▌香港一遊 ▌ICHIRAN‧工展會‧TIMES SQUARE

2014.01.01 (Wed) ~ Day 538

Happy New Year!!

新的開始，

2014年第一天，

放假梗係繼續去玩玩食食啦!!

老公仔提議去工展會

是但啦!!

小FAN 咁大個女都未去過

去見識下都好喎!!

坐巴士出發中，

老公仔又話不如去埋 ICHIRAN

吓? 好多人架 喎!!

(小FAN 老公仔係好冇耐性的男人)

去睇下多唔多人先再決定吧?

可能係除夕過後?

估唔到一點都冇乜人排隊

我地只係等左半個鐘左右

大人就話等得

小朋友等一陣就覺唔耐煩

估唔到會有BB 椅

所以我地選擇 等 三人位

咁咪可以唔洗抱住小霸王食

香港 ICHIRAN 的店內環境、裝飾 同日本一樣

如果我冇記錯，

日本好似冇服務員招待，全自動的，

用售賣機落單

所以有服務員，感覺親切 D咁! 哈哈...

而且呢到服務員態度都唔錯

環境比我想像中闊落

一碗豚骨拉麵  - 包括: 一個拉麵、二片叉燒

湯的濃度、油膩度、辛辣度、蔥蒜、麵的硬度等都可以任由自己選擇

味道如何?

當然好似日本好D .... (好懷念呀!!)

但香港都做到 9成似架啦!!

水準唔錯，但份量真係小囉!!

二片勁細的叉燒? 食左等餘冇食咁

拉麵? 都唔算多，細食的就夠食，

如果好似小FAN 老公仔咁，唔加底唔夠飽囉!!

(其實加半個都已夠)

ORDER:

一碗豚骨拉麵 ($89) + 黑木耳 (加$10) + 半熟鹽煮蛋 (加$12)

一碗豚骨拉麵  ($89) + 黑木耳 (加$10) + 半熟鹽煮蛋 (加$12) + 加麵底 (加$19)

埋單: $241.-

抵唔抵食?

見仁見智啦!!

以呢個價錢食日本式拉麵，都算OK 架啦!!

YEAH!! 食飽飽就行去維園工展會

入場費: $10/位

由於太多人，小FAN 都冇影相

不過真係勁多野睇、買同食

唔怪得D C9可以行一日

小FAN覺得自己唔係一個精明的C9

所以只係行左個幾鐘就BYE BYE 囉!!

係好多平野，但咁重點推返屋企呀??

而且小FAN又唔知價

點知係咪真係咁平呢?

哈哈...

我地只係買左小小零、食咖啡咋!!

離開工展會，

我地行埋皇室堡再去行埋時代廣場

小霸王一見到 D 動作勁興奮

不停走黎走去

完全唔肯停低影下相

激死人!

影到老公仔都冇晒心機呀!! 哈哈...

原本諗住帶小霸王去坐下叮叮(電車)

點知? 撞正遊行

冇得坐.... 唯有下次吧!!

我地就改為坐船去尖咀行下

今日冇行海港城，

太多人

只係去1881 影下寶麗萊就返屋企囉!!