K1 班 ~ 面試大作戰 ● 第一回

十一月來臨意味住   忙碌的日子到了

K1 面試大作戰  終於都展開

港九新界的『龍媽龍B』   大家都要加油呀!

 ♥♥  希望人人都可以入到心儀的幼稚園  ♥♥

記得上年報 PN 時，小FAN 係報左 9 間

今年 K1，我 ... 只係報左 5間咋!! 

原因?? 

1. 面試撞期

2. 收生機會超微

3. 距離屋企太遠

基於呢 3個原因，最後連FORM 都唔入

只報 5間就算 !! 

唔想大人小朋友都咁辛苦 ♥

雖則我只係報左 5間，但因為間間都唔同面試日

所以.... 要請假面試!! TOO BAD

唔講咁多廢話，講返

K1 面試大作戰 ● 第一回

…。…。…。…。…。…。…。 …。…。…。…。…。

今日要 IN 兩間 

第一間 10:15

第二間 12:15

一早為小霸王打扮好  就出發囉!!

♥♥ 今日的出戰 LOOK ♥♥

每當重要日子時，

♥ 我一定會為小霸王影返張寶麗萊留念 ♥

佢自己都好鍾意今日個LOOK

所以不停擺POSE 俾我影相

差 D影到唔記得出門口呀!! ♥

今日親子黑白配，希望能夠成功啦!!

…。…。…。…。…。…。…。 …。…。…。…。…。

先講第一間  - In 10:15

10點到逹幼稚園門口

先去登記  跟住坐左陣就可以入去等面試

小霸王等候時間已經想喊咁

到入到課室  就真係喊左   好彩經我同老師安慰後就收左聲

今次係單對單

老師: 你叫咩名呀?

小霸王: XXX (好細聲) 

老師: 你隔離o個個係邊個?

小霸王: 媽咪囉!

跟住老師叫佢攞玩具俾佢  小霸王都一一做到

顏色呀! 食物呀! 動物呀!! 都答到老師

好開心小霸王仲笑容滿面對住老師 ♥♥

面試左差不多10分鐘!!  由入到走都只係30分鐘咋!! good

11月28日前會收到通知

由於時間多左，我地就返屋企hea 下先!! ♥

…。…。…。…。…。…。…。 …。…。…。…。…。

第二間 - In 12:15

12點到左門口，但唔俾入，要你係出面等

咁咪同小霸王係公園玩左陣

跟住佢見到幼稚園門外有好多魚魚

就不停叫我幫佢影相 ♥♥

影到 差不多12:30 先入得

入到去要填份問卷  跟住又等過

等候期間  原本好好的

但等得太耐開始唔耐煩

到 1:00到我地IN

入到課室 二個老師對一

先叫小霸王坐好  之後佢就想攞枱上面玩具玩

但老師唔准 (真奇怪??)

老師: 坐好先! 你叫咩名呀?

小霸王: XXX (好唔開心+串串地咁答)

老師: 吓, 你叫咩名呀?

小霸王: XXX (好唔開心+串串地咁答)

跟住攞左個入形狀的玩具俾小霸王入

(但最好笑係.... 個筒入面已半FULL, 叫人點入呢?)

小霸王都勉強入得晒

再跟住就攞積木問顏色

老師攞住藍色積木: 呢個係咩色??

小霸王: ........ (望左一望，唔理)

老師: 呢個係咩色??

小霸王:  唔識呀!! (答完再望向另一面)

老師: 你望下，呢個係咩色??

小霸王:   咁草草色囉!!

老師攞起綠色積木: 咁呢個係咩色呀?

小霸王: 呢個係Green 囉!! o個個係blue 囉!!

答完，就走得!! 

In 左應該有5分鐘吧!! 

小FAN 未見過小霸王會咁串嘴

都俾佢的表現嚇親   但出左門口之後

小FAN 就同小霸王講心事

小FAN: 你係咪唔鍾意呢間?

小霸王: 鍾意 (佢係講反話)

小FAN: 媽咪都唔鍾意呢間，D老師唔多好，

放心!! 我地係黎玩下架咋!唔好上心!! OK

…。…。…。…。…。…。…。 …。…。…。…。…。

傾此，小FAN 發現小霸王佢係有感覺架

佢知道老師好唔好的

其實小朋友真係好簡單

你對我笑  我對你笑

你對我有禮貌  我對你有禮貌

你對我串  我對你串

佢地係可以表達自己的感受

今日無論成功與否， 小FAN 真係上左寶貴一課咁!! 

…。…。…。…。…。…。…。 …。…。…。…。…。

今日面試的禮物

都好!! 有得玩下

Welcome to S.K.Y. Lovely Family

Date:   2014.11.01 (Sat) ~  2y3m19d
Place: Kindergarten