2013.12.26 (Thu) ~ Day 532
今年本身諗住唔攪 party 架啦!!
因為要婆婆同小Fan 整野食真的有點累
(小Fan 係病態中囉!!)
點知?
個麻煩細姨話要攪下party 開心下喎!
(佢只係講唔做的....^0^)
唉!
婆婆話... 咁簡簡單單吧!!
病態中的小Fan 不得不幫忙
所以最後只係做左d 好簡單的美食
一家人在一起
簡單都可以好幸福的!!
我地仲玩埋抽禮物
$50以下
12個人，不論大朋友定小朋友都有份
仲玩埋 現金 Jackpot
哈哈!!
相信最後...
最開心的...
當然係屋企的 3 個小寶貝啦!!
小霸王今年都收到不了聖誕禮物
真係好感謝愛錫佢的家人及朋友們
呢 3 個小寶貝大個左好多
已經開始有佢地的主見同脾氣
簡直係又愛又恨呀!!
梗係愛多D啦!!
***************************************
其實小Fan 我已經唔係點買玩具俾小霸王
大多數都是朋友仔同家人送俾佢的
但難得節日
小Fan 就容許老公仔買一份咁多
小霸王最愛的豬豬
我都唔知點解佢對動物特別有興趣 ?
除左豬，
仲有狗，佢一見到狗就好開心好興奮
難道係遺傳???
沒有留言:
張貼留言