PN 班 ~ Halloween Party

Halloween 對小FAN 黎講係一個好普通的鬼佬鬼節

未結婚前同結婚後都冇乜點理佢

(七月十四就話姐.... ^_^)

但自從我家的小霸王出世後就      有所改變

(當然唔係淨係Halloween啦，其他節日都....)

早於十月頭收到學校通告

得知 31/10 舉行化妝舞會

(乜都唔上心，係個囡的事最上心)

扮乜好呢?? 

有諗過扮白雪公主? 或其他公主     (好似唔多似 Halloween??)

亦諗過扮魔女   ( d 衫冇咁細件)

最後，好彩表姐仔有件未著過的南瓜裙

yeah!! 雖然係有點長，但都唔錯!!

最重要係可以慳返錢呀!! 

跟住就諗埋個頭點打扮好

上網訂埋 一對 Halloween主題頭飾

事前準備功夫攪掂晒!! 

當日一早起身，就為小霸王打扮囉!!

初頭佢都唔肯著架，但經過一輪讚美後

佢就沾沾自喜咁 (唔捨得除tim呀!!)

登登登登

小霸王:  我係南瓜小天使!!  (設計對白)

小FAN不得不同大家分享以下小霸王的說話

唔係設計對白架!!

小FAN: 你今日扮乜野呀? 你身上係咩黎架?

小霸王: 我唔係西瓜、唔係蜜瓜、唔係木瓜、唔係菠蘿，

亦都唔係蘋果、唔係香蕉、唔係橙呀!!

小FAN: 咁你係咩呢??

小霸王: (笑笑笑)

真係笑四我啦!!

南瓜裙配上頭飾  真係好可愛呀!!

見到眼前的小霸王

小FAN 都好感觸，佢真係長大得太快吧!! 

幫佢打扮好，出門前同佢講:『好好享受，小心D玩啦!!』

放工後，小FAN 都有問返小霸王今日化妝舞會的情況

佢都肯透露我知，小FAN 亦感覺佢玩得好開心!! 

唔知學校會唔會有相影到呢?? 真係好想有囉!! 期待!

Welcome to S.K.Y. Lovely Family

Date:   2014.10.31 (Fri) ~  2y3m18d
Place: Kindergarten