同心●同步●同樂日 @ 沙田馬場

原本只係抱住抽下獎的心態下    試下參加Baby Kingdom 的國王送大禮

估唔到幸運地又俾我抽中四張入場劵喎!!

(難道個天真係咁想我去? )

其實入場劵好早前係可以上馬會網站抽

但當時我真係冇留意到囉! 

所以真係好開心今次抽中  仲有一隻小馬仔送呀!♥

小霸王仲幫佢改左個名，叫做 PONY

仲俾佢同自己一齊瞓呀!    可想而知佢有幾鍾意佢 ♥

四張入場劵點用好呢?

好彩 3 歲以下唔洗票咋... 可以多D 小朋友去

最後 ~ 選擇三大三細入場

大人 - 我、爸B、公公

小朋友 - 小霸王、家姐仔、細佬

天氣大好的一天    又曬又熱囉!!

三位穿上10號仔美斯球衣的小朋友

開開心心地踏上首次去的地方

沙田馬場

而我地三個大人都係首次一齊帶住呢三個小朋友

說真的，出發前婆婆真係好怕我地攪佢地唔掂! 

(事實梗係.... 攪得好掂啦!)

外面真係太熱，我地先玩左室內

可能時間仲係早，唔太多人

真係估唔到呢兩個未夠3歲的小朋友

都好認真地+合作地玩每一個遊戲

三位小朋友一齊互相合作、互相幫忙

玩完一個又一個遊戲

(私心的發現 ♥  原來小朋友穿球衣係好得意、好可愛)

真係估佢地唔到   不得不讚下 ♥ 型仔公公 ♥

因為三套小球衣係佢買的

其實同樂日的遊戲區係好多

但.... 真係有心冇力... 只可以揀 D 舒服D、輕鬆D黎睇同玩

 ♥ 好攪笑的免費照片 ♥

玩完室內.... 就到外面走走

哈哈~ 一個小FAN 一直好想去但從未去過的地方

彭福公園

(講俾人知都唔信，但真係冇去過嘛!!)

三十幾度下的彭福公園

真係.... 令人不好受! 

原本想俾佢地玩的滑梯   最後只係俾佢地玩一次咁多

原因: 太熱了

小FAN 抱住小霸王玩一次咋   已經唔小心地勺傷手肘

真係太危險啦!   知佢失望但冇計

唯有坐草地玩一陣吧!

照顧呢三位小朋友四個鐘左右

真係疲累到爆燈呀 ~ 開心到爆燈呀 ~ ♥

** PS **

此呢日起，小霸王見到電視播跑馬時，

佢都會話"呢到咪馬場囉"! 相信佢真係玩得好開心! 

特別嗚謝: Baby Kingdom

Welcome to S.K.Y. Lovely Family

Date:   2015.04.05 (Sun) ~2y8m23d

Place: 沙田馬場