我愛拍照 ● 我愛拍她

識我的人都知我冇野做時係『機不離手』

唔係手機，係相機

唔知係我的問題  定係真係手機問題

總覺得手機唔夠快   影親都慢半拍    往往都捕足唔到 

而且我唔係一個專業攝影師   我只係一個C9仔

竟然係咁   都係用返相機吧!!.

老公呀~ 小霸王呀~ 家人呀~

佢地當然知我係咁架啦! 

但一D 唔係成日見的朋友們  見到我咁  佢地就一定會問我

請問:  點解你不停咁影相既? 影咁多?

我答: 

『係架!  我影的，全部都係影小霸王咋嘛! 

 而家唔影幾時影呀?  大個D 佢唔SO 我架啦!』

請問: 你影左幾多相呢?

我答: 

『自小霸王出世到而家....... 我估應該有過萬吧!幾十GB卦』

唔好意思! 原來我係答左錯，

返屋企睇返先知係過左六萬張，約250GB

♥ 未夠三年，即平均二萬幾張一年，差不多2000張/月 ♥ 

不停地拍拍拍   主要原因係

信唔過自己的技術，亦都冇時間即時睇相揀相

為左捕足珍貴的相片，唯一的..... 只有拍拍拍

可能十張只會有一張係OK

如果只拍一張   就唔會有相了

人的記憶係有限，如果呢一刻唔拍下來，下一刻你已經唔記得了!

小時候，拍照係一件奢侈品

能夠有一張半張相已經好好，所以冇得影

但係而家，拍照可以叫做唔洗錢，咁點解唔多影呢?

好奇妙的   每個人拍攝角度都唔同  

我鍾意多拍表情、近距離拍照

但爸B 就鍾意拍埋周圍環境  (佢成日都話我唔識影相)

我係唔識架啦!! 我主要係要留低小霸王美好又珍貴一刻咋嘛!! 

♥ 係咪? ♥

Welcome to S.K.Y. Lovely Family