可以話係DAY 2 唯一一個行程
黎之前都有係官網到睇左有乜係o岩小霸王玩
答案係..... 極小囉!
做好心理準備行多過玩架啦!
亦好彩有買到 Cathay holiday送的買一送一咋
一張成人要6980円 (大約HK$533)
我而家只係HK$550 就可以有兩張，好抵呀!~
仲要唔洗排隊直入去，SO GOOD!!
由酒店出發去都唔洗 1 小時
好方便!!
入到場梗係要叫醒小睡中的小霸王啦!
今日係平日(星期一)
小FAN 覺得都比預期多人
一心諗住小霸王唔會怕D 卡通人物
點知遠望可以
行埋去就.... 大叫唔好囉!
入園第一個遊戲
就係自費玩拋波波
原價要1000円
點知有個好好的日本女仕俾左張Coupon我
只係要600円就有12個波!
係冇諗過會中的情況下
爸爸中一個，小FAN又中一個
就咁... SNOOPY 就得手
係正貨黎架! 真係... 意外收穫
恭喜我地，SNOOPY 咁早就跟住我地
由於知道只有『環球奇境』 呢區
係小朋友玩得
所以... 先直接去呢區吧!
『環球奇境』有三個主題
第一個係 SNOOPY
【史努比電影工作室】
呢區的機動遊戲二個都有高度限制 92cm以上
所以只能夠入去電影工作室內影下相
玩下D 簡單野
第二個係HELLO KITTY
【HELLO KITTY 時尚大道】
二個遊戲設施
Hello Kitty夢幻蛋糕杯
完全沒有高度限制
好安全! 轉得唔太快
Hello Kitty蝴蝶結大收藏
鍾意HK當然唔好錯過
唔鍾意呢? 都可以入去參觀下涼下冷氣
館內都有個滑梯俾小朋友玩下
仲可以同HK 影相
都唔錯架!!
第三個係芝麻街
【芝麻街歡樂世界】
呢到一陣再同你地介紹
因為頭一ROUND 只係.. 睇下冇玩野
咁行一行就過左半日
先去醫下個肚
係冇乜要求下行入左呢間餐廳
點知? ... 原來只有漢堡飽食
即係得牛咋! 小FAN 唔食牛架嘛
但又唔想帶住小霸王周圍走
(話晒搵到位...^0^)
所以最後係...
小FAN 自己一個以九秒九咁走返去
對面街的 SNOOPY 餐廳買食物
再攞返黎呢到食
(來回我諗都用左至少十分鐘吧)
YEAH! 可以開餐囉!
最開心係小霸王啦
偷偷地食薯條
食飽又休息夠本
我地就再繼續玩
【卡通饗宴】
有點似迪迪尼的史迪仔
不錯，幾得意!!
跟住我地就圍住個樂園行一圈先
睇下有冇其他可玩
嘻嘻~
走左入一個SHOP
俾我發現呢個閃棒，我好鍾意
就問小霸王要唔要
佢居然第一次話要買喎!
當然會買俾你啦!
【侏儸紀公園 - 乘船遊】
哇哇! 哇哇大叫 ~
好勁呀! 小FAN 超想玩囉!
(o個刻我同老公仔一齊話
如果公公婆婆一齊黎埋我地就可以去玩啦!)
哈哈 ~
【大白鯊】
又係只可以影相咋!!
維修中!!
不過就算唔係維修都應該玩唔到
因為須身高122cm或以上
算吧!!
大人世界都係唔多o岩我地
返返去wonderland 吧!
今次就去返
【芝麻街歡樂世界】
Big Bird的大頂篷馬戲團
第一次唔敢玩
第二次居然玩上癮
冇啦! 之後太多人
只可玩兩次咋
機會唔等人架!! 哈哈~
Elmo 的夢幻世界
呢個館好多野玩
所以會勁多人
基本上係插針都插唔入
Elmo泡泡傲遊
Bert和Ernie的奇幻深海
Glover的建築公司
Big Bird的巨巢
Moppy的幸運舞會
Abby的魔法派對
鍾意芝麻街的朋友一定不可錯過!
Elmo小兜風 /芝麻街大兜風
3 歲以上先玩得
揸住架假野先吧!!
真心想玩架，真係好得意!
等大d 媽咪再帶你黎坐
冇得玩車，就俾你玩多次波仔吧!
Ernie的橡膠鴨大賽
全日玩得最最最開心的一刻
有水有duck..
一隻隻大duck 任你玩
大人細路都鍾意!
咪玩到手腳都濕晒囉!
玩到五點幾
小霸王都累到瞓著埋
我地本身諗住走
但係... 冇!! 因為....有巡遊!
我就坐係街到休息下
而老公仔就玩佢今日唯一一個機動遊戲
蜘蛛俠驚魂歷險記
史上第一個連續7年蟬聯世界第一機動遊戲獎項、全球最好玩的娛樂設施。採用世界最尖端「4K3D」技術，將機動遊戲帶入新紀元！幾可亂真的迫真度，連續使用特殊效果達100次以上，無可比擬的投入感，史無前例的興奮體驗！
佢話真係好好玩!!
我見都好多人排隊
玩完後，
我地就真係坐係街到休息
由六點幾開始坐...
天開始慢慢黑...
坐到差不多八點
就叫醒小霸王食晚餐
(冇計... 好多小食店已關)
唯有食熱狗吧!!
可能係平日唔多人等睇
仲好... 可以唔洗迫
準時八點半開始
小FAN 都有諗過會係咩主題
點知...
魔幻星光大遊行
原來都係迪士尼卡通
先係樂園主題人物
ELMO
SNOOPY
HELLOKITTY
跟住就係
阿拉丁
愛麗絲
灰姑娘
平時見迪迪尼D 花車係一架一主題
但呢到唔同
用幾架花車去講個故事出黎
例如: 灰姑娘
你會見到 南瓜車、仙女、晚裝、城堡....
完全係一個故事囉!!
好靚呀! 好特別!!
好彩有留低睇咋!
一向心中只有布甸狗的小FAN
卻在這... 遇上它... 佢個名叫 MOPPY
真係好可愛呀! ^ ^
玩到樂園關門我地先走... 犀利!
(不過時間都只係九點多D咋!)
BYE BYE Universal City
We will be back !!
小FAN 覺得日本的Universal City 唔係好大
大過HK 迪迪尼小小咁
但係真係好好玩，好想黎多次玩
D 遊戲真係大人細佬都鍾意
老公話佢鍾意呢到多過迪迪尼喎!!
沒有留言:
張貼留言