Happy Dinner

連續OT左三晚，今日終於可以輕鬆下啦!! 所以約左舊同事阿表姐CAROL+ 白痴仔ALAN出黎食個飯、吹下水。當然仲要攞薑醋俾佢啦!! (o係我resign前已經講定會攞俾佢!!)

大家都有傾番舊公司而家變成點、有咩大事。估唔到短短一個月會有好大變化，DIRECTOR唔同左、唔會再請番我之前個POST (即唔會有REPLACEMENT)、表姐就會做到呢個月月尾(公司CUT人).......但係居然冇CUT 到我至憎o個個死八婆wor，你話有冇攪錯架??

估唔到一個金融海嘯會係咁大威力，我係咪應該高興自己走得快呢???

係咪真係咁邪呢??? 對上份工又係當我走左之後，公司STRUCTURE、人事即刻變晒。呢次又係咁WOR.... 點解呢?? 我真係有咁大影響力!! 傻啦!! 哈哈...

希望表姐可以快D搵到份新工啦!! 話晒我地都係手停口停架嘛!!!