▌大阪遊 ▌§ 美食推介 § ~ かに道楽

返酒店沖過涼休息下

我地又出動啦!!

因為時間尚早

又要等位

(攞左位要19:45先有得食)

所以我地就周圍行下

老公仔教我認住Glico就會搵到酒店位置

但我就話... 認住"激安の殿堂"個摩天輪仲好

日與夜的感覺好唔同

夜晚係勁多人囉!

七點九準時有得食

太好啦!!

在大阪的第一晚

我地選擇食蟹

かに道楽

都沒有刻意揀邊間分店食

行行下... 就揀左去本店

一入地下門口

一大缸蟹等住你咁

哈哈

近睇 D 蟹其實都幾嚇人

但小霸王又唔係好驚喎?

體貼的服務員安排左我地坐2/F (非吸煙席)

地方大、環境舒適

服務員有禮貌

第一個感覺已不錯

因為唔係太肚餓

我地就只係叫左一個SET再加小小食物

活かに姿会席 (5,400円)

◆活かに姿茹 ◆かに茶碗蒸し ◆かにグラタン　クラブソース ◆かに釜飯 ◆香の物 ◆デザート

蟹真係好鮮味!

蟹膏唔溜，好好味!

小霸王一個人可以食晒一小杯的蟹肉蒸蛋

就知有幾好味!

呢個飯冇得頂

正!! 正!!

額外叫左

生かににぎり ( 2,376円)

生蟹肉壽司

真係第一次食!! YUMMY

埋單都只係8千幾円

以坐得舒服、食得開心

小FAN 我覺得值得囉!

哈哈~