《媽媽咪咪嘉年華2015》

一向小FAN 都唔太鍾意去 D 乜乜 BB 展的

原因係?  怕太多人、怕迫....

我知道入去乜乜BB展係可以買到平野、收穫豐富

但我唔想因為平小小而辛苦自己    

由地球攞野返火星唔係件易事

仿且我家爸B 係個 "唔鍾意人多地方"的人   所以..... 

不過~ 隨住小霸王長大左   小FAN 覺得應該要選擇性去下 ♥

剛好呢日BABY-MO 攪左個《媽媽咪咪嘉年華2015》

咁就.... 試下去先!

由火星去機場   路程唔算太遠

全程坐鐵   ♥好方便♥

大鄉里的火星人   第一次黎亞洲國際博覽館囉!!

(其實之前oppa 都有係到攪concert，只係我冇黎)

唔黎真係唔知原來博覽館10週年  

乜起左咁耐架 ? ♥ 

一入到去  已經見到嘉年華的接待處

排隊換入場劵、攞埋場刊就入場

嘉年華比我預期的細細細..... 好多囉!

行一個圈不用10分鐘吧! 

我地入場時約 3點   人流唔算多

先去「尋找100分Carnival Baby」的攝影棚影返張相

(我都唔知用黎做乜? 只係叫小霸王乖乖地坐低影咋)

影完就去參加之前上網登記左的活動

我地抽中左 3個活動，但係我地只係玩左 2個

其中一個係 

"有營Baby Towel Candy 親子工作坊"

由於要等齊人先開始

小霸王無奈地等等等

佢兩父女悶到攞張"母親節咭寫字"囉!!

但唔係寫 I LOVE U.... 係寫ABCDEF.... 

(♥激死人♥ )

♥ 由專人教導下話咁快就完成 ♥

見另一個活動時間未到     就同小霸王周圍玩下   

估唔到佢會要求玩呢個我都覺得高、快、斜的滑梯

佢仲話唔驚，自己一個玩都得

(我個囡幾時變得咁大膽架 ♥)

咁當然   我係唔會放心佢一個人玩啦! 

爸B做前護衛  - 負責影相、係滑梯底接住佢 ♥

我就做後護衛 - 負責係佢後面跟住佢、保護佢 ♥

我呢個"輪盡豬" 佢以為自己好犀利    玩完又話再玩

我只係俾佢玩左兩次   最後佢居然爆喊 

我知佢係好想玩  但基於太多原因令我唔再俾佢玩

人多左排好耐隊、佢唔想排隊而發脾氣 、玩多次只會令佢更加唔願意走

我覺得玩過而足夠，小朋友係唔可以讓佢玩過龍

爆喊一陣  心情平復後   就去另一活動

"巧虎生活自理挑戰站"

2-3歲 小朋友 - 負責餵巧虎BB 食野、飲奶、幫佢睇病、探熱、打針..

不過本身玩得好開心的小霸王   卻因為其他小朋友不停搶佢D野攪到好唔開心

呢一點都令我對呢個活動產生不滿意囉!!

小朋友的父母沒有理會/照顧自己的小朋友

負責的工作人員亦都唔多理會 / 懶得理咁

咁我想問? 

咁點解要登記參加呢? 咁點解要工作人員呢?

我對呢個嘉年華的管理真係唔多滿意

工作人員大多數唔理、問佢野都唔多想答你 / 答唔到你

有種好求其咁的感覺

唉!! 所以玩左唔夠兩個鐘我地就走入啦!

Welcome to S.K.Y. Lovely Family

Date:   2015.05.09 (Sat) ~ 2y9m26d

Place: 亞洲國際博覽館