▌香港遊 ▌ 淺水灣‧赤柱、海港城

2013.10.13 (Sun) ~ Day 458

假日好去處??

每個星期都會上網搵下

因為真係諗到頭都爆

其實香港都有唔小景點可去

但... 又有幾多係適合小霸王呢 D 唔大唔細年紀去呢?

太遠唔去

交通唔方便唔去

太危險唔去

...............

所以今個星期日又再去......

***************************************************

11點出門口坐西鐵出尖東再轉巴士

大約個半鐘就入到去淺水灣

可能時間尚早冇乜人

可以好好咁影下相

仲可以放小霸王自己周圍行下

第一次夾頭髮

好彩佢都肯俾我夾咋!!

我等呢日等左好耐啦!!

o係淺水灣乾蒸左一個鐘到

我地就坐巴士入赤柱

入到赤柱梗係醫肚先啦!

又係... 平民飯堂... McDonald

有時... 我真係諗住去外邊好free 咁食個lunch

但唔知點解好似覺得.....

食得冇咁自在!!

小霸王係麵包王

一見到就要食

(老公仔話似佢喎!!)

食飽飽後就周圍行下

由小小領導帶我地行

識行之後的小霸王

好風騷、好得戚咁

當然都好得意啦!!

行到4點幾

我地就坐巴士返出尖咀

呢間 pan cake 想食好耐

但次次都冇機會食

Yeah!! 今次終於試到

淨係諗口味都諗左好耐

(我係有選擇困難症架!!)

最後由小霸王幫我揀

Banana Cream HK$30.-

唔... 唔太甜、味道唔錯!!

跟住入左老公仔最鍾意去的玩具反斗城行下

(睇下遲 D 你仲鍾唔鍾意... 呵呵!!)

今次係冇收穫

因為想次次去都買野

費事俾左個錯誤訊息小霸王

小朋友唔可以買咁多玩架!!