今個中秋不快樂??

2014.09.08 (Mon) ~ 2y1m26d

中秋都過左一個星期啦!

而家先寫返真係有點....... ♥♥ (無言中....哈哈!)

其實... 今年的中秋真係一個不想多提的中秋

點解??? 一陣先講吧!!

先講下開心野

中秋例牌公司有得收四點，正呀!

可以早d 返屋企!! ♥

收工返到屋企

小霸王仲係午睡中

到小FAN 沖完涼、換埋房間的床舖、清潔埋間房

準備收拾下小霸王的書本時

佢就起左身啦!!

竟然起左身，D 書又係屬於佢的

咁就你自己收拾吧!

原本係用兩個膠籃裝住的

但實在..... 唔夠空間

所以.... 要搬位! ♥

READY GOGOGO...

呢個小朋友又做得唔錯喎!!

一本又一本咁搬位

(當然我都有幫手啦! ♥)

♥♥ 話咁快就攪掂晒!! ♥♥

因為個架仲有其他野放，

所以都只係放到一半的書本咋!!

相信遲下... 就會霸晒全個架!♥

登登登..

『小霸王私人圖書館』

小霸王都好鍾意佢呢個小小圖書館

之後每次想睇書

佢都會話去圖書館先... 哈哈!!♥♥

收拾好書本

我地就一家人在家吃中秋晚飯

之後，爸B 就話出去賞月玩下

.........

小FAN 唔想出去

因為.... 前日"瞓矮頸"

條頸痛到今朝睇埋醫生

要食藥止痛

所以邊有心情出去玩

唔係得我一個唔想出架

問小霸王去唔去街? 佢話唔去

問佢去唔去玩燈籠? 佢又話唔去

爸B 見我地二個都唔出

最後放棄.... 只好留在家

小FAN 知佢唔開心架, 但冇計，真係痛嘛!! ♥

雖然冇出去，但小霸王都有玩燈籠架!

呢個係學校派的紙燈籠 ♥

都好得意架!

相信好多小朋友都好鍾意

唯獨.... 小霸王吧!!

佢玩兩下已經話唔玩囉!!

唔好話呢個紙燈籠

就算係...

有音樂 + 得意的玩具膠燈籠

佢都係.... 唔鍾意!!

上年買俾佢的毛毛燈籠、MELODY 燈籠唔要唔玩

諗住買個新o既，叫佢自己揀

佢都話唔要

真真真..... 奇怪???

難道佢唔鍾意中秋??? 哈哈~

阿囡呀... 話我知點解好嗎??