PN 班 ~ 學校觀課日

下學期開始之後   係手冊上知道五月中會有觀課日

心中真係非常期待架 ♥

四月收到通告:

11/5  上午9:30-10:30 (1小時 ♥  觀課)

只可以一個家長出席

小FAN 心中不期然有小小擔憂

事緣係上次親子競技運動日  佢有我在身邊就變得好嗲、會喊

所以本身諗住叫爸B去觀課   但可惜爸B 冇假放

咁唯有自己頂硬上吧!!

早一日已經同佢傾好晒   

『唔准喊，唔准扭計，否則媽咪即刻走人返工架啦!』

 ♥ 小霸王口頭答應晒 ♥

呢朝佢自動自覺起身   仲好開心咁話:『媽咪陪沂沂返學』

(說真的，媽咪比你更開心 ♥)

上左輕鐵返學，表情多多 ♥ 心情開朗  ♥ 拖埋我手仔  ♥

點知..... 拖到佢去學校門口就....

小FAN 放手等佢自己行入去

佢就問: 媽咪呢? 媽咪入黎，媽咪陪沂沂返學.....(跟住爆喊)

我: 媽咪一陣黎，你乖乖地入去

 ♥ 見到佢爆喊都有D心痛   但冇計，消失為妙  ♥

到 9:30 PN 班係門口準備入去

家長們分為 兩組， 一組 - 運動堂、另一組 - 音樂堂

(半小時後 再交換上堂)

小FAN 都做好心理準備小霸王會扭計、爆喊

我係A 組 - 先上運動堂再上音樂堂

小朋友由課室出黎時   小霸王已經見到我

但佢都好乖跟住老師上堂

今日運動堂 - 係bouncing bed (吹氣床)上爬行

小霸王係班中數一數二活躍份子

不停舉手玩，但好"輪盡"囉!! (笑四我 ♥)

佢個身體係上緊堂，佢個眼睛就不停望住我

玩完會走過黎搵下我   (激四人 ♥)

好唔簡單地完成運動堂觀課

小朋友排隊去洗手間，家長們就換位

未入音樂堂  遠遠已經聽到小霸王喊住呼叫"媽咪、媽咪呢? 我要媽咪!"

唉! 真無奈! 佢仲喊到老師都冇辦法 

唯有全堂在我身邊  

10:45 觀課完畢

家長們要離開學校   呢一刻小霸王喊得仲犀利

但冇計   交俾老師後  就離開返工去吧!

(放學時老師有轉告爺爺話小霸王都喊左一段時間)

呢次觀課後   令我更了解小霸王

知道佢原來係好動型、撒嬌型、坐唔定

真係要好好訓練下佢先 ♥

Welcome to S.K.Y. Lovely Family

Date:   2015.05.11 (Mon) ~ 2y9m27d

Place: Kindergarten