我們的小甜心 ♥ VS 硬頸妹

2014.09.10 (Wed) ~ 2y1m28d

自小霸王返學後

小FAN 好似仲早左起身咁

6點9前必會自動自覺起床

煲定水開奶、自己梳洗、 幫小霸王收拾書包.....

到小霸王自己起床之後

陪佢梳洗、飲奶、量溫度....

最大樂事... 就係幫佢扮靚靚啦!!♥

見到佢由唔多鍾意紮頭髮

到.... 而家坐定定俾我紮

真係好大轉變 ♥

好開心佢鍾意扮靚靚

(咁先似返個女仔 ♥)

其實佢咁開心有原因架!!

係咁....

小FAN 有日問佢返學D野

小FAN: 鄧老師，會點同你講野架?

小霸王: XX (佢中文名)，早晨!

小FAN: 仲有呢? 鄧老師有冇讚你呀?

小霸王: XX，今日好靚喎!!

小FAN: 哦! 咁你開唔開心呀?

小霸王: 開心!♥

唔怪得之你咁鍾意紮頭髮啦

原來有人讚美，哈哈!!

咁講真!

媽咪都好鍾意你個甜甜笑容

你唔發脾氣就真係.... 一百分呀!! ♥

但一日內未試過完全係100分囉!!

就好似... 今日咁

佢玩玩下玩具都可以發脾氣

唔係講過N次玩完的玩具要自己Clean up架咩

佢係有做... 但唔係次次囉!!

唔clean up 仲要踏上玩具係好危險的

我都只係話你唔好咁做，叫你clean up 咋ma

你就......

小Fan: 唔可以踏上d 玩具到架，會跌親架知唔知?

小霸王: 知!

小Fan: 咁你收拾返佢啦!

小霸王: 唔拾呀!

小Fan:  點解? 係咪唔要玩具啦!

小霸王: 要!.... 唔拾呀! 我唔拾呀!

重覆地問佢都係同一答案

佢硬頸指數係.... 爆燈囉!

(我都已經好好好硬頸，估唔到會生出一個硬頸王)

最後，唔知係咪叫做大家一齊讓步

小FAN 叫佢同我一齊收拾

佢都肯做!!

唉... 真係要諗諗計教好呢個硬頸妹先!!♥

呢個 ♥硬頸妹 轉個頭就唔記得頭先發生咩事

真係俾你激C啦!!