開開心心 ● 迪士"樂"尼

2014.08.30 (Sat) ~ 2y1m17d

PN 班適應週已經完結了

下星期就正式返學

咁即係就黎放完暑假

(扮下野先... 哈哈!!♥)

為左鼓勵下小霸王

今日... 我地就去好耐冇去的

Disneyland

(一年多冇去了)

小霸王: 我地去邊呀!! 去迪士"樂"尼!!

小FAN都唔知點解佢會加多左個"樂"字??

我教佢係迪士尼 / 迪士尼樂園架!!

由屋企去迪士尼真係勁方便

全程港鐵

快、涼、正

雖然係星期六

但又唔多人喎

真係意想不到呀!! ♥♥

天氣仲要好到不得了

唔變黑妹都偷笑呀! ♥

一入園見到廣告話12點前購物有九折

梗係入去睇下 + 涼下冷氣先啦!!

TSUM TSUM

好得意! 有大有細!!

見有九折就即刻買左呢個噴水風扇先

♥ 咁熱天時真係噴下水舒服好多! ♥

上次仲係BB 的小霸王玩唔到呢個

今次... 就第一個玩佢

馳車天地

冇得揸都咁開心

相信下次黎你就可以自己揸

你睇佢幾期待??幾緊張??

唉! 小FAN 我就..... 勁唔想玩囉!!

小FAN: 阿囡呀!! 你同爸B玩好唔好呀?

小霸王: 唔好!

小FAN: 吓! 我會暈架喎!

小霸王: 媽咪，一齊玩!!

唉... 唯有頂硬上吧!!

瘋帽子旋轉杯

幸好最後冇暈到咋!! 驚險.. ♥♥

但入夜時再玩多次就.....

小熊維尼歷險之旅

又係玩完又玩

灰姑娘旋轉木馬

點解小朋友的遊戲一定要轉架呢??

可唔可以UP & DOWN 唔轉呀??

真係難為了家長囉!!

玩左咁多轉野，真係要休息下

我地就去左食個午餐!

食飽就去搵我至愛影張靚相先

想問下點解而家D 工作人員幫人揸機影相D 質素咁差?

我指係揸我地部機

完全係.... 唔見得人

只有呢D唔係合照就影得清清楚楚

合照就..... 唉!

最後..... 梗係幫襯佢地買相啦!

仲有埋Softcopy

總結... 係"要你買相"

小霸王: Pooh Pooh 都有big tummy!!

哈哈 ~ ♥

上兩星期去Ocean Park 見到d公仔

就離開九丈遠

今次.... 居然抱住唔放

迪士尼真係.... 勁呀!! ♥♥♥

咩事?? 有乜咁好睇??

要你踎低睇??

咪就係....

轉轉彈弓狗

係排隊時俾我地見到VIP

就係邱小姐!

哇!! 估唔到佢真係keep 得幾好喎!

名人真係唔同d，對鏡頭好敏感

完全影唔到佢!

最後都係放棄，俾返私人空間佢吧!!

講返呢個彈弓狗先

係唯一一個遊戲係嚇到小霸王

佢玩左一個圈已經好驚

可能係多人排，轉快d ，有小小離心力

我問佢玩多次好唔好?

佢話唔好... 哈哈!! ♥♥

迷離大宅

玩埋呢個，已經五點左右

大家都好累了!!

小霸王瞓覺，我地就坐低飲杯野休息下

未瞓夠的傻妹

俾我地吵醒食晚飯囉!

食飽晚飯，見未夠鐘睇煙花

就又玩多陣

太空飛碟

巴斯光年星際歷險

準時九點放煙花

真係... 睇多幾次都唔厭呀! ♥♥

Bye bye Disneyland!!

We'll be back!!

上年小霸王黎呢到真係一舊飯

今年就好唔同，

佢居然記得到佢玩過d乜? 見過d 乜? 做過d 乜?

最令佢深刻的係....

『小小世界』

小霸王: 坐船船、 姐姐唱歌歌、有飛魚、小丑魚...

佢能夠唱到...

世界真係小小小

小得真奇妙妙妙

實在真系細世界

嬌小而妙俏......

真係諗下買唔買全年通好

銀卡好似幾抵下!!