▌香港一遊 ▌美荷樓

O係FB 見到話美荷樓於5月16至17日（星期六、日）舉行開放日

一直都有意想去睇下係點    嘻嘻~ 

呢日小FAN 放工後   約定爸B 同小霸王係美孚等再一齊坐地鐵

估唔到  小霸王好合作咁乖乖地跟爸B 由屋企出黎

佢地父女開始合拍!   (真感動!♥)

由深水埗地鐵站行過去

都算快，十幾分鐘左右啦!

美荷樓呢幢位於鬧市的二級歷史建築，

現已改建成年輕時尚和活力十足的青年旅舍，

兼備現代化設施。

我地先去"美荷樓生活館"參觀下

哇!! 多麼令人懷念的"火水爐" ♥

不期然令我想起太婆婆   小時候成日煮野俾我食

雖然不是什麼山珍海味   只係咸魚清菜

但o個種溫暖的感覺依然常存在心中 ♥

呢種 "一室一戶"或"一屋兩伙" 

我就真係未住過    一張床幾個瞓就有 ♥

(其實舊時係就係迫d  但我覺得咁先更親密)

生於80後的小Fan   

有見過亦有用過簡陋的女廁 (N年前大陸旅行)

但公用浴室就冇見過啦

呢D 咁早期的公屋   我就冇住過

但記得小時候去親戚的家拜年係有見過囉!

相信80後的你   一定有見玩過同用過吧!!

對於年紀小小的小霸王

呢到所有的事物  對佢黎講都係"零" + 新奇

我有講解佢知，佢吸收左幾多就真係唔知

希望生於現今物質豐富時代o既佢

♥ 可以好好珍惜每一件事同物 ♥

明白"得來不易"

參觀完展覽，我地就去返"多用途室"

因為o個到擺放左公仔紙、釣魚機、抓子等懷舊玩具

公仔紙、抓子、扭計骰.....

每一件懷舊玩具  對呢位小朋友都十分特別

♥ 小小的豆袋都可以玩得咁開心 ♥

(說真的  玩呢d 玩具好似仲玩得耐過屋企o個d)

見佢玩得咁開心   諗住間士多會有得買

點知..... 係冇囉!!   只有好多兒時零食

話咁快就參觀完畢   走人啦!!

Welcome to S.K.Y. Lovely Family

Date:   2015.05.16 (Sat) 2y10m3d

Place:  美荷樓

美荷樓: http://www.yha.org.hk/chi/meihohouse/