Welcome & Happy Birthday to Mei Sze

一星期中最開心的.... 當然係星期六同日啦

因為可以痴住小霸王   (對... 係我痴佢，唔係佢痴我!)

陪佢玩、陪佢食.... 陪佢返婆婆到

呢個星期六日  爸B 都冇得放假

又再單拖帶佢周圍去   YEAH ♥

剛踏入三歲     

梗係要影低佢第一次"DO"自己張八達通啦! ♥ 

(一定要教識佢唔可以胡亂"DO"先得)

呢個小朋友話個太陽好曬喎! 

返到屋企   已經有兩位小朋友陪佢玩啦

三位都係同年的  估唔估到邊個

出世最早? 輩份最大?  個子最高? 

(左起: Nathan、Myolie、Mei Sze)

唔洗講... 呢兩位小朋友個個星期都見的... 一定玩得埋啦!

仲玩到 Crazy晒....  嚇得 Mei Sze 勁喊囉!!

(外國長大的.... 不是... 會更活潑的嗎?)

大戰四方城   我就見得多

大戰四方機   真係好攪笑

食飽晚飯後.... 又有驚喜 ♥

嗱嗱.... 呢兩位小港女唔關你地事呀~ 行埋一邊先啦! 唔該 ~

(PS: 唔睇返呢張相都唔知... 小霸王 手指仔 V 到啦 ♥)

 

今日的主角係 英國回來的 ♥ Mei Sze♥

Happy Birthday!! 

中間陌生的女子係小霸王的細姑婆 

(即我細姑姐，公公的最細妹妹)

而 Mei Sze 就係佢個囡..... 

相信大家都估到答案啦!

開估吧~ 

出世最早?  Myolie

 輩份最大?  Mei Sze 

個子最高?   Nathan

所以.... 

Mei Sze 係我最細的表妹... 小霸王最細的表姨

輩份呢家野... 真係有d矛盾!

明明自己大個佢，但佢輩份又過你

哈哈~ 

開估完.... 又係時候

唱下生日歌、食蛋糕啦喂~

今次呢個蛋糕同樣係我上次訂小丑魚的餅店訂做的

但係..... 唔知係咪... 顏色鮮艷d ....

最後個個都...... 變左色.... 

我係話"個嘴變左色" ♥

小霸王.... 搽左有毒唇膏咁? 定係食左毒蘋果呢?

至於細佬仔..... 仲弊....  阿凡達咁... 笑死人  ♥

事實証明:

越靚的蛋糕   越有毒  (哈哈~)

Welcome to S.K.Y. Lovely Family

Date:   2015.07.18 (Sat) ~ 3y0m5d
Place: 婆婆家

2015 書展大血拼 (下)

上一篇 POST 提及我書展大血拼下... 放左差不多$4000 血

乜野令我肯放咁多血   哈哈~

(講真~ 女人錢好易"握"架咋!  不過媽咪錢我覺得仲容易)

書展當日買的，但因為冇手攞再加上免費送貨

所以最後就.... 先俾錢後收貨

估唔到17/7 (星期五)買，20/7 (星期一)就收到

(我以為要完左書展先會送黎)

登~登~登~登~

兩大箱   好興奮呀~ 好緊張呀!~

我家小霸王一見我拆箱，佢就話"呢個係我的"

(係啦~ 乜都係買俾你的)

能夠令我放左接近$2000血的就係佢地啦

"智高FUN"

呢個智能啓發課程分左兩個階段 

(上) 2-6歲 同 (下) 6-10歲

智能啓發課程 (上) 2-6歲

智能啓發課程 (下) 6-10歲

點解咁吸引?? 

其實好早前我係淘寶已見過類似的書籍

但就冇個答題架.... (咁即係冇用)

今次難得又俾我遇上，就走埋去了解下點玩法......最後就買埋啦!!♥

唔講咁多廢話，講下點玩先

1. 揀選你想玩的書本  (例: 英文)

2. 打開智高板，將 1-16 的小方塊順序排列在左邊的空架上 (如圖2)

3. 放上書本上 (左頁係問題，右頁係答案)

4. 打開其中一小方塊，理解當中的問題，在右頁上找出答案

♥ 你睇呢位小朋友玩得幾咁認真、幾咁投入 ♥

5. 全部完成後，將智高板合起來再翻轉。睇下智高板上的顏色同右上角答案係咪一樣?

YEAH ! 答對了! 

玩法係咪好簡單呢?  

智高FUN的教學內容包括: 英文、中文、數學、邏輯推理、通識教育五方面

每個學科再由淺至深分三至四個 LEVEL

真係有排玩呀~ 

說真的，頭幾頁真係好簡單，

之後的....   真係考埋我呀!

希望能夠藉呢D 小遊戲激發

小霸王的思考能力、專注力

****************

題外話:

係書展時，

我都1516緊應該訂唔訂巧虎?

點知見到智高FUN後，就取消左訂巧虎啦!

唔係話巧虎唔好，巧虎主要教小朋友自理

根本同智高FUN唔同，係兩者中....1516

最後... 放棄巧虎!

對不起巧虎! 

冇計小霸王對你冇乜太大興趣

佢淨係鍾意你的日文歌.... 所以我訂香港版都冇用

哈哈~ 

****************

想了解多D智高FUN，上佢地網址睇下會更好

南亞: http://www.sabooks.com.hk/product.php?cate_id=83&lang=2

Welcome to S.K.Y. Lovely Family

Date:   2015.07.17 (Fri) 
Place: 灣仔會展

2015 書展大血拼 (上)

呢個寫POST 的速度好似慢左小小咁，抱歉!~

呢排公司唔知點解可以咁Q忙，連小小偷懶時間都冇，做到炆炆地

(公司忙唔係好D咩? 生意好嘛? 好又如何? 我都冇份分)

唉!~ 唔講其他，入返正題先

之前的POST 提及過我出席完家長日就即出發去書展大血拼

估唔到~ 俾我趕得到早場入場時間

呵呵~ $10咋~ 

冇錯! 今次我係第一次帶喼入場掃貨

因為上年我冇去，叫左Sandy姨姨幫我掃貨

點知抽到佢手都軟埋，佢下左旨要我一定要帶喼 

(回顧: 書展大收穫)

今次我主攻三樓兒童書，由十二點行到四點幾

成人書藉我都有行，但就時間小 d 咁囉

最後的收獲,.... 俾我預期小囉!

呢d 大部分係屬於小霸王，只有frozen 唔係佢的

今次買左一套貼紙書咋，

因為今年冇出新款，上年已買晒!  (算吧! 慳返$$$)

其實好想買故事書俾佢，但.... 英文的淘寶仲方便，中文的... 唔見得好平

練習? 佢又未有咁的需要.... 相信明年會用得著吧!

雖然買得唔多，但都搵到一本心水之選

就係呢本"HELLOKITTY DICTIONARY" 啦!

大大本、厚厚的、Colourful、Cutie.....

既可以教佢認下新字   又可以教佢自己查下字

隨字典附送10隻CD 

(我未聽唔知係講乜!~ 哈哈)

除左書本，我都有買 D 練下手指仔的小玩具

希望可以增強佢的靈活性

唔係淨係得小霸王有收獲

我都有.... 亦都有幫家人/同事買

今年書展..... 睇落收穫唔多

但係計計下.... 我洗左接近$4000呀!

咁當然唔係淨係呢度就洗咁多啦

最金的.... 仲未介紹!  下一篇會詳細講... 嘻嘻~

Welcome to S.K.Y. Lovely Family

Date:   2015.07.17 (Fri) 
Place: 灣仔會展

PN 班 ~ 下學期家長日

期待已久的下學期家長日   終於係暑假開始的第一天舉行

太好了  點解?  因為我一早已請左假準備去書展血拼

所以... 不用再請假實在太好吧!

與班主任的約會時間: 10:15AM  

今次我冇帶埋小霸王去   講佢咩壞話都唔怕

(哈哈! 主要係因為我一陣要去書展嘛.... )

約會時間都係得15分鐘咋

學校情況:

- 學習方面:

   畫畫:  上學期 - 完全冇興趣，下學期就開始有所改善，但都係唔多鍾意。   (慳返$$ 唔洗學)

   語文:   無論是班主任或是副班主任都有讚揚佢"好叻"   (謝謝你們!)

   體能:    OMG.... 係唔多好囉!! 要多加練習下   (似晒我運動白痴??)

- 自理方面:

   同上學期比，係好明顯的大進步!  但都要繼續努力

- 自我保護仲係好強

   心情好會好樂意同同學玩及拖下手仔，心情唔好.... NO WAY

   唔太主動同其他小朋友玩  (呢個我都發現)，老師叫我多帶佢接觸其他小朋友

班主任評語:

喜歡音樂、英文、唱歌，固執(即係硬頸)，記性好好

與班主任傾談中

得知.... 原來小霸王最鍾意上"英文堂"，

佢會乖乖地坐定定專心地上堂

其他堂佢係好明顯地坐唔定囉

咩原因?

鬼佬阿SIR Mr. David 靚仔? 哈哈~ 我覺得一般咋

雖然唔知咩原因，但鍾意英文都不錯吧! 

keep going

班主任亦都有提及之前的兒歌/唐詩朗誦比賽

佢話小霸王雖然好細聲地讀出黎   

但小小年紀肯在台上朗誦 已經好叻女 ♥

 班主任亦都希望小霸王係新幼稚園

會更加有進步，更加叻叻

回顧:

PN 班 ~ 上學期家長日

Welcome to S.K.Y. Lovely Family

Date:   2015.07.17 (Fri) 

三歲生日の第三波 - Mini Party

♥ HAPPY BIRTHDAY TO MY PRINCESS ♥

哈哈~ 本身諗住今年唔開派對的    原因係唔想婆婆太辛苦呀

點知  上年話過咪攪佢的婆婆    生日前一日居然提出要開派對    

(吓? 你叫到... 梗係冇得SAY NO啦) 

同上年一樣  簡簡單單DIY左張邀請卡

今年冇再淘波波啦~  改為淘紙製裝飾

一來唔想浪費，二來梗係唔想麻煩啦

除左紙製裝飾，我都有買小小汽球俾小朋友玩下

呢位忘記左自己係主角的小朋友

♥ 係完全投入地玩囉  ♥

由於唔洗點佈置   多左好多時間整野食

十款美食中   八款係自製的

(特別嗚謝: 大廚婆婆)

以下的.... 6款係婆婆整的

蒜蓉西蘭花、鹵水牛展、椒鹽虎蝦、鹵水雞腳鴨舌、瑞士雞翼、日式炒烏冬

我都有出力架 ~ 就係整我最拿手的壽司啦! ♥

至於甜品呢? 係餅店訂的 ~ 有芒果布甸、木槺布甸、大菜糕

刺身..... 係姨丈姨媽買來的，thanks!!

YEAH!! 攪掂啦!~ 人齊我地就開始PARTY 囉!!

開餐前當然要先為小主角唱生日歌啦

♥ 蛋糕出場 ~ ♥  哈哈~ 

係小霸王最愛的"NEMO"

說真的~ 好鍾意! 好靚呀!  

(價錢合理，味道不錯，一讚♥ )

間餅店係婆婆屋企附近咋.... (有興趣先問我吧!)

唱完生日歌... 小主角做左佈景板

影呀!~ 影呀!~ 

♥ 好鍾意呢張合照~ ♥  

佢有小小不忍心切下去   

衷心多謝每位抽空出席的朋友/家人們 

你地的祝福、禮物、利是，全部收到晒!! 

Thank you very much!!

(唔該晒你地.... 今年唔送玩具，真係太好啦!!)

生日回顧:

1歲生日

2歲生日

Welcome to S.K.Y. Lovely Family

Date:   2015.07.11 (Sat) ~2y11m28d

三歲生日の第二波 - 舊曆生日

♥ HAPPY BIRTHDAY TO MY PRINCESS ♥

已經過左個星期先得閒同大家分享

返上上星期小霸王的生日  (嘻嘻~)

No Matter 係新曆定係舊曆生日

對我家的小寶貝是同樣重要的

(我個人認為咋)

不過通常舊曆會過得比較輕鬆同簡單

♥ 只係吹吹蠟燭  食食蛋糕咁 ♥

我家只有五個人.... 所以蛋糕不宜太大

就揀左佢最鍾意的"朱古力"

3 歲的小霸王  終於明白佢先係主角

做主角  佢感到特別開心 

雖然佢想收埋  但不難發現佢心中的喜悅同滿足

♥ 我的小甜心 ♥  很幸福地吹蠟燭

Happy Birthday to U

Happy Birthday to U

Happy Birthday to Myolie

Happy Birthday to U

媽咪同爸B   祝願妳

天天都咁開心、天天都咁幸福、、天天都咁乖巧、天天都咁聰明 ...

3 歲必要送上的禮物   非佢莫屬吧!

從此要俾多一份車錢了.......

Welcome to S.K.Y. Lovely Family

Date:   2015.07.10 (Fri) ~2y11m27d

Place: Home

PN 班 ~ 七月份總結 (PN 結業了)

PN 班 ~ 七月份總結

需要上堂的日數: 8天

出席日數: 7天 

(特別日子: 7、8月份生日會)

缺席日數:  1天  
(事假 -  颱風)

在校表現:

1. 今個月: 仍然都係 All Rabbit ♥
2. 月報成績: 火箭 6個   ( ♥ OMG.... Good Job! Excellent! ♥ )

車車 = 表現尚可，仍須努力
船船 = 表現一般程度
飛機 = 表現良好
火箭 = 表現優異

勞作方面:

好孩子獎牌   (**希望你做到吧** 哈哈~)

7月的上學日子基本上都係"玩"、"玩"、"玩" ....
玩下遊戲呀~ 玩下吹泡泡呀~ 整下美食呀~ 表演一下呀~

而學校亦都將所有課本、用品派返晒俾我地 ♥

其中有一本係小霸王平時在校用黎畫畫的畫簿

打開一睇........ 真係....... 零畫畫天份囉! 

先睇左上面的... 是爸爸嗎??  (哈哈~ 笑爆左♥ )

再睇埋下面的... 是媽媽嗎??  (我?? OMG.... 爸B即笑說: 畫我都叫做有個樣睇下，你呢?)

我... 只好... 冷笑吧 ♥

原本手冊內是沒有列明七八月份生日會，我早在五月已問班主任有冇??

唔知係咪經我一問..... 特別在放暑假的前二天舉行"七八月份生日會"  (哈哈~)

冇計啦! 總覺得有生日會，小朋友係開心d 嘛! 

冇理由只有佢幫人慶祝而冇人幫佢慶祝架? 係咪?  (事實係對的)

↓ 你睇開完生日會那天的小霸王幾咁開心 ♥

開完生日會的後一天，16/7 就係結業禮了! 亦即係最後一天o係呢間幼稚園上課的日子。
除了跟老師同學說再見之外，亦要跟呢套"小香蕉"說再見了! ♥



由於新學校八月中已開始上適應週，所以小霸王的暑假剛剛好是一個月 (17/7 - 16/8)
♥ 希望呢個月唔好玩"創"佢個心啦 ♥

Welcome to S.K.Y. Lovely Family