熱鬧的一天

今日一早俾媽咪叫醒左，佢話：『快d 呀... 要趕住返豆家! 』，我心諗唔洗咁急呀媽咪，佢尋晚先話唔咁早返去架!! 仲乜又唔同左o既!! 我知佢係好掛住寶貝孫女架啦!! 唉....

返到豆家，媽咪又開始佢o既工作... 同小豆兒洗白白、整好d 水俾家姐沖涼、餵奶、煲番熱d薑醋、整餸..... 哇!!! 冇停手呀!! 我知媽咪佢係好辛苦架，但係『有豆萬事足』o既佢，見到小豆兒就咩都唔記得囉!!! 哈哈 (就黎唔記得大姨同細姨架啦!!)

豆家今日好熱鬧，因為太婆、姑婆、表姨、表舅父...一排人黎晒呀!! 個個都爭住要抱佢!! 尤其係太婆，見到小豆兒不知幾咁開心呀!! 小豆兒... 你真係多人錫呀!!

↑大姨梗係唔可以唔抱下你啦!! 你見唔見呀... 後面o既婆婆做到衫都濕晒呀!! 你要乖 d ，知道嘛??

↑呢張係四日前影，只係四日冇見咋... 小豆兒長大左好多呀!!

↑↓你睇下佢.... o係婆婆手上幾咁乖!! 小豆兒... 你記住一定要錫婆婆呀!!