▌香港一遊 ▌ 圓方 ● 西九龍

上星期六唔洗返婆婆屋企 (佢地要回鄉祭祖)

我地就出外走走...

原本諗左好多地方... eg: 迪欣湖、啟德碼頭...

因為爸B 想幫囡囡影相    (難得佢肯揸大機喎! 我一定支持佢)

但係.... 天氣咁熱... 長期室外一定唔得啦!! 

所以.... 呢到唔去啦!  o個到又唔去啦!....

最後就揀返老地方   - ELEMENT

一個唔多人又舒服的商場

坐西鐵再轉港鐵   話咁快就到九龍站

第一個要去的地方    360 (THREE SIXTY)

冇錯!! 

就係佢 ♥ 最愛 ♥、♥ 最滿意 ♥、♥ 最開心 ♥ 的地方

小霸王黎到呢到，就好似玩急口令比賽咁 

不停咁講，不停咁叫.... 開心地跳下跳下..

媽咪，你睇下幾多魚魚? 

睇下有咩魚先?      

呢條係咩魚黎架?   咁大條o既? 

見唔見到石班呀? 

Ee... 呢條咪紅衫魚囉!!     點解冇大眼雞o既??

呢條又係咩斑?

哇! 好大隻crab呀! 

媽咪，你見唔見到crab呀?

(全部係出自佢把口架!!  仲有好多.... 快到記唔到囉!)

佢對海洋動物的喜愛度

好似只有增加   沒有減小到囉!!

(諗諗下.... 由佢識講野之後

duck duck → 魚.... 

就真係乜乜都"魚""魚""魚"喎!!

佢第一個識串的英文字  唔係apple.... 係 fish 囉!!)

係 360 行左 N 咁多個圈之後

終於可以離開去第二到行下、影下相啦!!

見時間尚早    太陽又唔係太曬

就上去平台公園行下，俾小朋友放下電

玩左大約半小時   就落返商場涼涼冷氣

行到累累地   不妨去 HMV 隔離的 Metro Books

小朋友可以係到睇下書仔   大人又可以坐低休息下

休息左一陣   食埋個 TEA ~   三點零四點呢D時間

出室外就比較上舒服D

我地就由圓方行去西九龍

好似好耐冇黎呢到咁

睇返相片先知，對上一次係2013年啦! 

哇? 兩年啦!  

上次佢就未識行     今次佢就跑呀跑呀~

我的小寶貝不再是BB 

感覺真係大得太快啦!  好唔捨得

(心中開始有 D 酸酸的，知道自己係時候放手了)

真係抱得幾多得幾多呀!~ 哈哈~

西九龍呢到真係一個影相、野餐的地方

近海 - 海風吹埋黎好舒服

大草地 - 小朋友可以任佢走黎走去

踏單車  - $10租單車真係好抵   (注意: 小朋友未識踏就唔好租)

呢日我家攝影師好落力為佢御用小Model 影相

而呢位小Model 都尚算合作啦!

我..... 我呀! 咪做阿四囉!!

整頭呀~ 抺汗呀~ 陪走呀~ ......

不過見到呢二個咁溫馨的背影

心中又特別甜喎!! 哈哈~ 

呢個 post 的相全出自我手的

因為數量太多+難得的機會

所以就用另一 post 再記錄! 

回顧：　

2014年 - ▌香港一遊 ▌ 荔枝角公園 ‧ 圓方 ‧ 海港城

2013年 - ♡ ♥ 西九龍閒遊 ♥ ♡

Welcome to S.K.Y. Lovely Family

Date:   2015.09.19 (Sat) ~ 3y2m6d 
Place:  圓方 / 西九龍