白波鞋

好耐冇同男朋友行街街啦!! 因為佢真係好討厭人多+嘈o既地方，所以行街shopping對佢黎講係件勁辛苦的事。我諗佢年紀老掛… 哈哈!! (有時我都會諗下點解佢會鍾意我呢?? 佢點會鍾意一個勁嘈+講野大聲+唔溫柔o既女仔呢?? 難道佢傻左???應該係….)

今日佢肯陪我行一陣街梗係有目的啦!! 目的當然係關佢事而唔係我架…. 唉!! 佢呀!! 原來都有貪靚的一面。點解咁講?? 因為兩個星期後，我地就會影第一輯婚妙相，而佢之前choose左套米白色的禮服，為左靚d，所以想買對白波鞋囉!! (我叫佢著黑皮鞋得啦… 到時都未必影到，佢話唔得wor!!) 佢鍾意啦!!

我地行左好多SHOP… 只係見到二對係全白色 (因為只係睇二個牌子(NIKE+ADDI)，咪好似冇乜CHOSE，咁鬼叫阿大爺唔會著其他咩!!)，所以呢….. 一對係ADDIDAS (款式佢已經有，只係唔同色)、另一對係NIKE AIR FORCE，最後佢話唔想同款，所以choose左 NIKE。

好意外男朋友佢會問我『你又買唔買呀??』，!! 佢開到聲wor，我點好唔要呢?? 哈哈… 多謝晒!!! YEAH…

就係咁…. 為左輯相，我地就買左情侶波鞋啦!!

↑見唔見呀!! 82呀… 對我黎講有雙重意義tim呀!! 哈哈