非常笨的大姨

今日一早去左大元街市幫媽咪買餸，唔好誤會... 係買去家姐屋企，冇計啦!!! 媽咪話出面d餸貴得黎又冇乜野買wor，我出去睇小豆兒咪買埋囉!! 哇.... 都好鬼重架!! (唉... 我而家唯一做到的只有減輕下媽咪的辛苦)

出到去坐左一陣，我地就去樂富攞醋、買豬腳、雞蛋，哇... 好重呀!!! 咁我地咪分開d抽law(我推車仔)，點知落樓梯時，衰媽咪同阿妹居然唔理我，我幾無耐呀!! 媽咪佢淨係講"姐夫話o係OK 等"，咁我咪不斷重覆"OK、OK..."，我OK左好耐佢先發現我咋.... 三個白痴婆咪o係條街到勁笑... 哈哈

o係家姐冇乜野做架.... 唯一咪同小豆兒影下相law.....

↑小豆兒... 唔好咁懶好wor....  

↑食飽左仲咁為食呀你...

↑小豆兒... 大姨唔知係咪老呀.... 我諗係似笨多D，居然漏左個銀包o係你屋企呀!! 明天又要坐車去你到攞番，唉.... 你知ma...細姨同未來姨丈唔停咁話我"蠢"!!!