PN 班 ~ 親子競技運動日

自從小霸王返左學之後

小FAN 最期待的......  就係 "學校親子活動"

(唔計親子做勞作囉  ~ )

因為呢個係一個好好機會讓我可以

了解下小霸王與老師 & 同學仔的相處 

所以盡可能我都會出席

復活假期前

學校就舉辦左『聯校親子競技運動日』

(明明通告只係寫住"親子運動日"，仲註明冇比賽)

小FAN 心諗.... 做做運動姐.... 咁簡單就當然要參與啦

亦傻傻的沒有要求爸B請假一齊玩

(後悔~ 起後悔~ 勁後悔~......嗚嗚~!)

呢日同小霸王輕鬆地食左早餐就出門口

由屋企慢慢行去....... 準時10:30 到達運動場集合

"競技"?? 點解會多左呢兩個字???? 

望一望運動場   分左 六個部分競技

唔係嘛??? 即係玩我地???

放低小朋友後   家長需要往看台觀賞小朋友跳開始舞

原本呢位小朋友乖乖地坐在地上

點知.... 當佢在看台找到我後..... 喊到收唔到聲

最後我唯有落場陪佢

♥ 呢個喊包真醜死怪呀!! ♥

3、2、1  親子競技正式開始

(唔好意思，因要照顧小霸王，所以係唔會有玩緊遊戲的相)

只有玩完休息等候時的相

走呀~走呀~走呀~ 

呢刻在想.... 叫埋爸B 黎   就好了!

一來可以有人幫下手陪玩

二來可以影多D相

三來呢D咁珍貴的回憶又點可以只有我獨享呢?

雖然呢兩個小時要

走黎又走去   出到周身汗  曬到變豬頭

但見到佢笑到咁開心   辛苦都係值得囉! ♥

說真的  爸B 同我年紀都唔細了

真係唔知仲可以陪佢跑跑跳跳多少年

要珍惜呀~   我地亦要好好KEEP 住身體健康呀!

Welcome to S.K.Y. Lovely Family

Date:   2015.03.28 (Sat) ~2y8m15d

Place:  天水圍運動埸