鄰舍步行籌款

要密密手先得，唔係2016年黎都未寫晒2015年的post

唉.... 年尾好似特別多野做咁

公司又忙喎! ~ 又要plan月尾旅行的行程.... 真係......

唔理啦.... 密密做密密寫吧!

上上星期日，我地o係乜都唔清楚的情況下參加左個步行籌款

(只知道係爸b上司邀請咋，又見地點近我地)

9:45AM 到逹大埔海濱公園集合

 聽左一個鐘左右的嘉賓謝詞，就出發啦!! 

原本參加的只有我地三個人，但見咁近就拉埋公公一齊去

♥ 哈哈~多個人睇囡嘛! ♥

大埔海濱公園.... 我地都黎過好多次

怕小霸王悶，早有準備帶埋Bubble槍 ♥

初頭以為要行到碼頭附近，點知.... 只係行左都唔知有冇30分鐘就到終點囉!

估唔到....咁快就行完，哈哈!!

不過公公話..... 拖住呢個牛女行... 真係仲累過自己行呀! 

冇計! 小霸王真係好懶行路，除非佢見到鍾意的事物，

否則佢.... 會.... 唔肯行之餘仲會拖你慢d行

所以.... "拖牛"咁... 真係幾辛苦

希望日後更加多機會參加步行籌款吧!

(有意義得黎又唔太辛苦)

行完之後帶左小霸王去公園玩左一陣

再會合婆婆食個 early lunch 就返婆婆屋企休息囉!

Welcome to S.K.Y. Lovely Family

Date:   2015.12.13 (Sun) ~ 3y5m
Place:  大埔海濱公園