好? 冇計啦!!
叫左姨丈姨媽佢地去目的地先
我地就想辦法盡快會合返佢地
行左個幾鐘 終於搵到位停一停啦 ♥
♥ 呢到係零下 7℃ D雪仲要係又軟棉棉架 ♥
搵到位返轉頭 我地就快快起程
哇~ 錯有錯著 行另一條路 有另一個靚景 ♥
原本只係1 小時的車程 最後用左接近 3小時
由岐阜県高山市 → 岐阜県大野郡白川村 車程約 1小時
幾經辛苦終於到啦!! ♥♥
天公今日就有點不造美
下大雪之餘仲要係下微雨 行每步都要好小心
天氣唔好都冇影響我地心情
因為呢到實在太.........
♥ 實在太........ 靚靚靚.... 靚啦 ♥
呢位小朋友唔好掛住玩雪啦 我地時間寶貴
♥ 到處都係雪 ♥
好可惜太大雪 觀景台關閉 冇得上去睇全景
雖然係有D 失望 但能夠見到咁靚的『雪 の白川鄉 』
♥值得♥♥值得♥♥值得♥
由於之前行錯路 時間更緊迫
逗留左一小時就快快返名古屋交車
由岐阜県大野郡白川村 → 愛知県名古屋市 車程約 3小時
♥ 好彩我地有二位好車手 唔係一定唔能夠準時交車 ♥
(我地係趕到連午餐都冇得食)
交完車 返酒店放抵行李 終於可以醫肚啦
名古屋冬日之旅最後一餐晚餐
我地選擇盡情地食食食
除左因為肚仔勁餓之外 明天就返香港啦 所以食得豪D、放D、盡D
元旦日係日本大日子 好多食店都唔開門
仲有大廚師都唔會返工
你想食都未必有得你食? 未必有得你揀?
我地只好叫多D 刺身、串燒....
總之有乜叫乜 有幾多叫幾多
♥ 務求要大滿足離埸 ♥
Nagoya TV Tower 真的對不起
住係你隔離咁多日都冇黎同你影相
到最後一日先"叮"一聲記得
可惜~ 你已睡覺了 (關燈)
♥ 有緣再見吧 Nagoya TV Tower ♥
又是疲累的一天 ! ♥
Welcome to S.K.Y. Lovely Family
想睇下其他名古屋的遊記，請 Click 入 ▌名古屋遊 ▌ ● 全集 ~ ♥
訂閱：
文章 (Atom)