2014.06.01 (Sun) ~ Day 689
在大阪的第一天早上
去酒店放低行李後
食埋早餐，我地就出發去奈良啦!!
點解會第一日就去奈良?
因為朋友提醒我坐完零晨機
個人會比較累，坐長程車有得休息下
(早上真係唔覺，到中午就黎料)
因為我地買左 KANSAI THRU PASS
所以唔搭JR
由「大阪難波駅」 ↔ 近鉄奈良線急行「近鉄奈良駅」
≥ 大約 39分鐘
如果計埋上上落落車站
都要 1 小時囉!
第一次坐日本電車的小霸王
表情係好新奇囉!
在車上休息一陣
話咁快就到啦!!
一出車站
人人都會去睇下個map
我地都有睇
但係... 係睇下囉!
因為冇諗住逗留太耐
就隨意行吧!
奈良風景不錯
今日天氣太好
曬到你.... 黑晒囉!
行左一陣
去到奈良公園
終於見到佢地啦!!
一隻又一隻
大大小小的鹿仔
到處都係...
你可以同佢好好好近距離接觸
佢地完全唔怕人
見你手上有野食仲跟實你囉!!
第一個感覺係好得意，好開心
但一陣間... 就覺得有d 怕
因為 d 鹿可以連 BB車掛住的紙牌仔都當食物咁咬
你話... 係咪早d 走為妙呢??
天氣咁熱
坐低食返杯沙冰解下熱先啦!!
如果冇記錯，都要 500円
奈良到處都可以見到鹿仔的產品
掛飾、鎖匙扣、公仔等
本身小FAN 都打算買
但冇合心意，唯有放棄
估唔到
咁就行去一個上午了
係時候要返去大阪囉!!
向下一站出發
沒有留言:
張貼留言